ត្រឹមស្នាមក្រយៅដៃ ក៏គេអាចទាយដឹងថា អ្នកជាមនុស្ស ប្រភេទណាបានដែរ
យល់ដឹង៖ ស្នាមក្រយៅដៃគឺអ្វីមួយដែលអាចបង្ហាញ ពីបុគ្គលិកលក្ខណៈ របស់នរណាម្នាក់ បានយ៉ាងច្បាស់ ទៅតាមប្រភេទនៃក្រយៅដៃ ផ្សេងៗពីគ្នាលើសពីនេះ បើទោះបីជាកូនភ្លោះក៏ដោយ ក៏នៅតែមានស្នាមក្រយៅដៃ ខុសគ្នាដែរ ដូច្នេះហើយទើបកូនភ្លោះ ទោះមានមុខមាត់ ដូចគ្នាខ្លាំងក៏ដោយ ក៏បុគ្គលិកលក្ខណៈ របស់ពួកគេ មិនដូចគ្នាឡើយ។
ប្រសិនបើអ្នកទាំងអស់គ្នាចង់ដឹងថាបុគ្គលិកលក្ខណៈ របស់អ្នកទាំងអស់គ្នា ពិតជាត្រឹមត្រូវ ទៅតាមក្រយៅដៃ ដែរឬក៏អត់នោះ ខាងក្រោមនេះ វានឹងបង្ហាញឱ្យអ្នកបានដឹង ពីបុគ្គលិកលក្ខណៈរបស់អ្នកទាំងអស់គ្នា ឱ្យកាន់តែច្បាស់ជាងមុន។
ស្នាមក្រយៅដៃទាំងនេះ ដែលអាចបង្ហាញអំពី បុគ្គលិកលក្ខណៈរបស់ អ្នកបានយ៉ាងច្បាស់
១. ក្រយៅដៃរាងរង្វិលជុំ
ប្រសិនបើអ្នក មានស្នាមក្រយៅដៃដូចរូប ដែលបានបង្ហាញនេះ មានន័យថា អ្នកជាមនុស្សដែលចូលចិត្ត ភាពស្ងប់ស្ងាត់ តែងាយស្រួល ក្នុងការបង្កើតមិត្តភាព ជាមួយនឹងនរណាម្នាក់ ជាមនុស្សដែល ចូលចិត្តជួយអ្នកដទៃ។ ហើយប្រសិនបើអ្នកចាប់ផ្តើមធ្វើ នៅកិច្ចការអ្វីមួយហើយ អ្នកក៏ជាមនុស្សដែលមាន ទំនួលខុសត្រូវខ្ពស់ ចំពោះកិច្ចការ មួយនោះផងដែរ។ អ្នកជាមនុស្សពូកែ ក្នុងការយល់ចិត្តអ្នកដទៃ ជាមនុស្សដែលមាន ការស្រមើលស្រមៃដ៏អស្ចារ្យ រហូតដល់ពេលខ្លះ អាចធ្វើឱ្យ អ្នកមានអារម្មណ៍ថា ក្តីស្រមៃទាំងនោះខ្ពស់ពេក រហូតអ្នកខ្លួនឯងមិនអាច ឈានទៅដល់ថែមទៀតផង។
២. ក្រយៅដៃរាងកោងត្រង់
អ្នកគឺជាមនុស្ស ដែលមាន ការប្តេជ្ញាចិត្តខ្ពស់ ក្នុងការធ្វើអ្វីមួយ។ អ្នកចូលចិត្ត រៀនអ្វីដែលថ្មីៗ ដូចជាការចូលក្នុងសង្គម ទទួលយកបទពិសោធន៍ប្លែកៗ ចូលមកក្នុងជីវិតរបស់អ្នក ព្រោះអ្នកជាមនុស្សដែល មិនបណ្តោយឲ្យចំណេះដឹង ក៏ដូចជាជីវិតអ្នក នៅតែមួយកន្លែងត្រឹងនោះទេ ដែលទាំងនេះហើយ ជាហេតុដែល ធ្វើឲ្យមនុស្សដែលនៅក្បែរខ្លួនអ្នក មួយចំនួនមើលមកយល់ថា អ្នកជាមនុស្សដែល រឹងរូសនិងចចេស ចូលចិត្តធ្វើអ្វីដែលខ្លួនឯងចង់ មិនគិតឲ្យបានល្អិតល្អន់ ទាំងដែលពេលខ្លះ អ្វីដែលអ្នកធ្វើទាំងនោះ វាមិនច្បាស់លាស់ ឬក៏ត្រឹមត្រូវក៏ដោយ។ ហើយលើសពីនេះ អ្នកក៏ជា មនុស្សមួយប្រភេទ ដែលមិនជាសូវចូលចិត្ត ប្រើនូវមនោសញ្ចេតនាទេ ប៉ុន្តែអ្នកបែរជា មនុស្សដែលចូលចិត្តតន្រ្តីនិងសិល្បៈខ្លាំងទៅវិញ។
៣. ក្រយៅដៃរាងគូទខ្យង
ស្នាមក្រយៅដៃប្រភេទនេះ វាអាចបង្ហាញថា អ្នកជាមនុស្សដែល មិនសូវចូលចិត្ត ភាពស្ងប់ស្ងាត់នោះទេ តែអ្នកចូលចិត្តភាពអ៊ូអរច្រើនជាង អ្នកជាមនុស្សមួយប្រភេទ ដែលពោរពេញទៅដោយ គំនិតច្នៃប្រឌិតខ្ពស់។ អ្នកតែងតែបង្កើត និងរៀនពីអ្វីដែលថ្មីៗ នៅជុំវិញខ្លួន មិនចូលចិត្តក្នុងការរង់ចាំ ពោលគឺចង់ធ្វើអ្វីមួយ ក៏ធ្វើភ្លាមៗតែម្តង។ ជាក់ស្តែង មនុស្សដែលមាន អត្តចរិតប្រភេទនេះ គឺពិតជាគួរឲ្យទាក់ទាញ ខ្លាំងណាស់៕
ប្រភព៖ dazzling