ទម្លាប់ ៥ យ៉ាង ដែលស្រីៗគួរចៀសវាង បើមិនចង់ Single ពាន់ឆ្នាំ
យល់ដឹង៖ តើអ្នកដឹងទេថា កើតមកជាមនុស្សស្រី ពិតជាមានភាពស្មុគស្មាញច្រើនណាស់ ហើយក៏មិនមានភាពងាយស្រួលច្រើនដូចជាមនុស្សប្រុសដែរ ពិសេសនៅពេលកាន់តែធំដឹងក្ដី។
ពិតណាស់ ភាគច្រើនពេលមនុស្សស្រីមានស្នេហា បុរសនៅតែត្រូវបោះបង់ចោល ព្រោះការនៅជាមួយអ្នកមិនបានធ្វើឱ្យគេមានអារម្មណ៍ល្អ ដោយសារតែទង្វើខុសឆ្គងណាមួយរបស់មនុស្សស្រី។
ដូច្នេះ ប្រសិនបើអ្នកមិនចង់ឱ្យខ្លួនអ្នក Single គ្មានអ្នកណាយកទេនោះ គួរចៀសវាង និងគួរកែប្រែប៉ុន្មានចំណុចខាងក្រោមនេះ៖
១.និយាយច្រើនដោយគិតថាគេមិនចេះធុញ
បើអ្នកនៅតែគិតថា ភាគីម្ខាងទៀតមិនធុញទ្រាន់នឹងអ្នកទេ គួរឈប់គិតបែបនេះភ្លាម។ បើមនុស្សស្រីពូកែនិយាយ តែនិយាយរហូតមិនឈប់មាត់ពេញមួយថ្ងៃ មិនស្តាប់ភាគីម្ខាងទៀត ឬមិនឱ្យភាគីម្ខាងទៀតនិយាយរឿងផ្សេងៗទាល់តែសោះ នឹងធ្វើឱ្យភាគីម្ខាងទៀតរំខាន និងមិនចង់ស្តាប់។ លើសពីនេះ គេអាចមានអារម្មណ៍ហត់នឿយ ដូចជាគេត្រូវប្រើថាមពលច្រើន ដើម្បីរស់នៅជាមួយនារីមានចរិតបែបនេះ។
២.លេងសើចច្រើន ហាក់ដូចជាមិនស្មោះត្រង់
អ្នកប្រហែលជាព្យាយាមធ្វើជាក្មេងស្រីកំប្លែងៗ។ ប៉ុន្តែការលេងសើចចំពោះអ្វីគ្រប់យ៉ាងនៅក្នុងផ្លូវរបស់ខ្លួនឯង បានធ្វើឱ្យភាគីម្ខាងទៀតមានអារម្មណ៍ថាមិនសមទាល់តែសោះ។ រឿងខ្លះមិនគួរឱ្យអស់សំណើចទេ តែអ្នកបែរជាយកមកលេងសើចជ្រុល ក៏អាចជាការបង្កឱ្យភាគីម្ខាងទៀត គេប្ដូរអារម្មណ៌ល្អៗមកលើអ្នកផងដែរ។
៣.ធ្វើពុតជាចូលចិត្តអ្វីដែលបុរសចូលចិត្ត
អ្នកប្រហែលជាចង់ផ្គាប់ចិត្តមនុស្សប្រុស ដោយចូលចិត្តអ្វីគ្រប់យ៉ាងដែលពួកគេចូលចិត្ត ដូចជាបាល់ទាត់ ជាដើម ទាំងដែលអ្នកប្រហែលជាមិនចូលចិត្តមើលទាល់តែសោះ។
៤.ចេតនាល្អពេក រហូតក្លាយជាមនុស្សស្រីសាំញ៉ាំ
ការដែលរវល់តែនិយាយរឿងដដែលៗពេញមួយថ្ងៃ គឺដូចជាអ្វីៗគ្រប់យ៉ាងត្រូវបានបង្ខំ។ វាបានធ្វើឱ្យភាគីម្ខាងទៀតមានការខកចិត្ត។ ហើយអាចបណ្តាលឱ្យមានការធុញទ្រាន់ក្នុងរយៈពេលយូរ។
៥.ព្យាយាមថតរូបខ្លួនឯង ហើយផ្ញើទៅអ្នកដទៃស្ទើរតែពេញមួយថ្ងៃ
គិតថាចង់ចែចង់គេ ហើយធ្វើជាមនុស្សស្រី ដែលតែងគិតតែថតរូប Selfie ផ្ញើឲ្យបុរសពេញមួយថ្ងៃ។ អ្វីដែលច្រើនពេកធ្វើឱ្យបុរសមានអារម្មណ៍ធុញ និងមិនចង់ឃើញ ព្រោះវាមើលទៅមិនធម្មជាតិ។ បូកបន្ថែមការថតបែប Edit មុខសហោះៗទៀត រឹតតែមិនធ្វើឱ្យភាគីម្ខាងទៀតសរសើរនោះឡើយ តែវាហាក់ដូចជាមិនសមរម្យក្នុងការដែរមនុស្សស្រីធ្វើបែបនេះសោះ។
ប្រភព៖ sanook