មនុស្សប្រុសមិនចាំបាច់អ្នកមាននិងសង្ហា ឲ្យតែមាន៥ចំណុចនេះ ធ្វើឱ្យមនុស្សស្រីចង់ផ្ញើជីវិតលើ

យល់ដឹង៖​ មនុស្សប្រុសភាគច្រើន​ តែងតែគិតថា មនុស្សស្រីស្រលាញ់ រកតែមនុស្សប្រុសង្ហានិងជាអ្នកមាន ប៉ុន្តែផ្ទុយទៅវិញ មនុស្សស្រីភាគច្រើនគឺមិនបានស្រលាញ់មនុស្សប្រុស ព្រោះតែភាពស្រស់សង្ហា​ ដែលមាននៅពីខាងក្រៅ និងទ្រព្យសម្បត្តិ របស់មនុស្សប្រុសនោះទេ។

វាជាការពិត ដែលមនុស្សស្រីភាគច្រើនមុននឹងសម្រេចចិត្ត ថានឹងផ្ញើជីវិត ទៅលើមនុស្សប្រុសណាម្នាក់ គឺពួកគេមិនបានមើលទៅលើ រូបរាងសង្ហានិងទ្រព្យសម្បត្តិ ដែលមនុស្សប្រុសមាននោះទេ តែមនុស្សស្រីតែងតែមើលទៅលើមនុស្សប្រុស ដែលស្ថិតនៅក្នុងប្រភេទមនុស្សប្រុសដែលបានរៀបរាប់នៅខាងក្រោមនេះ។

មិនមែនជាមនុស្សប្រុសអ្នកមាននិងសង្ហា តែមនុស្សប្រុសទាំង៥ប្រភេទនេះ អាចធ្វើឱ្យមនុស្សស្រីចង់ផ្ញើជីវិតលើ៖

១.មនុស្សប្រុសដែលអាចធ្វើឱ្យនាងមានក្តីសុខបាន

ក្នុងនាមជាមនុស្សស្រីនាងនឹងជ្រើសរើសមនុស្សប្រុសណា ដែលអាចធ្វើឱ្យនាង ញញឹមបានគ្រប់ពេលវេលា មិនថាវាជាពេលដែលនាង កំពុងតែកើតទុក្ខនោះទេម្យ៉ាងវិញ ភាពស្រស់សង្ហា និងទ្រព្យសម្បត្តិរបស់មនុស្សប្រុស គឺមិនអាចទិញស្នាមញញឹម ពិតប្រាកដ ដែលចេញពីចិត្តនាងបានឡើយហេតុនេះហើយ មនុស្សស្រីភាគច្រើន គឺតែងតែចង់ផ្ញើជីវិតទៅលើមនុស្សប្រុស ដែលអាចធ្វើឱ្យនាងញញឹមនិងមានក្តីសុខបាន។

២. មនុស្សប្រុសដែលតែងតែកោតសរសើរនាង

មនុស្សស្រី ការដែលទទួលបានការកោតសរសើរ ពីមនុស្សប្រុសវាគឺជាអ្វី ដែលធ្វើឱ្យមនុស្សស្រី មើលឃើញខ្លួនឯង ថាជាមនុស្សម្នាក់ដែលមានតម្លៃ ម្យ៉ាងវិញការកោតសរសើរអ្វីមួយ ពីមនុស្សស្រី វាក៏បានបង្ហាញឱ្យឃើញថា មនុស្សប្រុសម្នាក់នោះគឺបានមើលឃើញ ពីតម្លៃរបស់នាង ដែលជាហេតុធ្វើឱ្យមនុស្សស្រី ចង់ផ្ញើជីវិតលើមនុស្សប្រុស ដែលតែងតែកោតសរសើរនិងមើលឃើញពីតម្លៃរបស់នាង។

៣. មនុស្សប្រុសដែលតែងតែនៅក្បែរនាងក្នុងគ្រាលំបាក

នៅក្នុងគ្រាដែលលំបាកអ្វីដែលមនុស្សស្រីត្រូវការបំផុតនោះ គឺមានមនុស្ស ដែលចាំនៅក្បែរនាង ជាពិសេស អាចធ្វើជាទីបង្អែកដ៏ល្អ សម្រាប់ឱ្យនាងផ្អែក ដូច្នេះហើយ ប្រសិនបើមានមនុស្សប្រុស ដែលចាំតែនៅក្បែរនាងគ្រប់ពេលដែលនាងលំបាក និងតែងតែឱ្យស្មាផ្អែក គ្រប់ពេលដែលនាងហត់នឿយនោះមនុស្សស្រីនឹងចង់ផ្ញើជីវិតខ្លួនឯង ទៅលើមនុស្សប្រុសម្នាក់នោះជាមិនខាន។

៤.មនុស្សប្រុសដែលអាចអត់ធ្មត់ជាមួយនឹងអត្តចរិតរបស់នាងបាន

មនុស្សស្រី មិនថាមានអត្តចរិតល្អ ខ្លាំងប៉ុណ្ណានោះទេគឺតែងតែមានចំណុចដែលមិនល្អខ្លះ ប៉ុន្តែប្រសិនបើមានមនុស្សប្រុសម្នាក់ ដែលតែងតែអត់ធ្មត់និងអាចសម្របតាមនឹងអត្តចរិតមិនល្អ របស់នាងបាននោះ ច្បាស់ណាស់ មនុស្សស្រីប្រាកដជាចង់ផ្ញើជីវិតខ្លួនឯងទៅលើមនុស្សប្រុសម្នាក់នោះ ដោយមិនមើលទៅលើរូបរាងសង្ហា និងទ្រព្យសម្បត្តិឡើយ។

៥.មនុស្សប្រុសដែលតែងតែគិតដល់ចិត្តនាង

មិនចាំបាច់ទាល់តែសង្ហានិងមានទ្រព្យសម្បត្តិច្រើនខ្លាំងនោះទេ ឱ្យតែមនុស្សប្រុស មុននឹងធ្វើអ្វីមួយ គឺតែងតែគិតដល់ចិត្តរបស់នាងនោះគឺនាងនឹងជ្រើសរើសមនុស្សប្រុសប្រភេទនេះ ហើយនាងនឹងចង់ផ្ញើសេចក្តីសុខនិងជីវិតខ្លួនឯង ទៅលើមនុស្សប្រុស ដែលតែងតែគិតដល់ចិត្តនាង ព្រោះជឿជាក់ថា មនុស្សប្រុសប្រភេទនេះអាចធ្វើឱ្យនាងមានសុភមង្គលអស់មួយជីវិតបាន៕

ប្រភព៖​ phunutoday.vn