ចង់ក្លាយជាមនុស្សស្រី ឯករាជ្យមានជីវិតរីករាយ ត្រូវចេះ ៧ យ៉ាងនេះ!
យល់ដឹង៖ តើនារីប្រភេទណាដែលអ្នកគិតថាឆ្លាត? IQ ខ្ពស់ ការអប់រំខ្ពស់ លុយកាក់ទ្រព្យសម្បត្តិក៏មាន សុទ្ធតែជាកត្តាដែលជួយស្ត្រីបង្កើតតម្លៃជាច្រើនក្នុងជីវិតរបស់ពួកគេ។
ដោយឡែក អ្វីៗហាក់បីដូចជាគ្មានន័យ ប្រសិនបើពួកគេមិនមានសមត្ថភាពគ្រប់គ្រងខ្លួនឯង និងឯករាជ្យផ្នែកហិរញ្ញវត្ថុ។ ព្រោះមនុស្សគ្រប់រូប ចង់មានសេរីភាព និងឯករាជ្យ ប៉ុន្តែការស្វែងរកខ្លួនឯង និងរស់នៅជាមួយគោលការណ៍ផ្ទាល់ខ្លួន គឺជាតម្រូវការដែលត្រូវគិតដល់មុនគេ។
ដូច្នេះ ខាងក្រោមនេះ ជាវិធីទាំង ៧ យ៉ាងដែលស្រ្តីត្រូវតែមាន បើសិនអ្នកចង់ក្លាយជាមនុស្សឯករាជ្យ និងមានជីវិតរីករាយ ពោរពេញដោយភាពអស្ចារ្យ!
១.ធ្វើជាខ្លួនអ្នក កុំរស់ដើម្បីផ្គាប់ចិត្តអ្នកដទៃ
ស្ត្រីប្រៀបដូចជាអត្ថិភាពនៃទឹក ងាយស្រួលបន្ទន់ និងត្រៀមខ្លួនដើម្បីលះបង់។ ចិត្តទន់ជ្រាយពេក ផ្តល់ច្រើនពេក គិតច្រើនពីអារម្មណ៍អ្នកដទៃពេក ហើយដាក់សេចក្តីត្រូវការរបស់ខ្លួននៅក្រោមគេ នោះច្បាស់ជាធ្វើឲ្យបាត់បង់ខ្លួនឯង។ មនុស្សស្រី ទោះ IQ ខ្ពស់ប៉ុណ្ណា ក៏គ្មានន័យដែរ បើនាងភ្លេចថា នាងជាអត្ថិភាពដ៏មានតម្លៃបំផុត។ ភាពវៃឆ្លាត គឺជាអាកប្បកិរិយាចំពោះជីវិត មិនមែនគ្រាន់តែជាលេខ IQ នោះទេ។ កុំភ្លេចថា មានតែសុភមង្គលប៉ុណ្ណោះ ទើបអាចនាំឲ្យអ្នកដទៃមានសុភមង្គលយូរអង្វែង។
២.ឈប់លះបង់រហូតភ្លេចគិតពីខ្លួនឯង
កុំគិតថាខ្លួនឯងជាមនុស្សស្រីទន់ខ្សោយ ទើបត្រូវលះបង់និងមើលថែបុរស។ វិធីនៃការគិតនេះ កាន់តែធ្វើឲ្យស្ត្រីមានភាពផុយស្រួយក្នុងការពឹងផ្អែកលើអ្នកដទៃ ធ្វើឲ្យជម្រើសក្នុងជីវិតមានកម្រិត បាត់បង់ឯករាជ្យបន្តិចម្តងៗ មានភាពអាស្រ័យ និងមិនអាចរស់នៅបានល្អ ប្រសិនបើគ្មានការថ្នាក់ថ្នមនៅក្បែរនោះទេ។
៣.ចេះរៀបផែនការជីវិត
ផែនការជីវិតរួមមានទាំងអាជីព និងគ្រួសារ។ បើអ្នកចង់អភិវឌ្ឍអាជីព ត្រូវដឹងច្បាស់ពីអ្វីដែលអ្នកចង់បានជាមុនសិន ហើយចាំបាច់ប្រឹងប្រែងតាមក្រោម។ រស់ដោយរវើរវាយ នៅក្រោមមេឃ ថ្ងៃមួយមេឃរលំ រស់នៅក្បែរដើមឈើ ថ្ងៃណាមួយដើមឈើនឹងរលំ។ គ្រោះថ្នាក់ជាងនេះទៅទៀតនោះគឺថា មនុស្សជាច្រើនធ្លាប់រស់នៅជាមួយឪពុកម្តាយ និងគូស្នេហ៍របស់ពួកគេ ដែលនៅពេលដែលជីវិតយើងជួបព្យុះជួបភ្លៀង ពួកគេមិនអាចជួយបាន។ ចង់មានគ្រួសារល្អ មានបទពិសោធន៍ និងជ្រើសរើសមនុស្សដែលសក្ដិសមនឹងអ្នក។ ស្នេហាជាអ្វីដែលធ្វើឲ្យជីវិតមានភាពអស្ចារ្យ មិនមែនជាភាពចាំបាច់នោះទេ។ គ្មានការរង់ចាំ គ្មានភាពផុយស្រួយ គ្មានការបង្ខិតបង្ខំ។
៤.ថែរក្សារូបរាងរបស់អ្នក
មិនថាជីវិតស្ថិតក្នុងស្ថានភាពបែបណា (រីករាយ វេទនា ធុញ ទ្រុឌទ្រោម...) ត្រូវតែរស់នៅដោយគោលការណ៍ និងមិនបោះបង់ខ្លួនឯង។ ថែរក្សាស្បែកឲ្យបានគ្រប់គ្រាន់ ហាត់ប្រាណទៀងទាត់ ញ៉ាំអាហារដែលមានសុខភាពល្អ នៅតែគេង និងញ៉ាំអាហារដូចធម្មតា។ ជាមនុស្សស្រី ចូរតុបតែងខ្លួនឲ្យស្អាតដោយរីករាយ។ មិនចាំបាច់រញ៉េរញ៉ៃពេកទេ គ្រាន់តែសុភាព និងទន់ភ្លន់ សំខាន់បំផុតគឺនាំមកវិញនូវភាពជឿជាក់រាល់ពេលចេញក្រៅ។
៥.ការគ្រប់គ្រងទំនាក់ទំនងល្អ
ត្រូវតែផ្តោតលើជីវិតរបស់ពួកគេ! កុំទាន់វាយតម្លៃ «ត្រីមួយកន្ត្រក ស្អុយមួយ ស្អុយទាំងអស់»។ ចែកចាយថាមពលឲ្យបានត្រឹមត្រូវ ចំណាយពេលជាមួយមនុស្សជាទីស្រលាញ់របស់អ្នក បំបែកទំនាក់ទំនងដែលមិនចាំបាច់។ មនុស្សដែលរស់នៅក្នុងសង្គមនេះ មិនអាចបំបែកចេញពីរង្វង់នៃទំនាក់ទំនង (គ្រួសារ មិត្តភក្តិ គូស្នេហ៍ មិត្តរួមការងារ...) សូម្បីតែមនុស្សចម្លែកឆ្លងកាត់ជីវិតរបស់គ្នាទៅវិញទៅមក ក៏ជាទំនាក់ទំនងដែលបានកំណត់ទុកជាមុនផងដែរ។ ប៉ុន្តែបើយើងមិនដឹងថាត្រូវផ្ដោតទៅណាទេ នោះយើងនឹងរស់នៅដោយនឿយហត់ និងរញ៉េរញ៉ៃ។
៦.ឯករាជ្យភាពផ្នែកសេដ្ឋកិច្ច
ស្ត្រីកុំគិតថា ការរកលុយគឺជាតួនាទីរបស់បុរស ហើយកិច្ចការរបស់អ្នកគឺគ្រាន់តែទទួលលុយ និងគ្រប់គ្រងការចំណាយជារៀងរាល់ថ្ងៃ។ ក៏មិនមានវិធីគិតថា មនុស្សស្រីគ្រាន់តែត្រូវការថែរក្សាសម្រស់ឲ្យស្អាតដូចផ្កានោះដែរ។ ការគ្រប់គ្រងលុយ ដឹងពីកន្លែងដែលលុយរបស់អ្នកចំណាយ របៀបរកលុយ អ្វីដែលសំខាន់បំផុតគឺត្រូវដឹងពីរបៀបរកប្រាក់ដើម្បីធ្វើជាម្ចាស់ឯករាជ្យក្នុងសេដ្ឋកិច្ច និងជីវិត។ បើអ្នកមិនមានស្ថិរភាពខ្លួនឯង វាពិបាកក្នុងការឈរយ៉ាងរឹងមាំនៅពេលប្រឈមនឹងអស្ថិរភាពណាស់។
៧.ចង់ដឹងចង់ឃើញពីពិភពលោក កុំទុកខ្លួនអ្នកនៅតែក្នុងបន្ទប់តែឯងយូរពេក
ជីវិតកាន់តែអាប់អួរ ប្រសិនបើមនុស្សបន្តនៅតែជាមួយខ្លួនឯងយូរ។ ចង់ដឹងចង់ឃើញអំពីពិភពលោក បទពិសោធន៍ថ្មីៗ រៀន និងទទួលបានបទពិសោធន៍ថ្មី ព្រោះជីវិតនេះ សម្បូរបែប ជីវិតតែងតែមានអ្វីថ្មីៗចម្រុះពណ៌។
ប្រភព៖ kenh14