យល់ដឹង៖មិនថានៅក្នុងនាមជាសង្សារ ឬជាប្តីស្របច្បាប់នោះទេ បើចេញចរិតមិនល្អហើយធ្វើឱ្យអ្នកដេកកើតទុក្ខរាល់ស្ទើរតែរាល់ថ្ងៃហើយនោះ គួរតែឆាប់ដើរចេញឱ្យបានកាន់តែលឿន គឺកាន់តែល្អបំផុត បើទោះបីស្រលាញ់គ្នារាប់ឆ្នាំ ឬមានអនុស្សាវរីយ៍ល្អៗជាមួយគ្នាជាច្រើនកន្លងមកក៏ដោយក៍មិនគួរមានការស្តាយស្រណោះអ្វីទៀតដែរ ព្រោះបើទ្រាំនៅ មនុស្សដែលរងគ្រោះបំផុតគឺជារូបអ្នក។ដូច្នេះហើយ ប្រសិនបើសង្សារឬប្តីរបស់អ្នកចេញចរិតមិនល្អដូចដែលបានរៀបរាប់ នៅខាងក្រោមនេះចេញមក អ្នកគួរតែដើរចេញឱ្យបានឆាប់ កុំនៅស្តាយស្រណោះទៀតអីព្រោះអ្នកសាកសម នឹងនៅជាមួយមនុស្សប្រុសដែលល្អជាងនេះ មិនមែននៅទ្រាំធ្វើបាបខ្លួនឯង ដោយសារតែមនុស្សប្រុសមិនល្អម្នាក់នោះទេ។មិនថាសង្សារឬប្តីទេ បើចេញចរិតមកបែបនេះហើយ ដើរចេញទៅ កុំនៅស្តាយស្រណោះទៀតអី៖ ១. ប្រមាថមើលងាយគ្រួសារអ្នក<figure style="text-align:center"><img src="https://cms.dmpcdn.com/article/2021/11/22/334e5170-4b6a-11ec-bd10-cfa52a86b5da_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>គ្រួសារគឺជាមនុស្សដែលសំខាន់បំផុតសម្រាប់មនុស្សគ្រប់គ្នាអញ្ចឹងហើយ បើសង្សារឬប្តីរបស់អ្នក និយាយប្រមាថមើលងាយ និងមិនឱ្យតម្លៃទៅលើគ្រួសាររបស់អ្នកទេនោះទោះនៅស្រលាញ់ប៉ុណ្ណាក៏ដោយ ក៏កុំនៅស្តាយស្រណោះអ្វីទៀតអី គួរតែឆាប់ដើរចេញមកព្រោះមនុស្សប្រុសមានចរិតក្រអឺតក្រទមបែបនេះ គ្មានសមត្ថភាព អាចផ្តល់ក្តីសុខឱ្យអ្នកបានឡើយបើសូម្បីតែគ្រួសារដែលអ្នកស្រលាញ់ស្ទើតែស្មើនឹងជីវិត គេនៅមិនឱ្យតម្លៃផងនោះ។២. ប្រើអំពើហឹង្សាដាក់អ្នក<figure style="text-align:center"><img src="https://cms.dmpcdn.com/article/2022/01/13/ad8a6000-742d-11ec-8066-ffb72c13e721_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>កុំថាឡើយតែផ្តល់ឱកាសឱ្យជាលើកទីពីរ មនុស្សប្រុសបើចេញចរិតពាល មកហើយ ទោះផ្តល់ឱកាសឱ្យរាប់ដងទៀត ក៏មិនអាចកែប្រែគេបានដែរដូច្នេះហើយ ប្រសិនបើសង្សារឬប្តីរបស់អ្នក ប្រើអំពើហឹង្សាលើអ្នក ឬពោលពាក្យអសុរោះដាក់អ្នកទៀតនោះ គួរតែដើរចេញឱ្យបានឆាប់ ហើយក៏មិនគួរផ្តល់ឱកាសឱ្យជាលើកទីពីរដែរ ព្រោះបើមានលើកទីពីរ​ លើកក្រោយៗទៀតក៏នៅតែមានអញ្ចឹងហើយ ការការពារខ្លួនឯងជារឿងដែលសំខាន់បំផុត ម្យ៉ាងទោះទ្រាំរស់នៅជាមួយទៀត ក៏រស់នៅទាំងភ័យខ្លាចដែរ។៣.ស្រលាញ់អ្នកដើម្បីតែផលប្រយោជន៍អ្វីមួយ<figure style="text-align:center"><img src="https://cms.dmpcdn.com/article/2021/09/04/e388ee70-0d66-11ec-af5f-39d2d6bae86b_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>មនុស្សប្រុសដែលស្រលាញ់អ្នកដើម្បីតែផលប្រយោជន៍ឬដើម្បីតែបម្រើតណ្ហារបស់គេទេនោះ អ្នកក៏រស់នៅគ្មានក្តីសុខដែរ ព្រោះក្តីស្រលាញ់របស់គេដែលមានចំពោះអ្នក វាមិនបានចេញពីចិត្ត ដូច្នេះហើយ មិនថាក្នុងនាមជាសង្សារឬជាប្តីទេបើចេញចរិតមក មិនបានឱ្យតម្លៃអ្នក ឬមិនបានស្រលាញ់អ្នកក្នុងនាមជាអ្នកទេនោះ ប្រញាប់ដើរចេញឱ្យបានឆាប់គឺល្អបំផុត ព្រោះអ្នកសាកសមនឹងនៅជាមួយមនុស្សប្រុស ដែលស្រលាញ់អ្នកពិតប្រាកដ។៤. លូចលាក់មានស្រីផ្សេង<figure style="text-align:center"><img src="https://cms.dmpcdn.com/article/2022/01/13/ae1b2e50-742d-11ec-8066-ffb72c13e721_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>មិនថាជាសង្សារឬជាប្តីទេ ប្រសិនបើរកឃើញថា កំពុងតែក្បត់ចិត្តអ្នក លួចលាក់មានស្រីផ្សេងហើយនោះ អ្នកមិនចាំបាច់ត្រូវនិយាយអ្វីច្រើននោះទេ ព្រោះការដើរចេញវាជាជម្រើសដ៏ល្អបំផុត ព្រោះអ្នកមានតម្លៃគ្រប់គ្រាន់ មិនគួរណាយកខ្លួនឯង ទៅប្រឡូកប្រឡាក់ជាមួយនឹងប្រភេទមនុស្ស ដែលចូលចិត្តធ្វើរឿងស្មោគគ្រោកនោះទេ។ ហេតុនេះហើយ ស្រីៗបើដឹងថាសង្សារ ឬប្តីរបស់ខ្លួន លួចលាក់មានស្រីផ្សេងហើយនោះដើរចេញទៅកុំនៅទ្រាំស្តាយស្រណោះទៀតអី ម្យ៉ាងវិញទៀត បើគេស្រលាញ់អ្នកដោយចិត្តស្មោះសពិតប្រាកដគេនឹងមិនក្បត់ចិត្តអ្នក ទៅមានស្រីផ្សេងឡើយ៕

មិនថាសង្សារឬប្តីទេ បើចេញចរិតមកបែបនេះហើយ ដើរចេញទៅ កុំនៅស្តាយស្រណោះទៀតអី