យល់ដឹង៖ មនុស្សស្រីពេលនៅជាសង្សារគឺហួងហែងខ្លាំងព្រោះគិតថាមានឋានៈត្រឹមជាសង្សារគ្មានសិទ្ធអ្វីដែលអាចហាមគេមិនឱ្យទាក់ទងអ្នកណាបាននោះទេហើយគេក៏មិនមែនជាកម្មសិទ្ធរបស់មនុស្សស្រីផ្តាច់មុខដែរបើមិនទាន់ចូលរោងការជាមួយគ្នាប៉ុន្តែលុះដល់ពេលរៀបការហើយ មនុស្សស្រីមិនត្រឹមតែមិនកាត់បន្ថយការហួងហែងទេ តែបែរជារឹតតែហួងហែងនិងភ័យខ្លាចកាន់តែជាងកាលនៅជាសង្សារទៀត។ហេតុនេះហើយចំពោះមនុស្សស្រីក្រោយពេលដែលរៀបការហើយ អ្វីដែលដក់នៅក្នុងចិត្តរបស់មនុស្សស្រីជានិច្ចនោះគឺការភ័យខ្លាចចំពោះរឿងមួយចំនួន ដូចដែលបានរៀបរាប់នៅខាងក្រោមនេះដែលជាហេតុធ្វើឱ្យមនុស្សស្រីកាន់តែរករឿង និងហួងហែងកាន់តែខ្លាំង បើទោះបីដឹងថារៀបការក្លាយទៅជាប្តីប្រពន្ធស្របច្បាប់ក៏ដោយ។៥ការភ័យខ្លាចដែលតែងដក់ជាប់នៅក្នុងចិត្តមនុស្សស្រីក្រោយពេលរៀបការរួច៖១. ខ្លាចប្តីក្បត់ចិត្តទៅមានស្រីក្រៅ<figure style="text-align:center"><img src="https://cms.dmpcdn.com/article/2021/12/25/2b561070-6537-11ec-926d-15625161706e_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ក្រោយពេលដែលរៀបការរួចអ្វីដែលមនុស្សស្រីខ្វល់ចិត្ត និងភ័យខ្លាចបំផុតនោះ គឺត្រូវបានប្តីខ្លួនឯង ក្បត់ចិត្តទៅលួចមានស្រីនៅខាងក្រៅហើយចោលប្រពន្ធកូន ម្យ៉ាងវិញទៀត វាក៏មិនមែនជារឿងចម្លែកដែរ ដែលមនុស្សស្រីក្រោយពេលដែលរៀបការរួច តែងមានការភ័យខ្លាចចំពោះរឿងនេះ ហើយវាក៏តែងតែដក់ជាប់នៅក្នុងចិត្តមនុស្សស្រី ព្រោះថាគ្មានមនុស្សស្រីណាចង់ឱ្យខ្លួនឯង ក្លាយទៅជាប្រពន្ធល្ងង់ដែលត្រូវបានប្តីក្បត់ចិត្តនោះទេ។២.ខ្លាចប្តីឈប់ស្រលាញ់<figure style="text-align:center"><img src="https://cms.dmpcdn.com/article/2021/08/13/566b9d50-fbf3-11eb-9d76-878aa3ac09ca_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>គ្មានស្រីណាម្នាក់ចង់ឱ្យប្តីខ្លួនឯងឈប់ស្រលាញ់នោះទេ លើសពីនេះ គឺរឹតតែភ័យខ្លាចថាខ្លួនមិនស្អាត មិនទាក់ទាញដូចកាលនៅជាសង្សារទើបជាហេតុធ្វើឱ្យមនុស្សស្រី ទោះរៀបការមានកូនប៉ុន្មានក៏ដោយ ក៏មិនភ្លេចក្នុងការតុបតែងខ្លួននិងយកចិត្តប្តីដែរ ហើយមនុស្សស្រីតែងភ័យខ្លាចដក់ជាប់នៅក្នុងចិត្តជានិច្ច ទោះរៀបការក្លាយទៅជាប្តីប្រពន្ធស្របច្បាប់នឹងគ្នាក៏ដោយ។៣. ខ្លាចការបែកបាក់<figure style="text-align:center"><img src="https://cms.dmpcdn.com/article/2021/12/25/2bd32fb0-6537-11ec-868d-15b71ff259a2_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>នៅលើលោកនេះគ្មានមនុស្សស្រីណាចង់ឱ្យជីវិតអាពាហ៍ពិពាហ៍របស់ខ្លួន ត្រូវបានបែកបាក់ដោយសារតែហេតុផលណាមួយទេគឺតែងតែចង់ឱ្យជីវិតប្តីប្រពន្ធ ក៏ដូចជាគ្រួសារបានរស់នៅជួបជុំគ្នា ដោយមានសុភមង្គលប៉ុន្តែការបែកបាក់ ឬការព្រាត់ប្រាស់គ្នា វាមិនអាចធ្វើឱ្យយើងមើលឃើញបានមុនដែរ ទើបធ្វើឱ្យមនុស្សស្រីក្រោយរៀបការរួចក៏នៅតែមានការភ័យខ្លាចចំពោះការបែកបាក់គ្នាផងដែរ។៤. ខ្លាចកូនៗបាត់បង់ភាពកក់ក្តៅ<figure style="text-align:center"><img src="https://cms.dmpcdn.com/article/2021/12/25/2c4838a0-6537-11ec-89c5-676987e425bf_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ការភ័យខ្លាចបាត់បង់ប្តីវាមិនមែនជារឿងដែលគួរឱ្យភ័យខ្លាចខ្លាំង ដល់ថ្នាក់ភ័យខ្លាចចំពោះការបាត់បង់ក្តីស្រលាញ់និងភាពកក់ក្តៅ ដែលធ្លាប់តែផ្តល់ឱ្យកូនៗនោះទេ ព្រោះក្រោយពេលដែលរៀបការមានកូនរួច អ្វីដែលសំខាន់បំផុតសម្រាប់មនុស្សស្រីគឺកូនៗ ទោះប្តីបោះបង់ចោល ក៏នៅមានកូនៗដែលជាកម្លាំងចិត្តដែរម្យ៉ាងប្តីគ្រាន់តែជាសាច់ដទៃ តែកូនៗទើបជាសាច់ឈាមតែមួយ ទើបមនុស្សស្រីចេះតែភ័យខ្លាចនិងព្រួយចិត្ត។៥. ខ្លាចមាត់ញាតិមិត្តនិងមនុស្សជុំវិញខ្លួន<figure style="text-align:center"><img src="https://cms.dmpcdn.com/article/2021/12/25/2cb181c0-6537-11ec-868d-15b71ff259a2_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>មនុស្សនៅក្នុងសម័យនេះ ត្រូវរស់នៅក្នុងសង្គមមនុស្ស ដូច្នេះហើយ កិត្តិយស​និងមុខមាត់របស់មនុស្ស នៅក្នុងសង្គមគឺវាពិតជាសំខាន់ខ្លាំងណាស់ មិនថាតែមនុស្សស្រី ឬមនុស្សប្រុសនោះទេ ហេតុនេះហើយ ក្រោយពេលដែលរៀបការរួចអ្វីដែលធ្វើឱ្យមនុស្សស្រីតែងភ័យខ្លាចនៅក្នុងចិត្តនោះ គឺខ្លាចការលែងលះឬការឈ្លោះប្រកែកហែកហួរគ្នាពីទំនាក់ទំនងប្តីប្រពន្ធ នៅលើបណ្តាញសង្គម ដែលធ្វើឱ្យញាតិមិត្តនិងមនុស្សជុំវិញខ្លួនសើចយំ នឹងរឿងរបស់ខ្លួន ហើយកិត្តិយសនិងមុខមាត់ ក៏ត្រូវបានបាត់បង់តាមហ្នឹងដែរ៕ប្រភព៖​ <a href="https://phunutoday.vn/5-noi-so-luon-thuong-truc-trong-dau-nhung-ga-dan-ong-trang-hoa-d310088.html">phunutoday</a>

៥ការភ័យខ្លាច ដែលតែងដក់ជាប់នៅក្នុងចិត្តមនុស្សស្រី ក្រោយពេលរៀបការរួច