ចង់ធ្វើជាមនុស្សស្រីដែលរឹងមាំ និងជឿជាក់ ត្រូវតែមានចំណុចទាំងនេះ
យល់ដឹង៖ ការដែលចង់ក្លាយទៅជាមនុស្សស្រីម្នាក់ដែលមានភាពរឹងមាំនិងមានភាពជឿជាក់នៅក្នុងខ្លួន វាមិនមែនជារឿងងាយស្រួលឡើយ ហើយក៏មិនមែននៅសុខៗ ក៏ទទួលបានភាពរឹងមាំ និងភាពជឿជាក់មកដែរ តែវាក៏បានមកពីការខិតខំធ្វើខ្លួន ឱ្យស័ក្កសមនឹងទទួលអ្វីទាំងនោះផងដែរ។
ដូច្នេះហើយ សម្រាប់ស្រីៗដែលចង់ធ្វើជាមនុស្សស្រីដែលរឹងមាំនិងមានភាពជឿជាក់នៅក្នុងខ្លួន អ្នកត្រូវមានចំណុចសំខាន់ៗមួយចំនួន ដូចដែលបានរៀបរាប់នៅខាងក្រោមនេះជាមុនសិនទើបអ្នកអាចក្លាយទៅជាមនុស្សស្រីម្នាក់ដែលរឹងមាំ និងពោរពេញដោយភាពជឿជាក់ដែលអ្នកណាៗក៏កោតសរសើរអ្នក។
ចង់ធ្វើជាមនុស្សស្រីដែលរឹងមាំនិងមានភាពជឿជាក់គឺត្រូវតែមានចំណុចទាំងនេះ៖
១. ចំណេះដឹង
មនុស្សស្រីដែលអាចរឹងមាំនិងមានភាពជឿជាក់បាន លុះត្រាតែមនុស្សម្នាក់នោះពោរពេញដោយចំណេះដឹង និងសមត្ថភាព ដែលគ្មានអ្នកណាម្នាក់អាចមកមើលងាយឬពេកជ្រាយបាន អញ្ចឹងហើយ ស្រីៗបើចង់រឹងមាំ និងមានភាពជឿជាក់ត្រូវតែប្រឹងប្រែង យកចំណេះជំនាញដាក់ខ្លួនឱ្យបានច្រើន។
២.ចេះតែងខ្លួនឱ្យស្អាតសមរម្យ
ជាមនុស្សស្រីបើចង់រឹងមាំ និងពោរពេញដោយភាពជឿជាក់ ដែលធ្វើឱ្យអ្នកណាៗក៏កោតសរសើរគឺត្រូវតែចេះតុបតែងខ្លួនឱ្យមានរបៀបរៀបរយ និងចេះតែងខ្លួនឱ្យស្អាតសមរម្យ មិនឡូយឆាយពេក ក៏មិនពិបាកមើល ដែលទាំងនេះជាអ្វីអាចធ្វើឱ្យមនុស្សស្រីកាន់តែមានទំនុកចិត្តលើខ្លួនឯង។
៣. ចេះធ្វើការងារផ្ទះ
កើតមកជាមនុស្សស្រីមិនថាពូកែរឿងការងាររកស៊ីនៅខាងក្រៅប៉ុណ្ណាទេបើចង់ក្លាយខ្លួនទៅជាមនុស្សស្រីម្នាក់ដែលរឹងមាំ អាចមើលថែខ្លួនឯងបានយ៉ាងល្អនិងអាចរស់នៅតែម្នាក់ឯង ដោយភាពជឿជាក់ គឺត្រូវតែចេះធ្វើម្ហូប និងការងារផ្ទះជាដើមទើបអាចរស់នៅបានសុខស្រួល។
៤. ក្លាហាន
មុននឹងចង់ក្លាយទៅជាមនុស្សស្រី ដែលរឹងមាំនិងមានភាពជឿជាក់នៅក្នុងខ្លួនមនុស្សស្រីត្រូវតែមានភាពក្លាហាន បើមិនអញ្ចឹងទេ នឹងក្លាយទៅជាមនុស្សស្រីដែលទន់ជ្រាយ មិនហ៊ានធ្វើអ្វីទាំងអស់ទើបភាពក្លាហានគឺជាអ្វី ដែលអាចធ្វើឱ្យមនុស្សស្រីឈានទៅរកភាពរឹងមាំ និងភាពជឿជាក់បាន។
៥. មិនយកស្នេហាជាធំ
ស្នេហាអាចផ្តល់ក្តីសុខនិងថាមពលឱ្យជីវិតក៏ពិតមែន តែស្នេហាក៏អាចផ្តល់ផលអាក្រក់មកលើជីវិតរបស់យើងគ្រប់គ្នាបានដែរ ប៉ុន្តែយើងមិនយកស្នេហាជាធំ ទោះមានបញ្ហាឬបែកបាក់គ្នា វាក៏មិនអាចធ្វើឱ្យជីវិតអ្នកធ្លាក់ដុនដាបដែរម្យ៉ាងអ្នកកាន់តែរឹងមាំ និងកាន់តែមានភាពជឿជាក់ថាខ្លួនអ្នកជាមនុស្សមានតម្លៃយ៉ាងណា ទោះអ្នកផ្សេងមើលរំលងអ្នកយ៉ាងម៉េចក៏ដោយ៕