ទាំងនេះជាគុណសម្បត្តិនៃការទទួលទាន ផ្លែឪឡឹក!

យល់ដឹង ៖ ​ការ​ទទួលទាន​ផ្លែឪឡឹកជារៀងរាល់ថ្ងៃ ពិតជាផ្ដល់គុណសម្បត្តិជាយ៉ាងច្រើនសម្រាប់អ្នក ព្រោះវាជាប្រភេទអាហារ ផ្ដល់ប្រភពថាមពលអាហារូបត្ថម្ភជាពិសេសការទទួលទានទឹកផ្លែឪឡឹកមួយពែង វានឹងផ្តល់ប្រូតេអ៊ីនច្រើនជាង ៣០ក្រាមនិងកាបូអ៊ីដ្រាតដល់ទៅ ១៦ក្រាម រួមទាំងវីតាមីន B-complex និងសារធាតុរ៉ែ ម៉ាញ៉េស្យូម ប៉ូតាស្យូម ស័ង្កសី សេលេញ៉ូមនិងអត្ថប្រយោជន៍ជាច្រើនទៀត។

តើផ្លែផ្លែឪឡឹកនេះមានអត្ថប្រយោជន៍អ្វីខ្លះ?

ខាងក្រោមនេះជាគុណសម្បត្តិសម្រាប់អ្នកដែលទទួលទានផ្លែឪឡឹក៖

១.ផ្លែឪឡឹកពោរពេញដោយ អេឡិចត្រូលីត

ផ្លែឪឡឹកវាមានផ្ទុកនូវសារធាតុអេឡិចត្រូលីតដែលមានសារៈសំខាន់សម្រាប់ការយកកាកសំណល់មេតាបូលីស ដឹកជញ្ជូនសារធាតុចិញ្ចឹមនិងការពារការខ្សោះជាតិទឹក ជាអាហារចម្រុះដែលអាចប្រើប្រាស់បានតាមវិធីផ្សេងៗ ក៏ជាប្រភពដ៏ប្រសើរនៃប៉ូតាស្យូមផងដែរជាងនេះទៅទៀតការទទួលទានវា ខណៈពេលដែលរក្សាគ្រាប់របស់វា សម្រាប់ពេលក្រោយ គឺជាវិធីដ៏ល្អមួយដើម្បីធានាថា អ្នកទទួលបានអត្ថប្រយោជន៍ពីផ្លែឈើប្រភេទនេះ។

២. ផ្លែឪឡឹកសម្បូរទៅដោយសារធាតុប្រឆាំងអុកស៊ីតកម្មផ្សេងៗ

ឪឡឹក​ជា​អាហារ​ដែល​មាន​រសជាតិ​ផ្អែមមាន​ជាតិ​ជូរ និង​ស្រស់​ស្រាយ​ សាកសមសម្រាប់​រដូវ​ក្ដៅ លើសពីនេះ Lycopene ដែលជាសារធាតុប្រឆាំងមហារីកនិងប្រឆាំងជំងឺដាច់សរសៃឈាមខួរក្បាល ក៏មានច្រើន។

នៅក្នុងផ្លែឪឡឹក មានកាឡូរីត្រឹមតែ ៤៦ កាឡូរី ក្នុងឪឡឹកមួយពែងរួមទាំងមានវីតាមីន A, B6 និងវីតាមីន C ខ្ពស់ផងដែរ ឬសូម្បីតែ Arginine ដែលជួយដុតបំផ្លាញជាតិខ្លាញ់បានលឿន ក៏ត្រូវបានរកឃើញនៅក្នុងអាហារបំប៉ននេះ។

៣.គ្រាប់ឪឡឹកមានប្រូតេអ៊ីនខ្ពស់ និងមានកាឡូរីទាប

គ្រាប់ឪឡឹកមានជាតិប្រូតេអ៊ីនខ្ពស់និងមានកាឡូរីទាប ហើយជាការបន្ថែមដ៏ល្អ ចំពោះរបបអាហារដែលមានសុខភាពល្អស្ទើរតែទាំងអស់ ដោយអ្នក​អាច​ញ៉ាំ​វា​ដោយ​ចំហុយឬ​អាំងជាដើម ហើយត្រូវដឹងថាទោះជាតាមវិធីណាក៏ដោយ វាល្អធ្វើសម្រាប់អាហារសម្រន់ពេលរសៀល ដែលផ្ដល់សុខភាពល្អសម្រាប់អ្នក៕

ប្រភព ៖ Trendingposts