ជប៉ុន៖ ក្រុមហ៊ុន Toyota កំពុងបន្តប្រតិបត្តិការយានយន្តស្វ័យប្រវត្តិរបស់ខ្លួននៅឯភូមិកីឡាប៉ារ៉ាឡាំពិក នៅទីក្រុងតូក្យូ បន្ទាប់ពីជួបឧប្បទ្ទវហេតុ។សេវាកម្មរថយន្ត e-Palette ត្រូវបានបញ្ឈប់ បន្ទាប់ពីរថយន្តមួយគ្រឿងបានបុកអត្តពលិកពិការភ្នែកកាលពីសប្ដាហ៍មុន។ អត្តពលិករូបនេះមិនរងរបួសធ្ងន់ធ្ងរទេប៉ុន្តែគាត់ត្រូវដកខ្លួនចេញពីព្រឹត្តិការណ៍ ដោយសារតែរបួសនិងស្នាមជាំ។ លោក AramitsuKitazono សមាជិកក្រុមកីឡាយូដូរបស់ប្រទេសជប៉ុនបានរងរបួសនៅពេលដែលគាត់កំពុងដើរឆ្លងកាត់ផ្លូវថ្មើរជើង កាលពីថ្ងៃព្រហស្បតិ៍។ លោក Kitazono មិនអាចប្រកួតក្នុងប្រភេទទម្ងន់៨១គីឡូក្រាមរបស់គាត់បានទេដោយសារតែគ្រោះថ្នាក់នេះ។<figure style="text-align:center"><img src="https://cms.dmpcdn.com/article/2021/09/01/ae6e78e0-0afa-11ec-b7c4-5d15834aed51_original.jpg" alt="រថយន្ត&amp;nbsp;e-Palette បើកបរដោយស្វ័យប្រវត្តិ" style="width:100%"/><figcaption>រថយន្ត&nbsp;e-Palette បើកបរដោយស្វ័យប្រវត្តិ</figcaption></figure> នៅក្នុងសេចក្ដីថ្លែងការណ៍មួយកាលពីថ្ងៃចន្ទ ក្រុមហ៊ុន Toyotaបាននិយាយថា ឧបករណ៍ចាប់សញ្ញាបានដឹងថា មានគំនូសផ្លូវសម្រាប់អ្នកថ្មើរជើង ហើយឲ្យហ្វ្រាំងធ្វើសកម្មភាពស្វ័យប្រវត្តិនិងប្រតិបត្តិករក៏បានប្រើហ្វ្រាំងសង្គ្រោះបន្ទាន់ផងដែរ។ ទោះជាយ៉ាងណាយានយន្តនិងអ្នកថ្មើរជើងបានប៉ះគ្នា មុនពេលវាឈប់ទាំងស្រុង។ ក្រុមហ៊ុនបាននិយាយថាឥឡូវនេះប្រតិបត្តិករនឹងត្រូវបានឲ្យគ្រប់គ្រងលើល្បឿនធ្វើដំណើររបស់យានយន្តដោយមានសមាជិកចំនួនពីរនាក់នៅលើយានយន្ត ជាជាងចំនួនមួយនាក់ ដើម្បីជួយរកមើលអ្នកថ្មើរជើង។មុខងារសុវត្ថិភាពថ្មីនឹងរួមបញ្ចូលសំឡេងព្រមានកាន់តែលឺស្របពេលមគ្គុទ្ទេសក៍ថ្មើរជើងនៅឯផ្លូវឆ្លងកាត់ដ៏មមាញឹកនឹងត្រូវបង្កើនទៅដល់ចំនួន២០ពីចំនួន៦។ ក្រុមហ៊ុន Toyota បាននិយាយផងដែរថា ខ្លួននឹងបន្តធ្វើឲ្យប្រសើរឡើងនូវសុវត្ថិភាពជារៀងរាល់ថ្ងៃរហូតដល់ភូមិកីឡាត្រូវបានបិទ៕ប្រភព: BBC

រថយន្តបើកបរស្វ័យប្រវត្តិរបស់ Toyota ត្រូវដាក់ឲ្យដំណើរការឡើងវិញ បន្ទាប់ពីបង្កគ្រោះថ្នាក់ ក្នុងប្រទេសជប៉ុន