ហេតុតែបងប្អូនគេ! សម្រស់ប្អូនស្រី ស៊ីន យូប៊ីន ស្អាតមិនចាញ់បងស្រីទេ

តារាកម្សាន្ត៖ ទន្សនិកជនដែលជាអ្នកតាមដានវិស័យរឿងភាគខ្មែរជាច្រើនប្រាកដជាបានស្គាល់រួចមកហើយ ពីតារាសម្តែងស្រី ដ៏មានឈ្មោះបោះសម្លេង ស៊ីន យូប៊ីនដែលមានទាំងរូបសម្រស់ និងទេពកោសល្យខ្ពស់ក្នុងការសម្តែង។ បើនិយាយពីសមាជិកគ្រួសាររបស់តារាស្រីរូបនេះវិញ ក្រៅពីស៊ីន យូប៊ីនជាតារាដែលប្រឡូកនៅក្នុងវិស័យសិល្បៈ អស់ជាច្រើនឆ្នាំមក តារាស្រីរូបនេះក៏នៅមានប្អូនស្រីបង្កើតម្នាក់ទៀតដែរដែលទើបតែនឹងប្រឡូកចូលក្នុងវិស័យសិល្បៈ នៅពេលថ្មីៗនេះ។

ជាក់ស្តែង បើក្រឡេកទៅមើលពីសម្រស់ របស់ប្អូនស្រីបង្កើតស៊ីន យូប៊ីន ដែលទើបតែប្រឡូកចូលក្នុងវិស័យសិល្បៈ នៅពេលថ្មីៗនេះវិញ ប្អូនស្រីរបស់ស៊ីន យូប៊ីន មិនត្រឹមតែមានរូបសម្រស់ស្រស់ស្អាតមិនចាញ់បងស្រីនោះទេ សូម្បីតែការតុបតែងខ្លួន ក៏មានការលេងហ្វេសសិនខ្លាំងដូចជាបងស្រីដែរ លើសពីនេះ ពេលខ្លះសឹងតែធ្វើឱ្យហ្វេនៗជាច្រើនយល់ថាជាកូនភ្លោះនឹងគ្នាទៀតផង។

យ៉ាងណាមិញ បើទោះបីជាប្អូនស្រីរបស់តារាស្រីរូបនេះទើបតែឈានជើងចូលសិល្បៈ នៅពេលថ្មីៗនេះក៏ពិតមែន តែប្អូនស្រីបង្កើតរបស់តារាស្រីរូបនេះ ក៏ទទួលបានឱកាសក្នុងការថតMV ក៏ដូចជារឿងភាគខ្មែរផងដែរ។ ម្យ៉ាងវិញទៀត ហ្វេនៗជាច្រើនក៏យល់ឃើញថាប្អូនស្រីរបស់ស៊ីន យូប៊ីន ក៏មិនណយដែរ គឺច្បាស់ជាអាចឆក់យកបេះដូងអ្នកគាំទ្របានច្រើនជាក់ជាមិនខាន នៅពេលដែលប្អូនស្រីរបស់តារាស្រីរូបនេះ បានលេចមុខចេញជាតារាសម្តែងពេញលេញដូចជាបងស្រី៕

សូមទស្សនារូបភាពខាងក្រោម៖