យល់ដឹង៖ បណ្តាញសង្គមជាទីកន្លែងមួយមានភាពទូលំទូលាយខ្លាំង ដែលមនុស្សគ្រប់គ្នានៅជុំវិញពិភពលោក កំពុងតែចំណាយពេលវេលាប្រើប្រាស់វា​ គ្រាន់តែមនុស្សម្នាក់ៗ មានពេលវេលាប្រើប្រាស់វាខុសៗគ្នា ហើយម្យ៉ាងវិញទៀត ពេលវេលានៃការចំណាយទៅលើការប្រើប្រាស់បណ្តាញសង្គម វាក៏អាចបង្ហាញថាជាប្រភេទមនុស្សបែបណាបានដែរ។ហេតុនេះហើយមនុស្សដែលចូលចិត្តចំណាយពេលវេលា នៅលើបណ្តាញសង្គម ច្រើនជាងជីវិតពិតរមែងតែជាប្រភេទមនុស្ស ដូចដែលបានរៀបរាប់នៅខាងក្រោមនេះ ព្រោះមានតែប្រភេទមនុស្សទាំងនេះទេទោះចំណាយពេលរាប់ម៉ោងក្នុងការប្រើប្រាស់បណ្តាញសង្គម ក៏ពួកគេមិនធុញទ្រាន់ដែរ។ លើសពីនេះការប្រើប្រាស់លើបណ្តាញសង្គម​វាក៏អាចធ្វើឱ្យពួកគេមានអារម្មណ៍ល្អជាងការចំណាយពេលវេលាជាមួយនឹងជីវិតពិតពួកគេផងដែរ។មនុស្សដែលចំណាយពេល លើបណ្តាញសង្គមច្រើនជាងជីវិតពិតតែងតែជាមនុស្សបែបនេះ៖១. មនុស្សឯកា<figure style="text-align:center"><img src="https://cms.dmpcdn.com/article/2022/01/14/a77c4360-74ee-11ec-82cc-377189314201_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ភាគច្រើននៃមនុស្សដែលចូលចិត្តចំណាយពេលនៅលើបណ្តាញសង្គម ច្រើនជាងជីវិតពិត គឺច្រើនតែជាមនុស្សឯកា ព្រោះនៅពេលដែលពួកគេចំណាយពេលវេលា លើបណ្តាញសង្គមកាន់តែច្រើនភាពឯការបស់ពួកគេក៏បាត់ទៅតាមហ្នឹងដែរ ម្យ៉ាងវិញទៀត ការប្រើប្រាស់បណ្តាញសង្គមច្រើន វាក៏អាចធ្វើឱ្យពួកគេគ្មានអារម្មណ៍ថាឯកាទៀតដែរ។២.មនុស្សដែលកំពុងជួបស្ថានភាពតានតឹង<figure style="text-align:center"><img src="https://cms.dmpcdn.com/article/2022/01/14/a7d1dd70-74ee-11ec-82cc-377189314201_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>មនុស្សម្នាក់ៗនៅពេលដែលកាន់តែជួបភាពតានតឹង គឺពិតជាចង់រត់គេចចេញពីភាពតានតឹងនោះខ្លាំងណាស់ក៏ប៉ុន្តែបែរជាមិនអាចរត់គេចចេញទៅណាបាន ដូច្នេះហើយ គឺមានតែការចំណាយពេលវេលាលើបណ្តាញសង្គមឱ្យបានច្រើន ជាងការចំណាយពេលជាមួយនឹងជីវិតពិតទេ ទើបជាវិធីអាចធ្វើឱ្យពួកគេ ភ្លេចនូវស្ថានភាពតានតឹងទាំងនោះបាន។៣. មនុស្សបាក់ទឹកចិត្ត<figure style="text-align:center"><img src="https://cms.dmpcdn.com/article/2022/01/14/a83c5f10-74ee-11ec-82cc-377189314201_original.png" alt="រូបតំណាង" style="width:100%"/><figcaption>រូបតំណាង</figcaption></figure>នៅពេលដែលមនុស្សម្នាក់ មានការបាក់ទឹកចិត្តពួកគេនឹងកាន់តែកាត់បន្ថយការនិយាយ និងការចេញទៅខាងក្រៅជួបមនុស្សក្នុងសង្គមហេតុនេះហើយ មនុស្សដែលបាក់ទឹកចិត្តភាគច្រើន តែងតែចំណាយពេលវេលា ទៅលើបណ្តាញសង្គមជាងចំណាយពេលវេលាជាមួយនឹងជីវិតពិត។ ម្យ៉ាងវិញទៀត ពេលខ្លះ នៅលើបណ្តាញសង្គម ក៏ជាកន្លែងដែលធ្វើឱ្យពួកគេ មានអារម្មណ៍ថាខ្លួនឯងមិនមែនជាមនុស្សតែម្នាក់ទេដែលមានការបាក់ទឹកចិត្ត តែក៏នៅមានមនុស្សជាច្រើន ដែលកំពុងតែបាក់ទឹកចិត្តដូចជាពួកគេដែរ។៤. មនុស្សចូលចិត្តភាពស្ងប់ស្ងាត់<figure style="text-align:center"><img src="https://cms.dmpcdn.com/article/2022/01/14/a908fde0-74ee-11ec-82cc-377189314201_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>មនុស្សដែលចូលចិត្តចំណាយពេលវេលានៅលើបណ្តាញសង្គមច្រើនជាងជីវិតពិត ភាគច្រើនតែងតែជាមនុស្សដែលចូលចិត្តភាពស្ងប់ស្ងាត់ និងមិនសូវចូលចិត្តនិយាយស្តីច្រើន ព្រោះការចំណាយពេលលើបណ្តាញសង្គមច្រើនវានឹងធ្វើឱ្យពួកគេបានដឹងនូវរឿងរ៉ាវជាច្រើន ដោយមិនចាំបាច់ត្រូវទៅខាងក្រៅ ជួបនិងស្គាល់មនុស្សឱ្យបានច្រើនទេ។៥.មនុស្សគ្មានទំនុកចិត្តលើខ្លួនឯង<figure style="text-align:center"><img src="https://cms.dmpcdn.com/article/2022/01/14/a9677190-74ee-11ec-b576-afbb0a1303ef_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ភាគច្រើននៃមនុស្សដែលចូលចិត្តចំណាយពេល លើបណ្តាញសង្គមច្រើនជាងជីវិតពិតគឺតែងតែជាមនុស្សដែលគ្មានទំនុកចិត្តលើខ្លួនឯង ព្រោះនៅលើបណ្តាញអាចឱ្យគេបង្ហាញភាពជាខ្លួនឯងបានដោយមានទំនុកចិត្ត និងមិនចាំបាច់ត្រូវខ្វល់ពីភ្នែករបស់អ្នកដទៃដូច្នេះហើយ ទើបធ្វើឱ្យមនុស្សគ្មានទំនុកចិត្តលើខ្លួនឯងតែងតែចំណាយពេលវេលានៅលើបណ្តាញសង្គមច្រើនជាងជីវិតពិតរបស់ពួកគេ៕

មនុស្សចំណាយពេល លើបណ្តាញសង្គមច្រើនជាងជីវិតពិត តែងតែជាមនុស្សបែបនេះ