មនុស្សប្រភេទនេះ ដាច់ខាតកុំបណ្តោយ ឲ្យចូលក្នុងជីវិតឱ្យសោះ

យល់ដឹង៖ នៅក្នុងជីវិតរបស់មនុស្សយើងម្នាក់ៗគឺរមែងតែងតែមានមនុស្សជាច្រើន ចេញចូលក្នុងជីវិតរបស់យើង ម្យ៉ាងវិញទៀត មនុស្សទាំងនោះក៏មានឥទ្ធិពលយ៉ាងខ្លាំងមកលើជីវិត របស់យើងដែរ។ ហេតុនេះហើយ វាមានឥទ្ធិពលល្អ ឬអាក្រក់វាក៏អាស្រ័យទៅលើសមីខ្លួន ក្នុងការទទួលយកមនុស្សបែបណា ចូលមកក្នុងជីវិតដែរ។

ជាងនេះទៅទៀតប្រសិនបើចង់ឱ្យជីវិតរបស់ខ្លួនឯង ជួបតែភាពល្អប្រសើរនោះ ដាចខាតអ្នកទាំងអស់គ្នាមិនត្រូវបណ្តោយឱ្យប្រភេទមនុស្ស ដែលមានរៀបរាប់នៅខាងក្រោមនេះ ចូលក្នុងជីវិតរបស់អ្នកទាំងអស់គ្នានោះទេព្រោះប្រភេទមនុស្សទាំងនោះ អាចបំផ្លាញជីវិតអ្នកបាន។

បើចង់ឱ្យជីវិតកាន់តែល្អប្រសើរដាច់ខាតកុំបណ្តោយឱ្យប្រភេទមនុស្សទាំងនេះ ចូលក្នុងជីវិតឱ្យសោះ៖

១.មនុស្សដែលចូលចិត្តតែរិះគន់អ្នកដទៃ

ប្រសិនបើអ្នកទាំងអស់គ្នាមិនចង់ឱ្យជីវិតខ្លួនឯង ត្រូវជួបនូវភាពក្តៅក្រហាយ និងរកក្តីសុខមិនឃើញទេនោះដាច់ខាតកុំបណ្តោយឱ្យប្រភេទមនុស្ស ដែលចូលចិត្តតែរិះគន់អ្នកដទៃឱ្យចូលក្នុងជីវិតរបស់អ្នកទាំងអស់គ្នាឱ្យសោះ ព្រោះប្រភេទមនុស្សនេះគឺនឹងធ្វើឱ្យជីវិតអ្នកទាំងអស់គ្នា គ្មានថ្ងៃទទួលបានភាពរីកចម្រើន និងជួបនូវភាពល្អប្រសើរ បានឡើយ។

២. មនុស្សដែលចូលចិត្តស៊ីខ្សែលើអ្នកដទៃ

ប្រភេទមនុស្សដែលចូលចិត្តស៊ីខ្សែលើដោយមិនគិតពីអ្នកដទៃនោះ បើអ្នកយល់ព្រមឱ្យពួកគេចូលក្នុងជីវិតអ្នកច្បាស់ជាត្រូវខូចខាតអ្វីមួយ ដោយមិនដឹងខ្លួនជាមិនខាន ម្យ៉ាងវិញទៀត​ មនុស្សប្រភេទនេះ គឺនឹងធ្វើឱ្យជីវិតអ្នក ជួបតែភាពច្របូកច្របល់ លើសពីនេះទៀត មនុស្សទាំងនោះ នឹងធ្វើឱ្យជីវិតអ្នកគ្មានថ្ងៃ ទទួលបាននូវភាពល្អប្រសើរបានឡើយ ហេតុនេះហើយ អ្នកទាំងអស់គ្នា គួរតែមានការប្រុងប្រយ័ត្ន មុននឹងអនុញ្ញាត្តិឱ្យនរណាម្នាក់ ចូលក្នុងជីវិត។

៣. មនុស្សដែលចាំតែចង់ឈ្នះដោយមិនដឹងថាខ្លួនធ្វើខុស

បើអ្នកទាំងអស់គ្នា មិនចង់ខាតពេលវេលា និងទឹកចិត្តក្នុងការរាប់អានមនុស្សទេនោះ អ្នកទាំងអស់គ្នា គួរតែកុំបណ្តោយឱ្យប្រភេទមនុស្ស ដែលចង់តែយកឈ្នះគេឯង ដោយមិនដឹងខុសត្រូវចូលមកក្នុងជីវិតឱ្យសោះ ព្រោះមនុស្សប្រភេទនេះ មិនដែលជួយធ្វើឱ្យជីវិតអ្នក បានជួបនូវភាពល្អប្រសើរឡើយ ផ្ទុយទៅវិញ គឺរឹតតែធ្វើឱ្យអ្នកឈឺក្បាល ហើយជួបតែបញ្ហាក៏កាន់តែច្រើន។

៤. មនុស្សដែលនិយាយពីអាថ៌កំបាំងរបស់អ្នកដទៃប្រាប់អ្នក

ដាច់ខាតកុំបណ្តោយឱ្យមនុស្ស ដែលចូលចិត្តនិយាយពីអាថ៌កំបាំងរបស់អ្នកដទៃយកមកប្រាប់អ្នកឱ្យសោះ ព្រោះប្រសិនបើនៅពេលណាមួយ ដែលអ្នកមានការទុកចិត្តលើពួកគេហើយអ្នកក៏បានប្រាប់អាថ៌កំបាំងខ្លួនឯង ឱ្យេពួកគេបានដឹងនោះ ច្បាស់ណាស់មុននឹងក្រោយអាថ៌កំបាំងរបស់អ្នក នឹងត្រូវបានពួកគេ យកទៅប្រាប់អ្នកដទៃតទៀតជាមិនខាន ហេតុនេះហើយទើបបានជាប្រភេទមនុស្សនេះ ដែលមនុស្សគ្រប់រូប មិនគួរអនុញ្ញាត្តិឱ្យចូលក្នុងជីវិត៕

ប្រភព៖​ healthshots