មនុស្សស្រីសម័យនេះ ឱ្យតែមានចំណុចទាំងនេះ គ្មានថ្ងៃដែលមនុស្សប្រុសអាចមើលងាយបានឡើយ

យល់ដឹង៖ មនុស្សស្រីគ្រប់រូបសុទ្ធសឹងតែសាកសម នឹងទទួលបាននូវការឱ្យតម្លៃ ពីមនុស្សក្នុងសង្គម ព្រោះមនុស្សស្រីសម័យនេះ ភាគច្រើនតែងតែមានចំណេះដឹងទូទៅ និងមានសីលធម៌គ្រប់គ្រាន់ ក្នុងការទទួលបានការឱ្យតម្លៃ ប៉ុន្តែមុននឹងទទួលបានការឱ្យតម្លៃពីមនុស្សជុំវិញខ្លួន មនុស្សស្រីក៏ត្រូវតែធ្វើខ្លួន ឱ្យសាកសមនឹងការទទួលបាន នូវការឱ្យតម្លៃនោះ ផងដែរ។  

ហេតុនេះហើយមនុស្សស្រីប្រសិនបើមិនចង់ត្រូវបានសង្គមមនុស្សមើលងាយ ជាពិសេសមនុស្សប្រុស មើលងាយទេនោះមនុស្សស្រីគ្រប់រូបត្រូវតែធ្វើខ្លួន ឱ្យស្ថិតនៅក្នុងចំណុចដែលបានរៀបរាប់ នៅខាងក្រោមនេះជាមុនសិនទើបអាចជៀសផុតពីការមើលងាយ របស់មនុស្សប្រុសបាន។

មនុស្សស្រីឱ្យតែមានចំណុចទាំងនេះគ្មានថ្ងៃដែលមនុស្សប្រុសអាចមើលងាយបានឡើយ៖

១.ចេះស្រលាញ់និងមើលថែខ្លួនឯងឱ្យបានល្អ

មនុស្សស្រីនៅពេលដែលចេះស្រលាញ់និងមើលខ្លួនឯងបានយ៉ាងល្អហើយនោះ គឺពួកគេតែងតែធ្វើឱ្យជីវិត របស់ពួកគេកាន់តែមានភាពល្អប្រសើរដែលមិនអាចឱ្យមនុស្សប្រុសណាម្នាក់ មកមើលងាយពួកគេបានដោយងាយឡើយ ទើបវាជាហេតុធ្វើឱ្យមនុស្សស្រី ដែលចេះស្រលាញ់និងមើលថែខ្លួនឯងបានយ៉ាងល្អ គឺគ្មានថ្ងៃដែលមនុស្សប្រុស ហ៊ានហាមាត់មើលងាយបានឡើយ។

២. ពោរពេញដោយភាពជឿជាក់

មនុស្សប្រុសនឹងគ្មានថ្ងៃ ដែលអាចមើលងាយអ្នកបានឡើយប្រសិនបើអ្នក ធ្វើជាមនុស្សស្រីម្នាក់ ដែលពោរពេញទៅដោយភាពជឿជាក់លើខ្លួនឯងនោះ ព្រោះភាពជឿជាក់របស់មនុស្សស្រី គឺតែងតែធ្វើឱ្យមនុស្សក្នុងសង្គម មានការគោរពេនិងឱ្យតម្លៃជាខ្លាំងហើយវាក៏ជាហេតុផលមួយ ដែលមិនអាចធ្វើឱ្យមនុស្សប្រុសណាម្នាក់ ហ៊ានមកមើលងាយអ្នក បានតាមតែចិត្តពួកគេនោះទេ។

៣. ចេះរកប្រាក់ចំណូលបានដោយខ្លួនឯង

មនុស្សស្រីសម័យនេះភាពច្រើនមិនសូវទទួលបានការមើលងាយ ពីមនុស្សប្រុសឡើយ ដោយសារតែពួកគេជាមនុស្សស្រី ដែលមានសមត្ថភាពគ្រប់គ្រាន់ ក្នុងការរកប្រាក់ចិញ្ចឹមជីវិតខ្លួនឯង បានយ៉ាងងាយស្រួលដោយមិនចាំបាច់ពឹងផ្អែក ទៅលើមនុស្សប្រុសឡើយ ហើយវាក៏ជាហេតុផលមួយ ដែលធ្វើឱ្យមនុស្សប្រុស មានការខ្លាចរអា និងមិនហ៊ានហាមាត់ មើលងាយបានឡើយ។

៤. មានផ្លូវចិត្តរឹងមាំ

មនុស្សស្រីដែលទន់ជ្រាយ គ្រប់ពេលដែលមានមនុស្សប្រុស មើលងាយនោះ វានឹងក្លាយទៅជារឿងមួយ ដែលធ្វើឱ្យមនុស្សប្រុស កាន់តែបានចិត្ត ហើយនៅតែបន្តមើលងាយអ្នកទៀត។ ដូច្នេះហើយ បានជាមនុស្សស្រីគ្រប់រូប ត្រូវតែរៀនហ្វឹកហាត់ផ្លូវចិត្តខ្លួនឯង ឱ្យមានភាពរឹងមាំ ជាមុនសិន ទើបមនុស្សប្រុស មិនអាចយកផ្លូវចិត្តអ្នក មកធ្វើជាចំណុចខ្សោយ ដើម្បីមកមើលងាយអ្នកបានតទៅទៀត៕

ប្រភព៖​ phunutoday