ប្រភេទមុន និងវិធីព្យាបាល ឲ្យបានត្រឹមត្រូវ សម្រាប់សុភាពនារី
សម្រស់៖ ជឿជាក់ថា ក្នុងពេលបច្ចុប្បន្ន មនុស្សពេញវ័យមិនថាស្រីឬក៏ប្រុស នោះទេគឺសុទ្ធតែ ជួបប្រទះនៅបញ្ហា ស្បែកមុខឡើងមុន ឡើងរោលកន្ទួលក្រហម ដែលបានធ្វើឲ្យ ប៉ះពាល់ដល់សម្រស់ និងផ្លូវចិត្ត របស់យើងម្នាក់ៗជាខ្លាំងជាពិសេសនោះគឺ មនុស្សស្រីតែម្តង។
មុនដែលកើតមានឡើង លើផ្ទៃមុខ របស់យើងម្នាក់ៗគឺមានទៅតាមប្រភេទ ផ្សេងៗពីគ្នា ហើយវិធីព្យាបាល និងវិធីលាងសម្អាត ក៏មានលក្ខណៈខុសៗគ្នាទៅតាមនោះផងដែរ។ ក្នុងករណី ប្រសិនបើអ្នក មិនបានធ្វើការថែរក្សា យកចិត្តទុកដាក់និងខ្វាយខ្វល់ពី ការថែរក្សាសម្អាត នៅតំបន់មានមុន នៅលើផ្ទៃមុខរបស់អ្នកឲ្យបានល្អទេនោះ វាក៏នឹងអាច បង្កឲ្យ កាន់តែ កើតឡើងធ្ងន់ធ្ងរ ខ្លាំងឡើងៗពីមួយថ្ងៃទៅមួយថ្ងៃបាន។
ដែលរហូតអាចធ្វើឲ្យ ផ្ទៃមុខរបស់អ្នក វិវត្តន៍ទៅជាឡើងខ្មូតប្រហោងធំៗ នៅពេលដែលមុននោះ ព្យាបាលជាទៅវិញ។ នេះក្នុងករណី ដែលអ្នកមិនបានយកចិត្តទុកដាក់ ហើយបណ្តោយទុកឲ្យវា កើតនិងជាដោយខ្លួនឯង។ តែថ្ងៃនេះនារីនឹងនាំអារម្មណ៍ សុភាពនារី និងសុភាពបុរសទាំងអស់គ្នា ទៅដឹងពីប្រភេទមុន និងវិធីព្យាបាលឲ្យបានត្រឹមត្រូវ ទាំងអស់គ្នា៖
១. មុនក្បាលខ្មៅ
* លក្ខណៈរបស់មុនក្បាលខ្មៅ
· មុនមានក្បាលខ្មៅ
· ផ្នែកខាងលើ ដែលកកនេះ ត្រូបានប៉ះថ្ងៃប៉ះខ្យល់ ហើយធ្វើអុកស៊ីតកម្ម ទើបធ្វើឲ្យវាឡើងជា ពណ៌ខ្មៅឡើងមក
· គ្មានការឈឺចាប់
· អាចញិចបាន ពេលដែលវាទុំ ឬឡើងខ្មៅ
* ការព្យាបាល
· អាចញិចបានពេលដែលវាឡើងខ្មៅ
· ប្រើក្រែមលាបមុខ ឬថ្នាំលាបមុនសាប៊ូលាងមុខ និងទឹកជូតជម្រុះ កោសិកាចាស់ៗដែលមាន សារធាតុBHA ចេញ
២. មុនក្បាលស
* លក្ខណៈរបស់មុនក្បាលស
· មុនក្បាលស
· វាមិនមែនជាខ្ទុះទេវាគ្រាន់តែជាល្បាយ នៃការលាយគ្នា រវាងសារធាតុខ្លាញ់ ដែលកប់ក្នុងរន្ធរោម និងកោសិកាស្បែកដែលងាប់តែប៉ុណ្ណោះ
· មុននេះ គឺគ្មានការឈឺចាប់ទេ
· វានឹងបាត់ទៅវិញ ដោយឯកឯង(ហាមញិច)
* ការព្យាបាល
· វាអាចរីកធំ ប្រសិនបើញិច
· ប្រើប្រែមលាបមុខឬថ្នាំលាបមុន សាប៊ូលាងមុខនិងទឹកជូតជម្រុះកោសិកាចាស់ៗដែលមានសារធាតុAHA (GlycolicAcid, Lactic Acid, Mandelic Acid)
៣. មុខដែលមានមុនផ្ទាំងក្រហមធំៗ
* លក្ខណៈរបស់មុនផ្ទាំងក្រហមធំៗ
· វាមានលក្ខណៈក្រហម
· មានទំហំប្រហែល ១សង់ទីម៉ែត្រ
· មានការចូលរួមពីបាក់តេរី ប៉ុន្តែអត់បង្ករឲ្យមានខ្ទុះឡើងទេ
· វាបង្ករឲ្យមាន ការឈឺចាប់
· មានលក្ខណៈ ក្រហមជុំវិញមុន
* ការព្យាបាល
· ហាមញិចដាច់ខាត
· ប្រើក្រែមលាបលើមុន ដែលមានសារធាតុដូចជាSalicylicAcid, Benzoyl Peroxide Sulfur
· ក្រែមលាបមុខ ដែលមាន សារធាតុRetinol, Niacinamide,Centella Asiatica
៤. មុខដែលមាន មុនផ្ទាំងក្រហមធំៗ ហើយមានខ្ទុះ
* លក្ខណនៃមុនក្រហមមានខ្ទុះ
· វាស្រដៀងទៅនឹងPapules
· មានទំហំប្រហែល ១សង់ទីម៉ែត្រ
· វាមានខ្ទុះដែលភាគច្រើន បង្ករការឈឺចាប់និងក្រហមជុំវិញមុន
* ការព្យាបាល
· ហាមញិចដាច់ខាត
· ប្រើក្រែមលាបលើមុខ ដែលមានសារធាតុ ដូចជាSalicylicAcid, Benzoyl Peroxide, Retinoids
· ថ្នាំផ្សះដូចជាClindamycin,Erythromycin
· កម្រិតធ្ងន់អាចមានថ្នាំលាបផងដែរ
៥. មុនប្រភេទក្រហមកន្ទួលធំៗហើយឡើងក្រៀម(កម្រិតធ្ងន់)
* លក្ខណៈមុនកម្រិតធ្ងន់នេះ
· មានលក្ខណៈធំ(អាចដល់៥សង់ទីម៉ែត្រ)
· ឈឺខ្លាំង
· មានលក្ខណៈជាដុំរឹង ពេលប៉ះដោយសារតែវាធ្លាយបែកនូវរន្ធរោម ខាងក្នុងនិង កប់ជ្រៅក្រោមស្បែក
· ចំណាយពេលច្រើន អាទិត្យឬរហូតដល់ខែដើម្បីបាត់ទៅវិញ
* ការព្យាបាល
· ត្រូវបានចាត់ចូលជា មុនប្រភេទធ្ងន់
· តម្រូវឲ្យជួយព្រឹក្សា ជាមួយគ្រូពេទ្យស្បែក
· ប្រើថ្នាំលេបដូចជាថ្នាំផ្សះឬថ្នាំSotretinoinឬ ថ្នាំពន្យារកំណើត
· ឲ្យមានការព្យាបាល ដោយឡាស៊ែរ ឬការចាក់ថ្នាំSteroid ឬ Chemical peels ជាដើម៕