ប្រភេទមនុស្សស្រី ដែលធ្វើឱ្យមនុស្សប្រុសរស់ខ្វះមិនបាន
យល់ដឹង៖ស្រីៗប្រសិនបើចង់ឱ្យខ្លួនឯង ក្លាយទៅជាមនុស្សស្រីដ៏មានតម្លៃម្នាក់ នៅក្នុងខ្សែភ្នែករបស់មនុស្សប្រុសនិងអាចទៅក្លាយទៅជាមនុស្សស្រីចុងក្រោយ ដែលមនុស្សប្រុសស្រលាញ់ មនុស្សស្រីគ្រប់រូបត្រូវធ្វើចេះរក្សាតម្លៃខ្លួនឯង។
ដូច្នេះហើយដើម្បីអាចក្លាយទៅជាមនុស្សស្រីចុងក្រោយ និងជាមនុស្សស្រីដែលធ្វើឱ្យមនុស្សប្រុសរស់ខ្វះមិនបានមនុស្សស្រីគ្រប់រូបត្រូវចេះរៀបចំខ្លួនឯង ឱ្យក្លាយទៅជាប្រភេទមនុស្សស្រី ដូចដែលបានរៀបរាប់នៅខាងក្រោមនេះមនុស្សប្រុសច្បាស់ជាថ្នាក់ថ្នម មិនឱ្យបាត់បង់ឡើយ។
ប្រភេទមនុស្សស្រី ដែលធ្វើឱ្យមនុស្សប្រុសរស់ខ្វះមិនបាន៖
១. ជាមនុស្សស្រីចេះបង្កើតក្តីសុខឱ្យខ្លួនឯង
មនុស្សស្រីបើចង់ឱ្យមនុស្សប្រុសចាត់ទុកខ្លួនជាមនុស្សចុងក្រោយឬជាមនុស្សស្រីដែលគេមិនអាចរស់ខ្វះបាន មនុស្សស្រីត្រូវតែជាមនុស្សដែលចេះបង្កើតក្តីសុខឱ្យខ្លួនព្រោះបើអ្នកមិនទាន់ចេះបង្កើតក្តីសុខឱ្យខ្លួនឯងផងនោះ អ្នកអាចចែករំលែកក្តីសុខ ឱ្យមនុស្សជាទីស្រលាញ់ខ្លួនឯងបានយ៉ាងម៉េចទៅ ហេតុនេះហើយ ត្រូវរៀនចេះបង្កើតក្តីសុខឱ្យខ្លួនឯងជាមុនសិន មុននឹងចង់ក្លាយជាមនុស្សស្រីដែលគេមិនអាចខ្វះបាន។
២. ជាមនុស្សស្រីមានគោលដៅ
ការដែលធ្វើជាមនុស្សស្រី មានគោលដៅច្បាស់លាស់សម្រាប់ខ្លួនឯងគឺអាចធ្វើឱ្យខ្លួនឯងក្លាយទៅជាមនុស្សស្រីម្នាក់ ដែលមនុស្សប្រុសរស់ខ្វះមិនបានព្រោះនៅពេលដែលមនុស្សស្រីមានគោលដៅ គឺគ្មានពេលតាមដាន និងរករឿងមនុស្សប្រុសឡើយដែលជាហេតុធ្វើឱ្យមនុស្សប្រុសស្រលាញ់រឹតតែខ្លាំង ហើយក៏មិនអាចបាត់បង់បានដែរ។
៣.ជាមនុស្សស្រីមានឯករាជ្យភាព
មនុស្សស្រីគ្រប់រូបត្រូវចាំមិនថាមនុស្សប្រុសស្រលាញ់អ្នកខ្លាំងប៉ុណ្ណានោះទេ ប្រសិនបើអ្នកមិនមានឯករាជ្យភាពដោយខ្លួនឯង យូរទៅគេនឹងហត់នឿយក្នុងការតាមការពារ និងយកចិត្តទុកដាក់ជាមួយអ្នកហេតុនេះហើយ ត្រូវធ្វើជាមនុស្សស្រីដែលមានឯករាជ្យភាព ដែលអាចការពារនិងចេះយកចិត្តទុកដាក់ជាមួយខ្លួនឯង នោះមនុស្សប្រុសគ្មានថ្ងៃហត់នឿយ និងធុញទ្រាន់ជាមួយអ្នកឡើយ។
៤.ជាមនុស្សស្រីមានភាពជាខ្លួនឯង
ចង់ឱ្យមនុស្សប្រុសចាត់ទុកអ្នកជាមនុស្សស្រីចុងក្រោយនិងជាមនុស្សស្រីតែម្នាក់ ដែលគេរស់ខ្វះមិនបាន មនុស្សស្រីត្រូវមានភាពជាខ្លួនឯង មិនមែនប្រឹងផ្លាស់ប្តូរខ្លួនឯងដើម្បីផ្គាប់ចិត្តគេ នាំឱ្យគេបានចិត្តនោះទេគឺត្រូវតែធ្វើជាមនុស្សស្រីម្នាក់ ដែលមនុស្សស្រីផ្សេងមិនអាចមកជំនួសអ្នកបាន អញ្ចឹងហើយមនុស្សប្រុសនឹងខ្លាចក្នុងការបាត់បង់អ្នក៕