៤ចំណុច ដែលមនុស្សប្រុសមិនធ្លាប់ដឹងពីមនុស្សស្រី

យល់ដឹង៖ មនុស្សប្រុសមិនថាជិតស្និទ្នឬព្យាយាមយល់ពីមនុស្សស្រីប៉ុណ្ណានោះទេមនុស្សប្រុសក៏នៅតែមិនអាចដឹងរឿងរ៉ាវគ្រប់យ៉ាងពីមនុស្សស្រីបានដែរ ហើយចំពោះរឿងរ៉ាវខ្លះទៀត គឺមនុស្សប្រុសមិនធ្លាប់បានដឹងពីមនុស្សស្រីតែម្តង។

ហេតុនេះហើយដើម្បីចង់ដឹងថារឿងរ៉ាវអ្វីខ្លះ ដែលមនុស្សប្រុសមិនធ្លាប់បានដឹងពីមនុស្សស្រី មនុស្សប្រុសគួរតែមើលពីចំណុចមួយចំនួន ដូចដែលបានរៀបរាប់នៅខាងក្រោមនេះដែលវាជាចំណុចសំខាន់របស់មនុស្សស្រី ដែលអ្នកជាមនុស្សប្រុសមិនធ្លាប់បានដឹងពីមុនមក។

៤ចំណុច ដែលមនុស្សប្រុសមិនធ្លាប់ដឹងពីមនុស្សស្រី៖

១.មនុស្សស្រីដឹងបានគ្រប់រឿង

សម្រាប់មនុស្សប្រុសដែលមិនធ្លាប់មានសង្សារប្រហែលជាមិនដឹងរឿងច្រើនពីមនុស្សស្រីនោះទេ ដូច្នេះហើយអ្វីដែលមនុស្សប្រុសត្រូវដឹងនោះ គឺថាមនុស្សស្រីជាមនុស្សម្នាក់ ដែលអាចដឹងបានគ្រប់រឿងរ៉ាវទាំងអស់ ឱ្យតែនាងចង់ដឹង លើសពីនេះ មិនថាអ្នកព្យាយាមលាក់បាំងអ្វីមួយពីនាងប៉ុណ្ណាទេ នាងនៅតែអាចដឹង បែបនេះនៅពេលមានសង្សារ ត្រូវចេះប្រយ័ត្នខ្លួនកុំកុហកនាងឱ្យសោះ។

២.មនុស្សស្រីពូកែតូចចិត្តបំផុត

ប្រសិនបើអ្នកជាមនុស្សប្រុសមិនទាន់ចេះលួងលោម និងមានភាពអត់ធ្មត់ខ្ពស់ទេ កុំទាន់យកសង្សារឱ្យសោះព្រោះថាអ្វីដែលអ្នកជាមនុស្សប្រុសមិនធ្លាប់បានដឹងពីមនុស្សស្រី គឺមនុស្សស្រីជាមនុស្សពូកែតូចចិត្តបំផុតមិនថាតែចំពោះរឿងតូចតាច ឬមិនមែនជារឿងក៏ដោយ ឱ្យតែនាងយកមកគិតផ្តេសផ្តាសតែខ្លួនឯងគឺនាងចាប់ផ្តើមតូចចិត្តហើយ។

៣.មនុស្សស្រីគួរឱ្យខ្លាចនៅពេលស្ងាត់

អ្វីដែលមនុស្សប្រុសត្រូវដឹងពីមនុស្សស្រីនោះគឺភាពស្ងៀមស្ងាត់របស់មនុស្សស្រី ព្រោះមនុស្សស្រីដែលគួរឱ្យខ្លាចបំផុត មិនមែនជាមនុស្សស្រីដែលនៅរអ៊ូរទាំនិងរករឿងឈ្លោះជាមួយអ្នកទេ​ តែជាមនុស្សស្រីម្នាក់ដែលស្ងៀមស្ងាត់ដាក់អ្នក ដោយសារតែពេលដែលមនុស្សស្រីស្ងាត់ គឺវាជាសញ្ញាបញ្ជាក់ឱ្យអ្នកបានដឹងថា នាងឆ្អែតឆ្អន់នឹងអ្នក។

៤.មនុស្សស្រីចូលចិត្តនិយាយផ្ទុយ

ជាការពិតណាស់អ្វីដែលធ្វើឱ្យមនុស្សប្រុសពិបាកយល់ពីមនុស្សស្រីនោះ គឺដោយសារតែមនុស្សប្រុសមិនបានដឹងថាមនុស្សស្រីជាមនុស្សចូលចិត្តនិយាយផ្ទុយពីចិត្តខ្លួនឯងទើបធ្វើអ្វីក៏មិនត្រូវចិត្តមនុស្សស្រី ដូច្នេះសម្រាប់មនុស្សប្រុស នៅពេលដែលដឹងបែបនេះហើយ វានឹងងាយស្រួលក្នុងការឱ្យអ្នក ធ្វើត្រូវចិត្តមនុស្សស្រីដែលអ្នកស្រលាញ់៕