មិនខ្វះទេ អ្នកស្រលាញ់ស្មោះ បើមនុស្សស្រី មានចរិតលក្ខណៈ បែបនេះ
ស្នេហា៖ អ្នកណាៗក៏ចង់ទទួលបាន ស្នេហាមួយ ដែលច្បាស់លាស់និងមានភាពប្រាកដប្រជា ជាមួយគ្នាដែរ ប៉ុន្តែការដែលទទួលបាន ស្នេហាពិត វាមិនមែនចេះតែ ទទួលបាននោះទេ តែវាតម្រូវឱ្យយើង មានចរិតលក្ខណៈល្អ មួយចំនួន ជាមុនសិន ទើបយើងក៏អាចរកបាន មនុស្សដែលមាន ចរិតលក្ខណៈល្អដូចគ្នាឃើញ។
សម្រាប់មនុស្សស្រី ដែលចង់ជួបស្នេហាពិតមួយអ្នកគួរតែដឹងថា ទាល់តែអ្នកមានចរិតលក្ខណៈល្អ មួយចំនួនសិន ទើបវាអាចជួយឱ្យអ្នក រកឃើញមនុស្សប្រុស ដែលមានចរិតលក្ខណៈល្អដូចគ្នាឃើញជាពិសេស មនុស្សប្រុសម្នាក់នោះ អាចជាស្នេហាពិតរបស់ អ្នកជាមិនខាន។
មានតែមនុស្សស្រីដែលមាន ចរិតលក្ខណៈទាំងនេះទេទើបធ្វើឱ្យពួកគេអាច រកស្នេហ៍ពិតឃើញ៖
១. រៀនពីកំហុសខ្លួនឯង
អ្នកណាៗ ក៏អាចសាងកំហុសឡើងមកដែរប៉ុន្តែអ្វីដែលសំខាន់ គឺត្រូវចេះរៀនទទួលយកការពិត និងចេះកែប្រែកំហុសនោះឬរៀនពីកំហុសនោះ មិនឱ្យកើតឡើងមកម្តងទៀត ដូចជានៅក្នុងរឿង ស្នេហាអញ្ចឹងប្រសិនបើអ្នក ធ្លាប់បានសាងកំហុស នៅក្នុងស្នេហាមុនហើយនោះ ស្នេហាក្រោយអ្នកច្បាស់ជាមិនធ្វើ ឱ្យវាកើតឡើង មកម្តងទៀតនោះទេនៅពេលនោះហើយ ដែលអ្នកអាចមានឱកាស ក្នុងការរកឃើញ ស្នេហាពិតប្រាកដមួយ ប្រសិនបើអ្នកមិនបានសាងកំហុស ឡើងមកដដែលៗ។
២. មិនងាយបោះបង់
ការដែលមនុស្សស្រី តែងតែជាមនុស្សដែល មិនងាយបោះបង់ មិនថាជួបភាពលំបាកខ្លាំងប៉ុណ្ណានោះគឺវានឹងធ្វើឱ្យមនុស្សស្រី មានភាពទាក់ទាញយ៉ាងខ្លាំង ដល់មនុស្សប្រុស។ លើសពីនេះការដែលមិនងាយ បោះបង់អ្វីមួយនោះ វាក៏ទាក់ទាញ ចំពោះមនុស្សប្រុស ដែលមិនងាយបោះបង់ដូចគ្នា។ ដូច្នេះហើយ ការដែលមនុស្សពីរនាក់ មិនងាយបោះបង់អ្វីមួយ ដូចគ្នានោះវាគឺជាឱកាសដ៏ល្អមួយ សម្រាប់មនុស្សស្រី ដែលអាចរកស្នេហ៍ពិតឃើញ ព្រោះស្នេហាពិតមួយ គឺតម្រូវឱ្យមនុស្សពីរនាក់ មិនងាយបោះបង់គ្នា។
៣. មានទំនុកចិត្ត និងមានភាពក្លាហាន
ដោយសារតែមនុស្សស្រី ពោរពេញដោយភាពជឿជាក់និងភាពក្លាហាន បែបនេះហើយ វានឹងធ្វើឱ្យពួកគេ បានជួបមនុស្សប្រុស ដែលពោរពេញដោយទំនុកចិត្តនិងភាពក្លាហានដូចគ្នាអញ្ចឹង។ ដូច្នេះហើយ មនុស្សស្រីច្បាស់ជាមានឱកាស ក្នុងការរកឃើញមនុស្សប្រុស ដែលមានចរិតលក្ខណៈដូចគ្នាឃើញ ជាមិនបានខានជាងនេះទៅទៀត វាក៏អាចធ្វើឱ្យមនុស្សស្រី ស្វែងរកស្នេហាពិតឃើញ។
៤. តែងតែមានការប្រុងប្រយ័ត្នជានិច្ច
មនុស្សស្រី ដែលតែងតែមាន ការប្រុងប្រយ័ត្នក្នុងការធ្វើរឿងអ្វីមួយ ឬការសម្រេចចិត្តអ្វីមួយនោះគឺពួកគេមិនងាយ នឹងប្រឈមមុខ ទៅនឹងបញ្ហាអ្វីមួយ ឬក៏សាងកំហុសអ្វីមួយ កើតឡើងមកនោះទេ។ ជាងនេះទៅទៀត នៅក្នុងរឿងស្នេហា ដែលពួកគេតែងតែ ប្រុងប្រយ័ត្នក្នុងការជ្រើសរើសនោះហើយ ដែលវាអាចធ្វើឱ្យមនុស្សស្រី ដែលមានការប្រុងប្រយ័ត្នខ្ពស់ មានឱកាសច្រើន ក្នុងការជួបស្នេហ៍ពិត។
៥. ចេះយោគយល់
មនុស្សស្រីដែល ចេះយោគយល់ដល់អ្នកដទៃគឺពួកគេរមែងតែ ជួបនឹងមនុស្សល្អៗ ដែលចេះយោគយល់ ដល់មនុស្សជុំវិញខ្លួនដូចគ្នាដូច្នេះហើយ មនុស្សស្រីក៏អាចជួប មនុស្សប្រុសដែលល្អ និងចេះយោគយល់ ដល់អ្នកដទៃដែរ អញ្ចឹងហើយ វាក៏ជាឱកាសមួយក្នុងការឱ្យមនុស្សស្រី បានជួបមនុស្សប្រុសដែលល្អ និងជាស្នេហាពិតទៀតផង។
៦.ឆ្លាតក្នុងការដឹងពីអ្វីដែលត្រូវការនៅក្នុងជីវិត
មនុស្សស្រីដែលឆ្លាត ក្នុងការដឹងពីអ្វីដែលត្រូវការ នៅក្នុងជីវិតរបស់ពួកគេនោះវាគឺជាភាពទាក់ទាញ ដល់មនុស្សប្រុសដែលពូកែ និងមានចរិតលក្ខណៈល្អៗជាច្រើន ដែលជាហេតុធ្វើឱ្យមនុស្សស្រី ងាយនឹងអាចស្វែងរក ស្នេហាពិតឃើញ ព្រោះមនុស្សប្រុសល្អៗ តែងតែមើលឃើញ ពីភាពវៃឆ្លាត របស់មនុស្សស្រីជានិច្ច៕
ប្រភព៖ dazzling