យល់ដឹង៖ មនុស្សដែលនៅជុំវិញខ្លួនយើងគ្រប់គ្នាសព្វថ្ងៃនេះគឺមានឥទ្ធិពលខ្លាំងណាស់មកលើជីវិតរបស់យើង ប្រសិនបើយើងរាប់អានមនុស្សល្អ យើងនឹងបានដើរទៅផ្លូវល្អតែបើរាប់អានមិត្តអាក្រក់ យើងនឹងដើរទៅរកផ្លូវខុស។ដូច្នេះហើយមុននឹងរាប់អានអ្នកណាម្នាក់ យកមកធ្វើជាមិត្តភក្តិ គួរតែស្គាល់គេឱ្យបានច្បាស់កុំចេះតែរាប់អានផ្តេសផ្តាស ជាងនេះទៅទៀត ប្រភេទមិត្តភក្តិដែលអ្នកគួរតែមាន គួរតែជាប្រភេទមិត្តភក្តិដូចដែលបានរៀបរាប់នៅខាងក្រោមនេះព្រោះពួកគេជាផ្នែកដ៏សំខាន់មួយនៃជីវិតរបស់យើងគ្រប់គ្នា។ប្រភេទមិត្តភក្តិដែលអ្នកគួរតែមានយ៉ាងហោចក៏ម្នាក់នៅក្នុងជីវិត៖១.មិត្តដែលចាំលើកទឹកចិត្ត និងគាំទ្រអ្នកជានិច្ច<figure style="text-align:center"><img src="https://cms.dmpcdn.com/article/2022/04/23/ff9fdbb0-c2d2-11ec-9f6e-39b5122e2ac1_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>មិត្តភក្តិស្រួលរកទេតែអ្វីដែលពិបាកនោះ គឺការរកបានមិត្តភក្តិណាដែលចេះលើកទឹកចិត្តនិងគាំទ្ររាល់អ្វីដែលយើងធ្វើ មិនថាយើងបរាជ័យឬជោគជ័យ មិត្តភក្តិម្នាក់នោះនឹងនៅក្បែរយើងជានិច្ច មិត្តភក្តិប្រភេទនេះហើយ ដែលយើងគ្រប់គ្នាគួរតែមានយ៉ាងហោចម្នាក់នៅក្នុងជីវិតនោះជីវិតរបស់យើងពោរពេញដោយថាមពល។២. មិត្តដែលអាចឱ្យអ្នកទុកចិត្តបាន<figure style="text-align:center"><img src="https://cms.dmpcdn.com/article/2022/04/23/006accd0-c2d3-11ec-97a0-79389837bec7_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>មិត្តភក្តិអាចនឹងមានច្រើនរាប់មិនអស់តែមិនប្រាកដថាមិត្តភក្តិទាំងអស់នោះ អាចនឹងស្មោះត្រង់ជាមួយយើងបានទាំងអស់នោះទេអញ្ចឹងហើយ កុំឱ្យមានមិត្តតែឈ្មោះ តែជាក់ស្តែងឯកាដោយការលាក់រឿងពិបាកចិត្តនៅក្នុងចិត្តតែម្នាក់ឯងនោះ គួរតែមានមិត្តណាម្នាក់ដែលអាចឱ្យអ្នកទុកចិត្តនិងនិយាយរឿងគ្រប់យ៉ាងប្រាប់ទៅគេបាន នោះជីវិតរបស់អ្នកនឹងមិនឯកាឡើយ។៣. មិត្តដែលចង្អុលបង្ហាញផ្លូវល្អដល់អ្នក<figure style="text-align:center"><img src="https://cms.dmpcdn.com/article/2021/01/30/c68b20c0-62c8-11eb-896e-85b471504039_original.jpg" alt="រូបតំណាង" style="width:100%"/><figcaption>រូបតំណាង</figcaption></figure>វាជារឿងពិត មិត្តភក្តិខ្លះគឺមិនចង់ឃើញយើងមានក្តីសុខឬរីកចម្រើនជាងពួកគេឡើយ លើសពីនេះគឺមានតែចង់ឱ្យយើងធ្លាក់ដល់ចំណុចសូន្យតែប៉ុណ្ណោះបើទោះបីនៅខាងក្រៅ បង្ហាញចេញមកថាស្រលាញ់យើងខ្លាំងក៏ដោយ។ បែបនេះហើយ បានជាយើងគ្រប់គ្នាគួរណាតែមានមិត្តម្នាក់ដែលចង្អុលបង្ហាញផ្លូវល្អដល់យើង ព្រោះមិត្តបែបនេះគឺចង់ឱ្យតែយើងមានក្តីសុខ និងមានភាពរីកចម្រើនតែប៉ុណ្ណោះ ម្យ៉ាងរាប់អានមិត្តដែលចង់ឱ្យយើងល្អជីវិតយើងនឹងកាន់តែល្អប្រសើរជាងមុន៕ប្រភព៖​ <a href="https://eva.vn/eva-tam/tren-duong-doi-moi-nguoi-can-co-3-kieu-ban-thieu-mot-nguoi-thi-that-dang-tiec-c66a515486.html">eva</a>

ប្រភេទមិត្តភក្តិដែលអ្នកគួរតែមានយ៉ាងហោចក៏ម្នាក់ នៅក្នុងជីវិត