រឿងទាំង៥ ដែលអ្នកធ្វើឲ្យ ខ្ជះខ្ជាយពេលវេលា ដ៏មានតម្លៃរបស់អ្នក

យល់ដឹង៖ ពេលវេលាចេះតែដើរ ទៅមុខពីមួយ​នាទី ទៅមួយនាទី ពីមួយថ្ងៃ ទៅមួយថ្ងៃឥតឈប់ឈរ។រឿងដែលអ្នកកំពុងធ្វើ ក៏មិនមែន​ សុទ្ធតែត្រូវទាំងអស់ដែរ។រឿងខ្លះអ្នកបានធ្វើវា រហូតក្លាយជាទំលាប់ ទាំងមិនដឹងថាវា កំពុងតែបំផ្លាញពេលវេលា របស់ដ៏មានតម្លៃរបស់អ្នក។ 

ស្របពេលដែលពេលវេលា កំពុងតែដើរទៅមុខ អ្នកក៏កំពុងតែ រត់ប្រណាំងជាមួយពេលវេលា របស់ខ្លួនឯងផងដែរ។ពេលខ្លះអ្នកកំពុងតែចំណាយពេលវេលា របស់អ្នកទៅលើរឿងមួយចំនួន ដែលឥតប្រយោជ៍ រហូតភ្លេចនូវរឿងសំខាន់ជាច្រើន។

ខាងក្រោមនេះជារឿងទាំង៥​ ដែលអ្នកតែងតែចំណាយ ពេលទៅលើវា៖

១. គិតហើយមិនធ្វើ

មនុស្សដែលមាន ការស្រមើលស្រមៃច្រើន ជាមនុស្សដែលអស្ចារ្យ ប៉ុន្តែបើការស្រមើលស្រមៃ គ្រាន់តែជាការស្រមើលស្រមៃ នោះវារឿងដែលឥតប្រយោជ៍បំផុត។មនុស្សដែលអស្ចារ្យ ជាមនុស្សដែលគិត ហើយធ្វើ ទោះបីលទ្ធផលចេញមក មិនសមតាមបំណង ប៉ុន្តែអ្នកនឹងទទួលបានមេរៀននៃ ជីវិតមួយដ៏ល្អបំផុត ហើយអ្នកក៏បានធ្វើរឿងដែលអ្នកចង់ធ្វើផងដែល។

២. រាប់អានមនុស្សអវិជ្ជមាន

អ្នកគួរតែរាប់អានមនុស្សវិជ្ជមាន ជៀសជាងមនុស្សអវិជ្ជមាន  ព្រោះមនុស្សវិជ្ជមានតែងតែស្តាប់ និងផ្តល់យោបល់ល្អៗដល់អ្នកជានិច្ច។ចំពោះមនុស្សអវិជ្ជមានពួកគេ តែងតែគិតអវិជ្ជមាន និងតែងតែរារាំង នៅរឿងអ្នកចង់ធ្វើ។

៣. ចំណាយពេលទៅលើបណ្តាញសង្គមច្រើនពេក

ប្រព័ន្ធផ្សព្វផ្សាយសង្គមទាំងអស់ មិនមែនសុទ្ធតែ ​មានប្រយោជ៍នោះទេ។អ្នកគួរតែ កាត់បន្ថយពេលវេលា ទៅលើវា ហើយយកពេលវេលា ទាំងអស់នោះទៅធ្វើ រឿងដែលមានប្រយោជ័ផ្សេងទៀត។

៤. ពន្យាពេល

តែងតែគិតថាពេលវេលា មិនសាកសមនិងធ្វើរឿងនេះ រឿងនោះដោយកំពុងតែរង់ចាំ ពេលវេលាល្អមកដល់។សូមចាំថាពេលវេលា ដែលល្អបំផុតគឺជា ពេលវេលាដែល អ្នកចាប់ផ្តើមធ្វើវា។កុំបណ្តោយឲ្យពេលវេលា កន្លងហួសទៅដោយឥតប្រយោជ៍ ព្រោះអ្នកមិនអាច បង្វិលពេលវេលាមកវិញនោះទេ។

៥. រស់នៅក្នុងសម្តីរបស់អ្នកដទៃ

អ្នកមានសិទ្ធជ្រើសរើស និងដើរតាម ផ្លូវរបស់ខ្លួនឯង។កុំឲ្យអ្នកដទៃ គ្រប់គ្រងជីវិតអ្នក កុំរស់នៅក្នុងសម្តីអ្នកដទៃ។ត្រូវក្លាហាន ដើរតាមក្តីស្រមៃ​របស់ខ្លួនឯង។ត្រូវហ៊ានធ្វើ ហ៊ានគិត និងទទួលយកលទ្ធផលរបស់ខ្លួនឯង។