ជឿអត់ ថានិយាយដេីមគេ ធ្វេីឲ្យហុងស៊ុយអ្នកធ្លាក់ចុះ?

យល់ដឹង៖វាជាការពិតដែលមនុស្សភាគច្រើន តែងតែមានទម្លាប់មួយ គឺចូលចិត្តជុំគ្នានិយាយដើមគេ បើទោះបីជាដឹងថាទម្លាប់នេះវាអាក្រក់ដែលមិនគួរធ្វើក៏ដោយ ក៏មនុស្សម្នាក់ៗពិបាកក្នុងការកែទម្លាប់អាក្រក់ នេះចេញខ្លាំងណាស់ ដែលជាហេតុធ្វើឱ្យជីវិតពួកគេ ពិបាកក្នុងការស្វែងរកក្តីសុខដាក់ខ្លួន។

ម្យ៉ាងវិញទៀត តើអ្នកទាំងអស់គ្នាជឿដែរឬទេ?ថាការដែលអ្នកតែងតែជុំគ្នានិយាយដើមគេនោះវាបានធ្វើឱ្យហុងស៊ុយរបស់អ្នកធ្លាក់ចុះជាខ្លាំង ហេតុនេះហើយ បើអ្នកចង់ដឹងថា វាជាការពិតឬក៏អត់នោះអ្នកទាំងអស់គ្នាអាចសាកល្បងសង្កេតមើលចំណុច ដូចដែលបានរៀបរាប់នៅខាងក្រោមនេះបាន។

តើអ្នកជឿទេថាការនិយាយដើមគេអាចធ្វើឱ្យហុងស៊ុយអ្នកធ្លាក់ចុះបាន?

១. គិតតែពីរឿងគេរហូតភ្លេចគិតរឿងខ្លួនឯង

នៅពេលដែលអ្នក មានទម្លាប់និយាយដើមគេអ្នកនឹងយកពេលវេលា និងការគិតរបស់អ្នក ចំណាយទៅលើជីវិតរបស់អ្នកដទៃទាំងស្រុងដែលធ្វើឱ្យអ្នកខ្វល់តែជីវិតគេ រហូតដល់ភ្លេចគិតដល់ពីជីវិតខ្លួនឯង ​ទើបធ្វើឱ្យជីវិតរបស់អ្នក មិនអាចរកភាពល្អប្រសើរដូចគេបាន ហេតុនេះហើយ ទើបធ្វើឱ្យហុងស៊ុយជីវិតរបស់អ្នកធ្លាក់ចុះដោយសារតែការខ្វាយខ្វល់ពីជីវិតរបស់អ្នកដទៃខ្លាំងពេក។

២.បាត់បង់មនុស្សល្អៗនៅជុំវិញខ្លួន

នៅក្នុងសង្គមមនុស្សសព្វថ្ងៃនេះមនុស្សដែលល្អៗ គេមិនចង់នៅក្បែរជាមួយនឹងប្រភេទមនុស្ស ដែលមានទម្លាប់ចូលចិត្ត តែនិយាយដើមគេនោះទេ។ អញ្ចឹងហើយ ទើបធ្វើឱ្យអ្នក កាន់តែបាត់បង់មនុស្សល្អៗនៅជុំវិញខ្លួន ហើយសម្បូរតែមនុស្សដែលចូលចិត្តតែនិយាយដើមគេដូចជាអ្នកម្យ៉ាងវិញទៀត មនុស្សទាំងនោះ ក៏នឹងធ្វើឱ្យជីវិតរបស់អ្នក គ្មានថ្ងៃទទួលបានភាពរីកចម្រើនឡើយដូច្នេះហើយ បានជាហុងស៊ុយនៃជីវិតរបស់អ្នក កាន់តែធ្លាក់ចុះ។

៣.គ្រួសារលែងសូវស្និទ្ធស្នាលដូចមុន

ហុងស៊ុយអ្នកធ្លាក់ចុះឬមិនធ្លាក់ចុះ អ្នកអាចសាកសង្កេតមើលបានថា នៅពេលដែលអ្នក មានទម្លាប់និយាយដើមគេអ្នកនឹងលែងមានភាពស្និទ្ធស្នាល ជាមួយក្រុមគ្រួសារដូចពីមុន ព្រោះតែអ្នកមិនបានខ្វាយខ្វល់ ពីសមាជិកគ្រួសាររបស់អ្នក ដោយសារតែអ្នក រវល់តែតាមដានពីជីវិតរបស់អ្នកដទៃ ដើម្បីឱ្យមានរឿងនិយាយដើមគេ រហូតគ្មានពេលស្និទ្ធស្នាលជាមួយនឹងក្រុមគ្រួសារហើយក៏បានធ្វើឱ្យគ្រួសារ គ្មានសុភមង្គលទៀតផង។បែបនេះហើយ អ្នកអាចជឿបានហើយថា ការនិយាយដើមគេវានឹងធ្វើឱ្យហុងស៊ុយគ្រួសាររបស់អ្នកធ្លាក់ចុះ ដែលរស់នៅគ្មានក្តីសុខ។

៤. មិនសូវមានលុយចាយគ្រប់គ្រាន់

មនុស្សគ្រប់គ្នាគេចំណាយពេលវេលា ចំណាយការគិត ស្ទើរតែគ្មានពេលសម្រាកផង គេនៅតែមិនទាន់អាចក្លាយទៅជាអ្នកមានបាន ចុះចំណែកឯអ្នក បើអ្នកនៅតែចំណាយពេលវេលា និងការការគិតរបស់អ្នក ទៅលើការតាមដាន ពីជីវិតរបស់អ្នកដទៃដើម្បីឱ្យមានរឿង ទុកសម្រាប់និយាយដើមគេជុំគ្នានោះ តើអ្នកមានពេលវេលាឯណា ទៅគិតរឿងរកលុយនោះ?បែបនេះហើយ បានជាជីវិតអ្នក មិនសូវមានលុយចាយ ដូចជាជីវិតអ្នកដទៃ ដែលពីមួយថ្ងៃមួយថ្ងៃ គេខិតខំរកលុយយ៉ាងលំបាកវេទនា ហេតុនេះហើយ កុំឆ្ងល់ថាមកពីអ្វី បានជាការនិយាយដើមគេ អាចធ្វើឱ្យហុងស៊ុយអ្នកធ្លាក់ចុះបាន៕

ប្រភព៖​ Internet