ភាគច្រើននៃមនុស្សស្រីបែបនេះ តែងតែមិនសំណាងក្នុងរឿងស្នេហា

ស្នេហា៖ ពិតណាស់មនុស្សស្រីភាគច្រើនមានសំណាងខ្លាំងណាស់ ដែលបានកើតមកក្នុងគ្រួសារដែលមានសុភមង្គល និងមានតែមនុស្សល្អៗនៅក្បែរខ្លួនប៉ុន្តែគួរឱ្យសោកស្តាយ មនុស្សស្រីទាំងនោះភាគច្រើន បែរជាមិនមានសំណាងនៅក្នុងរឿងស្នេហាទៅវិញ។

ជាងនេះទៅទៀត មនុស្សស្រីដែលមានសំណាងនៅក្នុងជីវិតតែបែរជាមិនមានសំណាងនៅក្នុងរឿងស្នេហាសូម្បីតែម្តងនៅក្នុងជីវិតនោះ ភាគច្រើនគឺជាមនុស្សស្រីដែលមានចរិត ដូចដែលបានរៀបរាប់នៅខាងក្រោមនេះទើបធ្វើឱ្យមនុស្សស្រី មិនអាចមានសំណាងនៅក្នុងរឿងស្នេហាបាន។

ភាគច្រើននៃមនុស្សស្រីបែបនេះតែងតែមិនមានសំណាងក្នុងរឿងស្នេហា៖

១. ជាមនុស្សស្រីមិនចេះអត់ធ្មត់

មនុស្សស្រី បើមិនទាន់ចេះគ្រប់គ្រងអារម្មណ៍ខ្លួនឯងឬមិនទាន់រៀនចេះអត់ធ្មត់ទេនោះ កុំទាន់ទទួលយកស្នេហាពីអ្នកណាម្នាក់អី ព្រោះការដែលអ្នកមិនទាន់ចេះអត់ធ្មត់វាអាចធ្វើឱ្យអ្នកមិនមានសំណាងនៅក្នុងរឿងស្នេហា ដោយសារតែការស្រលាញ់គ្នារវាងមនុស្សពីរនាក់ គឺត្រូវការមានការអត់ធ្មត់ជាមួយគ្នាបើអ្នកអត់ ស្នេហាអ្នកនឹងមិនអាចដល់ត្រើយឡើយ។

២. ជាមនុស្សស្រីឯករាជ្យពេក

វាជារឿងដ៏ល្អបំផុតសម្រាប់មនុស្សស្រីសម័យនេះដែលមានភាពឯករាជ្យនៅក្នុងខ្លួន ដោយមិនចាំបាច់ត្រូវពឹងផ្អែកលើអ្នកណាម្នាក់ប៉ុន្តែនៅពេលដែលអ្នកមានស្នេហា ភាពឯករាជ្យខ្លាំងពេករបស់អ្នក អាចធ្វើឱ្យអ្នកមិនមានសំណាងនៅក្នុងរឿងស្នេហាបាន ព្រោះធ្វើឱ្យគូស្នេហ៍យល់់ថាអ្នករឹងមាំហើយ អញ្ចឹងមិនត្រូវការការថ្នាក់ថ្នម ការយកចិត្តទុកដាក់លើអ្នកឡើយ ដែលវានឹងធ្វើឱ្យអ្នកមានអារម្មណ៍ថាឯកា។

៣. ជាមនុស្សស្រីហួងហែងនិងរករឿងច្រើន

ចរិតដែលធ្វើឱ្យមនុស្សស្រីភាគច្រើនមិនមានសំណាងនៅក្នុងរឿងស្នេហានោះ គឺមកពីមនុស្សចូលចិត្តហួងហែង និងចាំតែរករឿងច្រើន ម្យ៉ាងទោះគេស្រលាញ់់ និងមើលថែអ្នកដូចជាព្រះនាងយ៉ាងណា ក៏គេគង់តែទៅចោលអ្នកដែរ ព្រោះគ្មានមនុស្សប្រុសណាម្នាក់ គេចង់នៅក្បែរមនុស្សស្រីដែលមានតែរឿងច្រើននោះទេ។

៤. ជាមនុស្សស្រីដែលចាំតែឱ្យគេតាមទ្រ

នៅក្នុងទំនាក់ទំនងស្នេហាប្រសិនបើមនុស្សស្រីជាមនុស្សដែលចូលចចិត្តឱ្យគេតាមលួងលោម តាមទ្រគ្រប់ពេលដែលពេលខ្លះខ្លួនឯងក៏ជាអ្នកខុសនោះ ភាគច្រើនគឺតែងតែមិនសមបំណងក្នុងរឿងស្នេហាឡើយ​ ព្រោះតែចរិតបែបនេះ ទើបធ្វើឱ្យមនុស្សប្រុសណាចូលមក ក៏មិនអាចទ្រាំនៅជាមួយយូរបាន៕