ស្គមតែមានក្បាលពោះ! តោះមកដឹងពីវិធីដោះស្រាយទាំងអស់គ្នា!
យល់ដឹង ៖ ចំពោះរាងកាយ បញ្ហាធាត់ឬស្គមវាអាចកើតឡើង ហើយបើអ្នករស់នៅឲ្យបានពេញលេញដោយការញ៉ាំអាហារដោយរីករាយ ជាពិសេសអាហារដូចជាម្សៅខ្លាញ់ ស្ករ បន្ថែមពីលើការធ្វើឲ្យឡើងទម្ងន់ ដោយយើងមិនដឹងខ្លួន វាក៏ជាមូលហេតុមួយនៃជំងឺផ្សេងៗដូចជាជំងឺខ្លាញ់រុំថ្លើមជាដើម។
មូលហេតុនៃខ្លាញ់ក្បាលពោះ កើតឡើងពីការទទួលទានរបស់រាងកាយនិងការប្រមូលផ្តុំសារធាតុចិញ្ចឹមខ្លាញ់ចូលក្នុងខ្លួនយ៉ាងច្រើន ដែលមិនអាចដុតចេញបានរាល់ថ្ងៃដូចជាអាហារ កាបូអ៊ីដ្រាត ជាតិស្ករ ដែលទទួលច្រើនពេកនឹងត្រូវបំប្លែងទៅជាខ្លាញ់ មិនត្រឹមតែធាត់ប៉ុណ្ណោះទេតែវានឹងជាប់នឹងសរីរាង្គខាងក្នុង រួមទាំងសាច់ដុំពោះ ដោយខ្លាញ់ប្រភេទនេះនឹងរឹងជាងហើយនឹងរុញពោះរបស់យើងឲ្យលេចចេញរហូតឃើញច្បាស់ៗ។
បើអ្នកញ៉ាំតិច អ្នកអាចឡើងខ្លាញ់ក្នុងពោះមូលហេតុចម្បងនៃខ្លាញ់ក្បាលពោះ ក្រៅពីការញ៉ាំច្រើនពេក ចំណុចសំខាន់មួយទៀតស្មើគ្នាគឺមិនចូលចិត្តការហាត់ប្រាណ មិនចូលចិត្តធ្វើចលានា វាក៏បានរកឃើញថា ពេលខ្លះអ្នកដែលញ៉ាំតិចហើយនៅតែមានឱកាសកើតខ្លាញ់ក្បាលពោះ។
តោះមកដឹងពីវិធីសាស្រ្ត ៣ យ៉ាងដើម្បីកម្ចាត់ខ្លាញ់ក្បាលពោះ៖
១. ធ្វើលំហាត់ប្រាណបែប Cardio យ៉ាងហោចណាស់ ៣០នាទីក្នុងមួយថ្ងៃ ៣-៥ ថ្ងៃក្នុងមួយសប្តាហ៍ ជាឧទាហរណ៍ Cardioរួមមានការរត់ ការដើរលឿន ជិះកង់ ហែលទឹក រំលងខ្សែពួរ ការរាំតាមចង្វាក់ជាដើម។
២. ធ្វើលំហាត់ប្រាណសាច់ដុំ ដើម្បីពង្រឹងសាច់ដុំនិងបង្កើនប្រសិទ្ធភាពក្នុងលំហាត់ប្រាណបែប Cardio កាន់តែប្រសើរ ហើយប្រសិនបើអ្នកជ្រើសរើសវិធីសាស្ត្រលើកទម្ងន់ជ្រើសរើសទម្ងន់ដែលយើងអាចលើកបាន ១២ ទៅ ១៥ ដង។
៣. ការគ្រប់គ្រងរបបអាហារដើម្បីកំណត់បរិមាណថាមពលដែលទទួលបានជារៀងរាល់ថ្ងៃមិនឲ្យលើសពីអ្វីដែលរាងកាយត្រូវការ កុំឲ្យដើម្បីមានថាមពលច្រើនពេកនៅក្នុងខ្លួន ជាពិសេសពោះដូច្នេះហើយ អាហារដែលមានថាមពលខ្ពស់ ដូចជាខ្លាញ់សត្វជាដើម ព្រមទាំងម្សៅ និងស្ករដែលមិនចម្រាញ់របបអាហារសូដ្យូមខ្ពស់ និងស្រាបៀរដែលអាចបណ្តាលឲ្យហើម ធាត់ក្បាលពោះប្រាកដណាស់៕
ប្រភព ៖ Sanook