មនុស្សស្រី ពេលមានស្នេហាតែងប្រាថ្នាចង់បាន៤យ៉ាងនេះ

យល់ដឹង៖មនុស្សស្រីភាគច្រើន នៅពេលដែលដាក់ចិត្តស្រលាញ់ លើអ្នកណាម្នាក់គឺមិនដែលរំពឹងចង់បានអ្វីច្រើនពីមនុស្សប្រុសដែលខ្លួនស្រលាញ់ ដូចដែលមនុស្សប្រុសធ្លាប់គិតអគតិចំពោះមនុស្សស្រីឡើយ អ្វីដែលមនុស្សស្រីប្រាថ្នាចង់បាន វាគ្រាន់តែរឿងសាមញ្ញដែលមនុស្សប្រុសអាចធ្វើបានតែប៉ុណ្ណោះ។

ដូច្នេះហើយមនុស្សប្រុសគ្រប់រូបគួរតែរៀនគិតវិជ្ជមានចំពោះមនុស្សស្រីព្រោះថាមនុស្សស្រីណាក៏ដូចនឹងមនុស្សស្រីណាដែរ អ្វីដែលនាងតែងតែប្រាថ្នាចង់បានពីមនុស្សប្រុសដែលខ្លួនស្រលាញ់នៅពេលដែលមានស្នេហា វាគឺជារឿងសាមញ្ញមួយចំនួន ដូចដែលបានរៀបរាប់នៅខាងក្រោមនេះ។

មនុស្សស្រីពេលមានស្នេហាតែងប្រាថ្នាចង់បាន៤យ៉ាងនេះ៖

១.​ ការយកចិត្តទុកដាក់

ជាការពិតមនុស្សស្រីនៅពេលដែលមានស្នេហា គឺតែងតែប្រាថ្នាចង់ឱ្យមនុស្សប្រុសដែលខ្លួនស្រលាញ់ មានការយកចិត្តទុកដាក់មកលើខ្លួនហើយវាក៏មិនមែនជារឿងអ្វីដែលពិបាកណាស់ណាដែរ សម្រាប់មនុស្សប្រុសដូច្នេះចំពោះរឿងនេះមួយ មនុស្សស្រីតែងរំពឹងថាមនុស្សប្រុសដែលពួកគេស្រលាញ់និងអាចធ្វើបានដើម្បីពួកគេ។

២. ការលួងលោម

ជាធម្មជាតិរបស់មនុស្សស្រីទៅហើយនៅពេលដែលមានស្នេហាម្តងៗ គឺតែងតែប្រាថ្នាចង់បានការលួងលោមពីមនុស្សប្រុសដែលខ្លួនស្រលាញ់បែបនេះហើយ មនុស្សប្រុសក៏គួរតែដឹងដែរថា មនុស្សស្រីមិនដែលត្រូវការអ្វីច្រើនពីមនុស្សប្រុសដែលនាងស្រលាញ់ឡើយក្រៅពីត្រូវការការលួងលោមតែប៉ុណ្ណោះ។

៣. ភាពច្បាស់លាស់

គ្មានមនុស្សស្រីណាត្រូវការស្នេហាមួយឆាវនោះទេមនុស្សស្រីគ្រប់រូបសុទ្ធតែប្រាថ្នាស្នេហាដែលខ្លួនមាន ជាស្នេហាចុងក្រោយ ហេតុនេះហើយមនុស្សស្រីត្រូវការភាពច្បាស់លាស់ពីមនុស្សប្រុស មិនមែនជាស្នេហាដែលស្រលាញ់គ្នាលេងសើចដូចជាស្នេហាក្មេងៗស្រលាញ់គ្នាហើយក៏បែកគ្នាទៅវិញនោះទេ អញ្ចឹងហើយ ទាំងនេះជាអ្វីដែលមនុស្សស្រីតែងប្រាថ្នាចង់បាន។

៤. ការឱ្យតម្លៃ

សម្រាប់មនុស្សស្រីគឺមិនត្រូវការអ្វីច្រើនលើសលប់ ដូចដែលមនុស្សប្រុសគិតនោះទេ មនុស្សស្រីគ្រាន់តែត្រូវការឱ្យមនុស្សប្រុសដែលខ្លួនស្រលាញ់ ឱ្យតម្លៃទៅលើក្តីស្រលាញ់ និងការលះបង់របស់នាងតែប៉ុណ្ណោះដូច្នេះមនុស្សប្រុសមិនចាំបាច់ផ្តល់អ្វីច្រើនឱ្យមនុស្សស្រីក៏បាន ត្រឹមតែការមើលឃើញពីក្តីស្រលាញ់និងឱ្យតម្លៃទៅលើក្តីស្រលាញ់របស់នាង វាក៏គ្រប់គ្រាន់ណាស់ទៅហើយ៕