យល់ដឹង៖ នៅក្នុងជីវិតរបស់មនុស្សយើងម្នាក់ៗគ្មានអ្នកណាម្នាក់ ដែលមិនអាចជៀសផុតពីត្រូវជួបបញ្ហានេះ បញ្ហានោះទេ តែវាអាស្រ័យទៅលើមនុស្សម្នាក់ៗថាសម្រេចចិត្តទោរទន់ទៅតាមបញ្ហាដែលកើតឡើងឬរឹងមាំក្នុងការប្រឈមមុខ និងដោះស្រាយនូវបញ្ហាទាំងនោះ។ដូច្នេះហើយ ប្រសិនជាអ្នករាល់គ្នាជ្រើសយកការហ៊ានប្រឈមមុខ និងដោះស្រាយនូវបញ្ហាទាំងអស់នោះក៏ដូចជាអ្នករៀនចេះទទួលយកនូវរឿងរ៉ាវដែលបានកើតឡើងនៅក្នុងជីវិតរបស់អ្នក អ្នកប្រាកដជាមិនចេះតែកើតទុក្ខបានដោយងាយឡើយ លើសពីនេះ នឹងរស់នៅដោយមានក្តីសុខយ៉ាងពេញទំហឹង។រៀនទទួលយករឿងទាំងនេះទើបជីវិតមិនចេះតែកើតទុក្ខ៖១.ការផ្លាស់ប្តូររបស់មនុស្ស<figure style="text-align:center"><img src="https://cms.dmpcdn.com/article/2022/07/13/5b669980-0260-11ed-9691-97c654ace741_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ជីវិតអ្នកនឹងមិនចេះតែកើតទុក្ខនោះទេប្រសិនបើអ្នករៀនចេះទទួលយកនូវការផ្លាស់ប្តូររបស់់មនុស្ស ព្រោះអ្វីៗនៅលើលោកនេះគ្មានភាពឋិតឋេរនោះទេ សូម្បីតែខ្លួនអ្នកក៏ផ្លាស់ប្តូរដែរ ដូច្នេះកុំរស់នៅក្នុងការរំពឹងទៅលើអ្នកណាម្នាក់ឱ្យឋិតឋេរជាមួយអ្នកឱ្យសោះព្រោះថាចុងក្រោយទៅ អ្នកនឹងត្រូវខកចិត្តខ្លាំង។២. ការបាត់បង់<figure style="text-align:center"><img src="https://cms.dmpcdn.com/article/2022/07/13/5bb64020-0260-11ed-9ff8-8b802483f81c_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>អ្វីៗនៅក្នុងលោកនេះបានមកហើយ ក៏អាចទៅវិញបានដែរ គ្រាន់តែមិនដឹងថាពេលវេលាណាតែប៉ុណ្ណោះ ហេតុនេះហើយរៀនចេះទទួលយកនូវការបាត់បង់ឱ្យហើយ ទើបនៅពេលដែលអ្នកជួបនូវការបាត់បង់ផ្ទាល់វានឹងមិនធ្វើឱ្យអ្នកឈឺខ្លាំង ឬមិនហ៊ានទទួលស្គាល់នូវការពិត ព្រោះការជួបនិងការព្រាត់វាតែងតែដើរទន្ទឹមគ្នាជានិច្ច។៣. ការបរាជ័យ<figure style="text-align:center"><img src="https://cms.dmpcdn.com/article/2022/07/13/5c052370-0260-11ed-8dd4-4525f7a9ca25_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>នៅក្នុងជីវិតរបស់មនុស្សយើងម្នាក់ៗអ្នកណាដែលថាមិនចេះជួបនូវការបរាជ័យនោះ គ្រាន់តែគេចេះងើបឈរហើយដើរទៅមុខ មិនបោះបង់លើសពីនេះទៅទៀត ជីវិតមួយនេះវានឹងមិនធ្វើឱ្យអ្នក​ ជួបនូវការបរាជ័យម្តង ជាពីរដងទេតែវានឹងធ្វើឱ្យអ្នកជួបនូវការបរាជ័យរាប់រយដង អញ្ចឹងហើយ រៀនទទួលយកនូវការបរាជ័យក្នុងជីវិត ទើបអ្នកមិនចេះតែកើតទុក្ខហើយមិនព្រមតស៊ូនៅក្នុងជីវិតទៀត។៤. អ្វីៗគ្រប់យ៉ាងត្រូវការពេលវេលា<figure style="text-align:center"><img src="https://cms.dmpcdn.com/article/2022/07/13/5c8e0280-0260-11ed-8dd4-4525f7a9ca25_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ពិតណាស់មិនថានៅពេលនេះអ្នកត្រូវជួបនូវបញ្ហាធំខ្លាំង ឬពិបាកក្នុងការដោះស្រាយយ៉ាងណាទេអ្នកត្រូវតែរៀនចេះទទួលយកថា អ្វីៗគ្រប់យ៉ាងត្រូវការពេលវេលា វាមិនមែនចេះតែដោះស្រាយភ្លាម អ្វីៗគ្រប់យ៉ាងអាចនឹងប្រែក្លាយមកជាល្អភ្លាមៗនោះទេហើយគ្រប់យ៉ាង ក៏មិនអាចចេះតែបានដូចចិត្តដែលចង់បានដែរ។៥. ជីវិតគ្មានក្តីសុខរហូតទេ<figure style="text-align:center"><img src="https://cms.dmpcdn.com/article/2022/07/13/5ce65bb0-0260-11ed-84ac-5b5765560d0e_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>ជីវិតបើមានតែក្តីសុខហើយគ្មានក្តីទុក្ខ រស់នៅក៏គ្មានន័យដែរ ព្រោះទុក្ខលំបាកឬបញ្ហានៅក្នុងជីវិតដែលកើតឡើងមកវាមិនមែនជារឿងអាក្រក់នោះទេ រឿងរ៉ាវគ្រប់យ៉ាងដែលកើតមក វាសុទ្ធតែមានហេតុផលនិងផ្តល់នូវមេរៀនជីវិតល្អៗជាច្រើន ឱ្យមនុស្សចេះស្គាល់ពីតម្លៃនៃការតស៊ូក្នុងជីវិតដូច្នេះរៀនទទួលយកថាជីវិតមួយនេះ វាគ្មានក្តីសុខរហូតទេ វាត្រូវតែមានក្តីទុក្ខខ្លះ៕

រៀនទទួលយករឿងទាំងនេះ ទើបជីវិតមិនចេះតែកើតទុក្ខ