៤វិធីអាចជួយឱ្យមនុស្សស្រី កាន់តែមានភាពជឿជាក់ ទោះស្ថិតក្នុងចំណោមមនុស្សពូកែៗ

យល់ដឹង៖ សម្រាប់មនុស្សស្រីអ្វីដែលសំខាន់បំផុតដែលត្រូវមាននោះ គឺភាពជឿជាក់លើខ្លួនឯង ហេតុនេះហើយមនុស្សស្រីត្រូវតែព្យាយាម ធ្វើឱ្យខ្លួនឯងជាមនុស្សដែលមានភាពជឿជាក់ព្រោះមានតែភាពជឿជាក់លើខ្លួនឯងទេ ទើបអាចធ្វើឱ្យមនុស្សស្រីធ្វើអ្វីមួយតែងទទួលបានភាពជោគជ័យ។

វាជាការពិតដែលមនុស្សស្រីមួយចំនួន តែងតែបាត់បង់ទំនុកចិត្តលើខ្លួនឯងនៅពេលដែលពួកគេ ស្ថិតនៅក្នុងចំណោមមនុស្សពូកែៗជាងខ្លួនប៉ុន្តែឱ្យតែមនុស្សស្រី ធ្វើតាមវិធីសាស្ត្រ ដែលបានរៀបរាប់ខាងក្រោមនេះ ច្បាស់ណាស់មិនថាស្ថិតក្នុងចំណោមមនុស្សពូកែៗខ្លាំងប៉ុណ្ណាទេគឺអ្នករឹតតែមានភាពជឿជាក់លើខ្លួនឯង។

៤វិធី ដែលអាចជួយឱ្យមនុស្សស្រីកាន់តែមានភាពជឿជាក់ ទោះស្ថិត ក្នុងចំណោមមនុស្សពូកែៗក៏ដោយ៖

១. ធ្វើជាខ្លួនឯង

មនុស្សស្រី ប្រសិនបើចង់ឱ្យខ្លួនឯងក្លាយទៅជាមនុស្សស្រីម្នាក់ ដែលមានភាពជឿជាក់លើខ្លួនឯង គឺអ្នកត្រូវតែធ្វើជាខ្លួនឯងជាមុនសិននោះអ្នកនឹងដឹងពីចំណុចពូកែ និងចំណុចខ្សោយរបស់អ្នក ហើយនៅពេលដែលអ្នក ធ្វើជាខ្លួនឯងដោយមិនចាំបាច់ ធ្វើពុតជាមនុស្សម្នាក់ផ្សេងទៀតនោះ វាគឺជាអ្វីដែលធ្វើឱ្យអ្នក កាន់តែមានភាពជឿជាក់ មកលើខ្លួនឯង កាន់តែខ្លាំងបើទោះបីជាអ្នក ស្ថិតក្នុងចំណោមមនុស្សពូកែៗ ខ្លាំងប៉ុណ្ណាណាក៏ដោយ។

២.ស្លៀកពាក់ឱ្យបានស្រស់ស្អាត

បើទោះបីជាការស្លៀកពាក់វាជាភាពស្រស់ស្អាត ដែលមាននៅពីខាងក្រៅក៏ពិតមែន ប៉ុន្តែការតុបតែងខ្លួនឱ្យបានស្រស់ស្អាតចំពោះមនុស្សស្រី វាក៏ជាផ្នែកដ៏ធំមួយដែលធ្វើឱ្យមនុស្សស្រី កាន់តែមានទំនុកចិត្ត មកលើខ្លួនឯងជាខ្លាំងផងដែរ។ ហេតុនេះហើយមនុស្សស្រីដែលចង់ឱ្យខ្លួនឯង កាន់តែមានភាពជឿជាក់ មកលើខ្លួនឯងនោះ អ្នកត្រូវតែមានការស្លៀកពាក់ ឱ្យបានសមរម្យនិងស្រស់ស្អាត ទៅតាមអ្វីដែលអ្នកចូលចិត្ត។

៣.កុំធ្វើឱ្យខ្លួនឯងស្មុគស្មាញ

រឿងអ្វីក៏ដោយ ក៏វាតែងតែមានដំណោះស្រាយ ហើយមិនថាអ្នក កំពុងតែស្ថិតនៅក្នុងចំណោមមនុស្សពូកែ ខ្លាំងប៉ុណ្ណានោះទេ ឱ្យតែអ្នកខិតខំហើយកុំអង្គុយតែស្មុគស្មាញនោះ អ្នកក៏អាចក្លាយទៅជាមនុស្សស្រី ដែលពូកែម្នាក់ អាចនឹងលើសមនុស្សពូកែ ទាំងនោះទៀតផង។ ហេតុនេះហើយ ការដែលមិនអង្គុយស្មុគស្មាញហើយព្យាយាមគិតអ្វីដែលល្អៗនេះហើយ ដែលវានឹងធ្វើឱ្យអ្នក កាន់តែមានទំនុកចិត្ត មកលើខ្លួនឯងកាន់តែខ្លាំង។

៤. កុំខ្លាចក្នុងការបង្ហាញពីសមត្ថភាពរបស់ខ្លួនឯង

មនុស្សម្នាក់ៗមិនថា ពូកែខ្លាំងប៉ុណ្ណាទេគឺតែងតែមានចំណុចពូកែ និងចំណុចខ្សោយ ហើយបើទោះបីជាអ្នក ស្ថិតនៅក្នុងចំណោមមនុស្សពូកែៗ វាក៏មិនមែនមានន័យថា ពួកគេគ្មានចំណុចខ្សោយនោះទេ ហេតុនេះហើយ ប្រសិនបើអ្នកចង់ឱ្យខ្លួនឯង កាន់តែមានភាពជឿជាក់លើ គឺអ្នកត្រូវតែប្រឹងប្រែង ក្នុងការបង្ហាញពីសមត្ថភាពដ៏ពូកែ របស់អ្នកដែលមានទាំងប៉ុន្មានឱ្យអ្នកទាំងនោះបានឃើញ នោះអ្នកនឹងកាន់តែមានការជឿជាក់ មកលើខ្លួនឯងកាន់តែខ្លាំង៕

ប្រភព៖​ phunuvagiadinh.vn