មុនអាយុ៣០ មនុស្សស្រីយ៉ាងហោចណាស់ គួរតែអាច សម្រេចរឿងទាំងនេះ ឲ្យបានមួយ
ស្នេហា៖ មនុស្សស្រីដែលមាន អាយុកាន់តែច្រើន កាន់តែត្រូវផ្តល់ពេលវេលា ដើម្បីថែរក្សាសុខភាព និងរាងកាយកាន់តែច្រើន។ ជាពិសេសគឺ សុខភាពផ្លូវចិត្តរបស់អ្នក ព្យាយាមផ្តល់ពេលលំហែរគ្រប់គ្រាន់ កុំផ្តល់សំពាធ ដល់ខ្លួនឯងពេក។ ព្រោះបើសុខភាព ផ្លូវចិត្តរបស់អ្នកល្អ អ្នកនឹងអាចសម្រេចអ្វី គ្រប់យ៉ាងបានតាមក្តីប្រាថ្នា និងមានអាយុកាន់តែវែង ជាមួយនិងសុខភាពល្អ។
ម៉្យាងវិញទៀត ការធ្វើឲ្យសុខភាពរាងកាយល្អ ក៏មិនពិបាកក្នុងការថែរក្សាអ្វីដែរ។ ជាដំបូងអ្នកត្រូវមាន ទម្លាប់នៃការរស់នៅល្អ ដូចជាបរិភោគ អាហារដែលមានជីវជាតិ ធ្វើលំហាត់ប្រាណជាប្រចាំ និងគេងឲ្យបានគ្រប់គ្រាន់ បូករួមជាមួយការទទួលទានទឹក ឲ្យបានច្រើនផងដែរ។
បើអ្នកមាន សុខភាពល្អទាំងរាងកាយ និងផ្លូវចិត្តហើយ អ្នកក៏ត្រូវមានគម្រោងអនាគត ជាមួយមនុស្សច្បាស់លាស់ម្នាក់ផងដែល ទើបធ្វើឲ្យជីវិតរបស់ អ្នកកាន់តែមានន័យ។ ហើយការរាប់អានមនុស្ស ដែលមានភាពវិជ្ជមានក៏អាច ធ្វើឲ្យជីវិតរបស់ អ្នកកាន់តែប្រសើរឡើង ផងដែរ។
ខាងក្រោមជាចំនុចដែល អ្នកគួរមានមុខពេល ឈានដល់អាយុ៣០ឆ្នាំ៖
១. សន្សំប្រាក់
មិនថាអ្នកជាក្មេងស្រីអាយុ ២០ឆ្នាំ ឬជាស្ត្រីមានអាយុ ៣០ឆ្នាំ ៤០ឆ្នាំ ជាស្ត្រីយើងតែងតែ ត្រូវមានចំនួនទឹកប្រាក់ដើម្បីសន្សំខ្លះ។ មិនថាអ្នកជាបុគ្គលិក រឺជាថៅកែ អ្នកនៅតែត្រូវចេះសន្សំប្រាក់ សំរាប់ខ្លួនឯង ក្នុងករណីមានស្ថានភាពបន្ទាន់ ឬករណី ដែលមិននឹកស្មានដល់។ តិច ឬច្រើនគឺលុយរបស់អ្នក។ ពេលខ្លះអ្នកមាន អារម្មណ៍ធុញទ្រាន់ អ្នកក៏អាចប្រើប្រាស់ប្រាក់នោះ សម្រាប់ការធ្វើដំណើរកម្សាន្ត ទៅកន្លែងឆ្ងាយមួយបានដែរ។
២. ស្វែងរកការងារ ដែលអ្នកចូលចិត្ត
មានមនុស្សជាច្រើន ដែលគិតតែពីធ្វើការ ដើម្បីរកប្រាក់ចិញ្ចឹមជីវិត មិនមានចំណាប់អារម្មណ៍លើការងារ អ្វីគ្រប់យ៉ាង។ ទោះយ៉ាងណាក៏ដោយ ក្នុងរយៈពេលវែង វានឹងធ្វើឱ្យអ្នកបាត់បង់អំណរ និងភាពរំភើប ជាមួយនឹងជីវិតប្រចាំថ្ងៃរបស់អ្នក។ ក្នុងរយៈពេលវែង វានឹងធ្វើឱ្យស្ថានភាពផ្លូវចិត្ត របស់អ្នក កាន់តែជាអាក្រក់ អ្នកអាចស្ត្រេស និងមានអារម្មណ៍មិនល្អជាមួយវា។ មុនអាយុ ៣០ ឆ្នាំអ្នកអាចសាកល្បងជំនាញ និងការងារជាច្រើន ប៉ុន្តែនេះក៏ជាពេលវេលា ដែលអ្នកត្រូវស្វែងរក និងតម្រង់ទិសខ្លួនឯង នូវអ្វីដែលជាការងារ ដែលអ្នកចូលចិត្ត ហើយអ្នកអាចនៅជាប់ នឹងវាបានយូរអង្វែង។ កុំអោយពេលអ្នកអាយុ ៣០ឆ្នាំ អ្នកត្រូវរស់នៅខ្ជិលច្រអូស រឺធុញទ្រាន់នឹងការ ទៅធ្វើការរាល់ថ្ងៃ។
៣. មានមិត្តល្អ
ស្ត្រីដែលមានអាយុខ្ទង់ ៣០ឆ្នាំ ខ្លះប្រហែលជា មិនទាន់ចង់ការរៀបការនៅឡើយទេ ប៉ុន្តែមិត្តភក្តិជិតស្និទ្ធ មួយចំនួនប្រាកដជា បានរៀបការហើយ។ កាលយើងនៅក្មេង យើងធ្លាប់គិតថា មនុស្សលេងកាន់តែច្រើន កាន់តែសប្បាយយើងកាន់តែផ្តល់តម្លៃ លើគុណភាព។ ទោះជាយ៉ាងណាក៏ដោយ ក្រោយមកនៅពេល ដែលយើងកម្រជួបគ្នា មនុស្សម្នាក់ៗមានជីវិតផ្ទាល់ខ្លួន មនុស្សដែលនៅសេសសល់ ដែលនៅក្បែរអ្នក ត្រៀមខ្លួនចែករំលែក និងជួយអ្នកក្នុងគ្រាលំបាកគឺជាមិត្តល្អ។ ហើយអ្វីដែល អ្នកត្រូវធ្វើគឺការគោរព និងរាប់អាន មនុស្សទាំងនោះដោយស្មោះ។
៤. បង្កើតស្ទីលផ្ទាល់ខ្លួនរបស់អ្នក
ស្ត្រីមានភាពខុសប្លែកគ្នា ហើយកាន់តែខុសគ្នា នៅក្នុងរបៀបដែល ពួកគេបង្កើតស្ទីលផ្ទាល់ខ្លួន ចំណាប់អារម្មណ៍ផ្ទាល់ខ្លួនរបស់ពួកគេ។ ស្ទីលនៅទីនេះ មិនត្រឹមតែ អំពីម៉ូតសំលៀកបំពាក់ ម៉ូតសក់ ឬការតុបតែងមុខប៉ុណ្ណោះទេ ប៉ុន្តែថែមទាំង អំពីអាកប្បកិរិយា និងរបៀបរស់នៅ របស់អ្នកផងដែរ។ អ្នកមិនចាំបាច់ធ្វើត្រាប់តាម នរណាម្នាក់ទេ អ្នកគួរស្វែងយល់ពីខ្លួនឯង ឱ្យដឹងថាស្ទីលណា ដែលសមនឹងអ្នក ដែលល្អបំផុតសម្រាប់អ្នក ហើយអ្នកអាចបង្ហាញ ពីគុណភាពនៃខ្លួនអ្នកផ្ទាល់។
៥. រាងកាយមានសុខភាពល្អ
វិទ្យាសាស្រ្តបានបង្ហាញថា រាងកាយស្ត្រី ចាប់ផ្តើមមានអាយុ នៅពេលដែលយើង ឈានចូលអាយុ ២៥ឆ្នាំ។ ដូច្នេះវានឹងយឺតពេល។ ប្រសិនបើអ្នកមានអាយុ ៣០ឆ្នាំ។ ជារឿងសំខាន់ យកចិត្តទុកដាក់ចំពោះសុខភាព និងរាងកាយរបស់អ្នក។ ស្ត្រីដែលមានភាពស្រស់ស្អាត រស់នៅមានសុខភាពល្អ ថែរក្សាខ្លួនឯង ឱ្យបានឆាប់តាមដែលអាច ធ្វើទៅបានហើយចូរយើងអនុវត្តវា ឱ្យក្លាយជាទម្លាប់ ដែលជាកិច្ចការត្រូវធ្វើរាល់ថ្ងៃ រាល់ម៉ោង។ កុំភ្លេចទទួលទានទឹក ឱ្យបានច្រើន បរិភោគបន្លែឱ្យបានច្រើន។ ជាពិសេសកុំភ្លេច លាបឡេការពារកម្តៅថ្ងៃ ពេលចេញក្រៅ។ ចំណាយពេលហាត់ប្រាណ ១ ម៉ោង។ ស្តាប់ចម្រៀង និងអានសៀវភៅជារៀងរាល់ថ្ងៃ៕
ប្រភព៖ phunutoday