ស្រីៗដែលចង់ថែរាងឲ្យនៅថេរ កុំមើលរំលងវិធី ៥ យ៉ាងនេះ!
យល់ដឹង ៖ សម្រាប់សុភាពនារីដែលចង់សម្រកទម្ងន់ឬចង់រក្សាទម្ងន់ថេរ ថ្ងៃនេះយើងនឹងណែនាំអ្នកឲ្យដឹងពីរឿងសំខាន់ ៥យ៉ាងដែលអ្នកគួរធ្វើជារៀងរាល់ថ្ងៃ។គួរបញ្ជាក់ផងដែរថា ទម្លាប់ទាំងនេះ ជួយគ្រប់គ្រងទម្ងន់ថេរ និងជួយកញ្ញា អាចស្រកទម្ងន់ក្នុងរយៈពេលវែងចង់ដឹងថាធ្វើយ៉ាងណានោះ តោះបន្តអានអត្ថបទទាំងអស់គ្នា។
១. ធ្វើលំហាត់ប្រាណ ៣០ នាទី
ធ្វើលំហាត់ប្រាណ ៣០ នាទីជាប់ៗគ្នាវានឹងបង្ហាញជាលទ្ធផលរាងកាយអាចប្រើថាមពលដែលបានរក្សាទុក វាក៏ជួយក្នុងការគ្រប់គ្រងសាច់ដុំនិងសន្លាក់ផងដែរ និងធ្វើឲ្យសរីរាង្គជាច្រើននៅក្នុងរាងកាយរឹងមាំ។ លើសពីនេះ ការធ្វើលំហាត់ប្រាណរយៈពេល៣០ នាទីជាប់ៗគ្នា វាក៏ត្រូវបានគេចាត់ទុកថា ជារយៈពេលនៃការធ្វើលំហាត់ប្រាណដែលមិនយូរពេកសាកសមសម្រាប់អ្នកដែលមិនមានពេលវេលា ឬអ្នកដែលមិនចូលចិត្តហាត់ប្រាណច្រើនតាមដែលគួរធ្វើ។លំហាត់ប្រាណនេះត្រូវបានណែនាំឲ្យអនុវត្ត ៣-៥ ថ្ងៃក្នុងមួយសប្តាហ៍គឺគ្រប់គ្រាន់ហើយ។
២.ញ៉ាំអាហារពេលល្ងាចមុនម៉ោង ៧ យប់
ការសម្រកទម្ងន់ដ៏ល្អ អ្នកមិនគួរបង្អត់អាហារឬធ្វើទារុណកម្មលើរាងកាយឡើយ ប៉ុន្តែដើម្បីសម្រកទម្ងន់ ក៏ដូចជាជួយរក្សាទម្ងន់មានស្ថេរភាពសូមណែនាំឲ្យញ៉ាំអាហារពេលល្ងាចមុនម៉ោង ៧ យប់ ព្រោះការញ៉ាំអាហារពេលល្ងាចក្នុងពេលនេះ។ធ្វើបែបនេះអ្នកគួរតែចូលគេងក្នុងអំឡុងម៉ោង ១០ យប់ ព្រោះជាពេលដែលអាចឲ្យរាងកាយមានពេលរំលាយអាហារ។នេះគឺដោយសារតែការរំលាយអាហារដែលមានប្រសិទ្ធភាពជាធម្មតាចំណាយពេល ៣-៤ ម៉ោងឬច្រើនជាងនេះដូច្នេះហើយ រាងកាយអាចស្រូបយកសារធាតុចិញ្ចឹមបានយ៉ាងល្អ។
៣.កាត់បន្ថយបរិមាណអាហារពេលល្ងាច
ញ៉ាំអាហារពេលល្ងាចអំឡុងពេលសម្រកទម្ងន់វាត្រូវបានណែនាំឲ្យកាត់បន្ថយបរិមាណអាហារពីដើម រួមទាំងសមាសភាពនៃអាហារពេលល្ងាចត្រូវតែមានកាបូអ៊ីដ្រាតទាបតាមដែលអាចធ្វើទៅបាន។ហើយបន្ទាប់មកបន្ថែមទៅប្រូតេអ៊ីនដើម្បីឲ្យខ្ពស់ជាង អ្នកក៏គួរយកចិត្តទុកដាក់លើការញ៉ាំអាហារដែលមានជាតិខ្លាញ់ល្អតាមដែលអាចធ្វើទៅបានព្រោះពួកវាទាំងអស់មានសារៈសំខាន់ចំពោះរាងកាយក្នុងអំឡុងពេលសម្រកទម្ងន់ដោយខ្លួនឯង
៤.ដើរ ១៥ នាទីបន្ទាប់ពីអាហារពេលល្ងាច
បន្ទាប់ពីញ៉ាំអាហារពេលល្ងាច គួរដើរប្រហែល១៥ នាទី ដើម្បីរំលាយអាហារ។ សំខាន់ជាងនេះទៅទៀត ការដើរក៏អនុញ្ញាតឲ្យរាងកាយប្រើប្រាស់ថាមពលហើយវាក៏ជួយជំរុញប្រព័ន្ធរំលាយអាហារឲ្យដំណើរការពេញលេញផងដែរ។ លើសពីនេះទៀតការដើរបន្ទាប់ពីអាហារពេលល្ងាចវាក៏ជួយកាត់បន្ថយការចុកពោះ ឬមិនស្រួលក្នុងពោះផងដែរ ដូច្នេះហើយទើបអាចគេងលក់ស្រួល។
៥.ចូលគេងមុនម៉ោង ១០ យប់
ជាការពិតណាស់ការសម្រកទម្ងន់ឲ្យមានប្រសិទ្ធភាពត្រូវតែផ្តោតលើការសម្រាកឲ្យបានគ្រប់គ្រាន់ផងដែរ។ ពេលវេលាដែលត្រូវបានណែនាំឲ្យចូលគេងអំឡុងពេលសម្រកទម្ងន់ឬគ្រប់គ្រងទម្ងន់គឺមុនម៉ោង 10 យប់ដើម្បីឲ្យរាងកាយទទួលបានអ័រម៉ូនលូតលាស់ហើយវាក៏ជួយឲ្យរាងកាយបញ្ចេញអ័រម៉ូនផ្សេងទៀត ចេញមកជាធម្មតាផងដែរ។
នារីៗដែលចង់សម្រកទម្ងន់យ៉ាងមានប្រសិទ្ធភាពឬចង់រក្សាទម្ងន់ឲ្យថេរ កុំភ្លេចអនុវត្តរឿងសំខាន់ទាំង៥នេះជារៀងរាល់ថ្ងៃ។ជឿថាវានឹងជួយសម្រកទម្ងន់បានយ៉ាងមានប្រសិទ្ធភាពនិងសុវត្ថិភាពសម្រាប់រាងកាយ៕
ប្រភព ៖ Sanook