ប្រពន្ធៗគួរចងចាំ ៤យ៉ាងនេះ ធ្វើឱ្យប្តីប្រពន្ធអ្នកនៅជាមួយគ្នាបានយូរ

យល់ដឹង៖ គ្រួសារដែលអាចមានសុខសុភមង្គលទៅបានមិនអាស្រ័យទៅលើប្តីតែម្នាក់ទេ តែក៏អាស្រ័យទៅលើមនុស្សពីរនាក់ដែលជាប្តីប្រពន្ធនឹងគ្នាជាពិសេសមនុស្សស្រីជាប្រពន្ធតែម្តង ព្រោះមនុស្សស្រីជាផ្នែកមួយដ៏សំខាន់បំផុតនៅក្នុងគ្រួសារ។

ហេតុនេះហើយមនុស្សស្រីដែលជាប្រពន្ធគ្រប់រូប គួរតែចងចាំនូវរឿងមួយចំនួន ដូចដែលបានរៀបរាប់នៅខាងក្រោមនេះឱ្យបានល្អព្រោះរឿងទាំងនេះនឹងជួយធ្វើឱ្យទំនាក់ទំនងប្តីប្រពន្ធរបស់អ្នកទាំងពីរកាន់តែស្រលាញ់គ្នានិងនៅជាមួយគ្នាបានយូរអង្វែង។

ប្រពន្ធៗគួរចងចាំ៤យ៉ាងនេះ ធ្វើឱ្យប្តីប្រពន្ធអ្នកនៅជាមួយគ្នាបានយូរ៖

១. សរសើរប្តីរបស់អ្នក

ការសរសើររបស់ប្រពន្ធចំពោះប្តីគឺវាពិតជាអាចធ្វើឱ្យទំនាក់ទំនងរវាងប្តីប្រពន្ធ កាន់តែមានភាពរឹងមាំខ្លាំងណាស់ព្រោះគ្មានប្តីណាដែលមិនសប្បាយចិត្តនោះទេ នៅពេលដែលត្រូវបានប្រពន្ធខ្លួន កោតសរសើរចំពោះខ្លួនបែបនេះគឺមានតែធ្វើឱ្យប្តីមានអារម្មណ៍ល្អគ្រប់ពេលដែលនៅជាមួយប្រពន្ធដែលជាហេតុធ្វើឱ្យប្តីប្រពន្ធនៅជាមួយគ្នាបានយូរ។

២.ឱ្យតម្លៃលើការខិតខំរបស់ប្តី

មនុស្សប្រុសដែលមាននាមជាប្តីគឺមិនត្រឹមតែដើរតួនាទីជាប្តី ជាឪពុកទេ តែត្រូវមានតួនាទី និងទំនួលខុសត្រូវដែលត្រូវរ៉ាបរងនូវរឿងរ៉ាវជាច្រើនដូច្នេះក្នុងនាមអ្នកជាប្រពន្ធ ដែលចង់ឱ្យគ្រួសារពោរពេញទៅដោយក្តីសុខ និងសុភមង្គលប្រពន្ធត្រូវចេះឱ្យតម្លៃទៅលើការខិតខំប្រឹងប្រែងរបស់ប្តីមិនមែនចាំតែស្តីបន្ទោសនោះទេ។

៣. មោទនភាពចំពោះប្តី

អ្វីដែលមនុស្សប្រុសជាប្តីតែងចង់បានគឺចង់ឱ្យប្រពន្ធខ្លួនចេះមានមោទនភាព និងមើលឃើញពីសមត្ថភាពរបស់ប្តី ហេតុនេះហើយ ប្រពន្ធគួរណាតែមានមោទនភាពចំពោះប្តីខ្លួនបើទោះបីជាប្តី មិនបានផ្តល់នូវអ្វីដែលជាធំដុំដូចប្តីរបស់អ្នកដទៃក៏ដោយតែពេលខ្លះអ្នកដទៃមិនអាចទទួលបានក្តីស្រលាញ់ និងការយកចិត្តទុកដាក់ស្មើនឹងប្តីអ្នកផ្តល់ឱ្យអ្នកផង។

៤. ដឹងគុណចំពោះប្តី

គ្រួសារមួយដែលអាចរីកលូតលាស់រីកចម្រើនទៅមុខបានភាគច្រើនកើតចេញពីមនុស្សប្រុសជាប្តី ដែលជាមេគ្រួសារហេតុនេះហើយប្រពន្ធគួរតែរៀនដឹងគុណពីការខិតខំរបស់ប្តី ព្រោះប្តីរបស់អ្នក បានលះបង់ទាំងកម្លាំងកាយនិងកម្លាំងចិត្តជាច្រើនចំពោះគ្រួសារមួយនេះ ហើយការដែលអ្នកចេះដឹងគុណបែបនេះ វាក៏បានបង្ហាញពីការដែលអ្នកចេះឱ្យតម្លៃទៅលើប្តីរបស់អ្នកដែរ៕