រោគសញ្ញា ពេលអ្នករកឃើញមនុស្សដែលអ្នកអាចស្រលាញ់

ស្នេហា៖ ស្រលាញ់មនុស្សម្នាក់មិនអាចចេះតែស្រលាញ់ឱ្យតែបានៗនោះទេ វាក៏ត្រូវការឱ្យអ្នកចេះសង្កេតមើលដែរថា ពេលដែលនៅក្បែរគ្នាហើយ អាចមានសេចក្តីសុខដែរឬក៏អត់ដែរមិនមែនឱ្យតែស្រលាញ់ ទោះនៅក្បែរគ្នាត្រូវទឹកភ្នែកយ៉ាងណា ក៏ទ្រាំនៅក្បែរនោះទេ។

ហេតុនេះហើយ មុននឹងដាក់ចិត្តស្រលាញ់អ្នកណាម្នាក់អ្នករាល់គ្នាក៏ត្រូវចេះសង្កេតមើលពីសញ្ញាទាំងអស់នេះជាមុនសិនផងដែរបើឃើញថាមានសញ្ញាទាំងនេះ គឺបានន័យថាមនុស្សម្នាក់នោះ ស័ក្កសមនឹងឱ្យអ្នកដាក់ចិត្ត ដាក់កាយស្រលាញ់បានហើយ ព្រោះគេអាចនឹងធ្វើឱ្យអ្នកមានក្តីសុខ។

រោគសញ្ញាពេលអ្នករកឃើញមនុស្សដែលអ្នកអាចស្រលាញ់៖

១. ឆាប់ចុះសម្រុងគ្នា

នៅពេលដែលអ្នករកឃើញថាមនុស្សម្នាក់ដែលអ្នកអាចស្រលាញ់បាន អាចផ្តល់ក្តីស្រលាញ់ឱ្យគេបាន​ គឺជាពេលដែលអ្នកនិងមនុស្សម្នាកនោះ ឆាប់មានការចុះសម្រុងជាមួយគ្នាទោះស្គាល់ឬនៅក្បែរគ្នាត្រឹមរយៈពេលខ្លី តែអ្នករវាង គេមានចិត្តគំនិតដូចគ្នា​ ដូច្នេះអ្នកអាចស្រលាញ់បានព្រោះបើអ្នកនិងគេបានស្រលាញ់គ្នា ពេលដែលក្លាយទៅជាគូស្នេហ៍ នឹងមិនងាយមានបញ្ហានឹងគ្នា។

២. យល់ពីគ្នាបានច្រើន

ប្រសិនបើអ្នកសង្កេតឃើញថាអ្នកនិងគេអាចយល់ពីគ្នាបានច្រើនជាងមនុស្សធម្មតា វាជាពេលដែលបង្ហាញឱ្យអ្នកបានដឹងថា អ្នកបានរកឃើញមនុស្សម្នាក់ដែលអ្នកគួរតែស្រលាញ់ហើយព្រោះមិនមានមនុស្សច្រើននោះទេ ដែលចូលមកក្នុងជីវិតអ្នក ហើយអាចយល់ពីអ្នក ចំណែកអ្នកក៏អាចយល់ពីគេដូចគ្នា ហេតុនេះ កុំឱ្យរំលងផុតឱ្យសោះ ព្រោះមនុស្សម្នាក់នោះអាចជាគូនឹងអ្នក។

៣.តែងតែព្រួយបារម្ភពីគ្នា

នៅលើលោកនេះមនុស្សយើងម្នាក់ៗមិនងាយនឹងបានជួបមនុស្សដែលយើងស្រលាញ់គេ ហើយគេក៏ស្រលាញ់យើងវិញដូចគ្នានិងតែងតែព្រួយបារម្ភខ្លាចបាត់បង់គ្នាទៅវិញទៅមកនោះទេ ដូច្នេះហើយ បើអ្នកបានជួបមនុស្សបែបនេះវាជាពេលដែលត្រូវប្រាប់ឱ្យអ្នកបានដឹងហើយថាអ្នកបានរកឃើញមនុស្សម្នាក់ដែលអ្នកអាចដាក់ចិត្ត ដាក់កាយស្រលាញ់គេបានហើយ។

៤.គ្រប់ពេលដែលនៅក្បែរគេ អ្នកអាចធ្វើជាខ្លួនឯង

សញ្ញានៅពេលដែលអ្នករកបានមនុស្សដែលអ្នកអាចស្រលាញ់បានគឺជាពេលដែលអ្នកអាចធ្វើជាខ្លួនឯងពិតប្រាកដ គ្រប់ពេលដែលបាននៅក្បែរគេ ហើយគេមិនប្រកាន់ផ្ទុយទៅវិញ គេបែរជាពេញចិត្តជាមួយនឹងអ្វីដែលជាខ្លួនអ្នក ដែលមនុស្សម្នាក់នេះហើយជាមនុស្សដែលអ្នកអាចដាក់ចិត្តស្រលាញ់បាន ហើយក៏មិនធ្វើឱ្យអ្នកស្តាយក្រោយ៕