ស្នេហា៖ នៅក្នុងទំនាក់ទំនងការប្រើប្រាស់ពាក្យសម្តីរវាងគ្នានឹងគ្នា​ វាក៏ជារឿងមួយ ដ៏សំខាន់ខ្លាំងដែរ ដែលមនុស្សពីរនាក់ នៅក្នុងទំនាក់ទំនងស្នេហាត្រូវដឹង ព្រោះពាក្យសម្តីមួយចំនួន ដែលប្រើប្រាស់ដាក់គ្នាហើយនោះគឺអាចធ្វើឱ្យទំនាក់ទំនងស្នេហា ងាយនឹងបែកបាក់គ្នាបំផុត។ម្យ៉ាងវិញប្រសិនបើមិត្តប្រុសអ្នក គេចង់បែកចិត្តពីអ្នកនោះ គឺគេនឹងមិននិយាយដោយត្រង់ៗឡើយ តែគេនឹងប្រើប្រយោគ មួយចំនួនដាក់អ្នក ដែលធ្វើឱ្យអ្នកដឹងថាទំនាក់ទំនងស្នេហារវាងអ្នកនិងគេ គួរតែបញ្ចប់ហើយ ព្រោះប្រយោគទាំងនោះមនុស្សប្រុសដែលស្រលាញ់មនុស្សស្រីពិតប្រាកដ គឺគេមិនប្រើប្រយោគទាំងនោះ ដាក់ឡើយ។មនុស្សប្រុសគេមិននិយាយត្រង់ៗទេតែបើគេនិយាយប្រយោគទាំងនេះ អ្នកគួរតែបញ្ចប់ទំនាក់ទំនងស្នេហានោះហើយ៖១. ''បងរវល់ខ្លាំងណាស់''<figure style="text-align:center"><img src="https://cms.dmpcdn.com/article/2021/04/21/d0600fb0-a24d-11eb-80d3-132c31d86f5f_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ចំពោះមនុស្សប្រុស ដែលស្រលាញ់មនុស្សស្រីម្នាក់ យ៉ាងពិតប្រាកដដោយមិនបែកចិត្តនោះ មិនថាគេ មានការរវល់ខ្លាំងប៉ុណ្ណាទេ គឺគេនឹងឆ្លៀតពេលវេលា សម្រាប់មនុស្សស្រីដែលគេស្រលាញ់ប៉ុន្តែចំពោះមនុស្សប្រុស ដែលចង់បែកចិត្តពីអ្នកវិញទេ គឺមិនថាគេរវល់ឬទំនេរទេគេនឹងប្រើប្រយោគថា ''បងរវល់ខ្លាំងណាស់'' ដាក់អ្នក ដើម្បីជាលេសមិនចង់ជួបអ្នក ហេតុនេះហើយអ្នកគួរតែដឹងហើយថា ទំនាក់ទំនងស្នេហារវាងអ្នកនិងគេ គួរតែបញ្ចប់ហើយ។២.​''បងចង់គិតយ៉ាងម៉េចក៏បាន''<figure style="text-align:center"><img src="https://cms.dmpcdn.com/article/2021/02/26/b63a2ef0-7808-11eb-822c-1174bade5fd3_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>មនុស្សពីរនាក់ដែលស្រលាញ់គ្នាប៉ុន្តែបើមានម្ខាងបញ្ចេញសកម្មភាព ធ្វើដូចជាអ្នកដទៃនោះទោះខំប្រឹងថែរក្សា ចំណងស្នេហានោះ ឱ្យរឹងមាំខ្លាំងប៉ុណ្ណាក៏ដោយក៏វាមិនមានន័យអ្វី តទៅទៀតដែរ។ ដូច្នេះហើយ ប្រសិនបើមិត្តប្រុសអ្នក ស្រាប់តែប្រើប្រយោគ ''បងចង់គិតយ៉ាងម៉េចក៏បាន'' ដាក់អ្នកនោះ ច្បាស់ណាស់ ថាគេកំពុងតែប្រែចិត្ត ដាក់អ្នកហើយគ្រាន់តែគេមិននិយាយតាមត្រង់ តែប៉ុណ្ណោះ អញ្ចឹងហើយ ទោះបន្តទំនាក់ទំនងស្នេហានោះទៀតវាក៏មិនអាចធ្វើឱ្យអ្នក និងគេមានក្តីសុខបានដែរ។៣. ''ឈប់បង្កបញ្ហាទៀតទៅ''<figure style="text-align:center"><img src="https://cms.dmpcdn.com/article/2021/06/17/e65a4850-cf28-11eb-952e-8703c29a4e8e_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ជាធម្មតា ការកើតមានបញ្ហា នៅក្នុងទំនាក់ទំនងស្នេហាវាមិនមែនសុទ្ធសឹង តែកើតឡើងពីម្ខាងឡើយ តែវាក៏ជាចំណែក របស់ភាគីម្ខាងទៀតដែរ។ ហេតុនេះហើយ ប្រសិនបើមានបញ្ហា ហើយមិត្តប្រុសរបស់អ្នក ស្រាប់តែប្រើប្រយោគថា ''ឈប់បង្កបញ្ហាទៀតទៅ'' ដាក់អ្នកនោះ គឺវាកំពុងតែបង្ហាញ ពីការធុញទ្រាន់របស់គេ ដែលមាននៅក្នុងទំនាក់ទំនងស្នេហាហើយដូច្នេះហើយ មនុស្សស្រីគួរតែដឹង ហើយបញ្ចប់ទំនាក់ទំនងស្នេហានោះ ព្រោះមនុស្សប្រុស ដែលចាំតែបន្ទោសអ្នក បែបនេះ គឺមិនសាកសមឱ្យអ្នក ចំណាយពេលវេលាជាមួយឡើយ៕ប្រភព៖​ <a href="https://www.phunuvagiadinh.vn/phu-nu-yeu-221/khong-can-dan-ong-noi-thang-mat-chi-can-ho-thuong-xuyen-dung-3-cau-nay-thi-phu-nu-nen-biet-moi-quan-he-can-cham-dut-412375">phunuvagiadinh.vn</a>

ទោះគេមិននិយាយត្រង់ តែបើគេប្រើប្រយោគទាំងនេះដាក់អ្នក អ្នកគួរតែបញ្ចប់ស្នេហានោះហើយ