កុំមើលរំលងរបស់មានតម្លៃ ៤ យ៉ាងនេះ បើមិនចង់នឿយ ពេលចាស់ទៅ
យល់ដឹង៖ ជាការពិត នរណាក៏ធ្លាប់ស្ដាយក្រោយចំពោះអ្វីដែលបានកើតឡើងកាលពីអតីតដែរ ពិសេសនៅពេលដែលយើងកាន់តែមានអាយុច្រើន ឬចាស់ទៅ ទើបយើងនឹកឃើញស្ដាយក្រោយពេលវេលាកន្លងទៅនូវអ្វីដែលយើងខាកខានមិនបានធ្វើនាពេលនោះ។
ដូច្នេះ បើមិនចង់ឲ្យខ្លួនឯងស្ដាយក្រោយ ឬចាស់ទៅនឿយទេនោះ សូមកុំមើលរំលងនូវចំណុចទាំងប៉ុន្មានខាងក្រោមនេះ ពេលនៅក្មេងនៅឡើយ។
១.«មិត្ត» មានច្រើន ប៉ុន្តែ «មិត្ត» ស្មោះត្រង់ មានប៉ុន្មាន?
ពេលយើងនៅក្មេង យើងមានផ្នត់គំនិត ដែលយើងដឹងកាន់តែច្រើនក៏កាន់តែល្អដែរ។ ដូច្នេះអ្នកកំពុងបង្កើតបណ្តាញទំនាក់ទំនងឥតឈប់ឈរដូចដែលមនុស្សភាគច្រើនដឹង ហើយយើងមានអារម្មណ៍ពេញចិត្ត។ រហូតដល់ថ្ងៃមួយ អ្នកស្រាប់តែដឹងថា៖ អ្នកស្គាល់មនុស្សជាច្រើន ប៉ុន្តែពេលអ្នកមានបញ្ហា គ្មានអ្នកណាហ៊ានជួយនោះទេ។ ពេលអ្នកសុំខ្ចីលុយព្រោះមានរឿងបន្ទាន់ មានអ្នកខ្លះសុខចិត្តឲ្យលុយ។ តាមពិតទៅ យើងមិនខ្វះមនុស្សដែលអាចដើរលេងជាមួយនោះទេ។ ប៉ុន្តែអ្នកណាដែលជួយយើងពិតប្រាកដ គឺមានមិនច្រើននោះឡើយ។ ពេលវេលានឹងជួយអ្នកឲ្យឆ្លងកាត់ទំនាក់ទំនងដែលមានគុណភាពទាប។ លុយនឹងជួយឲ្យអ្នកមើលឃើញតាមរយៈចិត្តរបស់មនុស្ស។ ផ្លូវបំបែកនៃជីវិតនឹងជួយអ្នករកឃើញមិត្តស្មោះត្រង់ពិតប្រាកដ។ មិត្តល្អពិតមិនងាយនឹងរកនោះទេ។
២.រៀនទទួលយកការលំបាក ជាផ្នែកមួយនៃជីវិត
ពេលអ្នកនៅក្មេង អ្នកប្រហែលជាពិបាកទទួលបាននូវអ្វីដែលអ្នកចង់បាន។ អ្នកមិនមានសិទ្ធិសម្រេចចិត្តនូវអ្វីដែលអ្នកធ្វើ។ អ្នកត្រូវពឹងផ្អែកលើឪពុកម្តាយ និងគ្រូរបស់អ្នក។ ពេលមិនពេញចិត្តអ្វីមួយ អ្នករំពឹងថាចង់ឲ្យខ្លួនឯងនឹងធំឡើងឆាប់ៗ។ ពេលទៅសាលា អ្នកមានអារម្មណ៍ថាការប្រឡងពិបាកពេក ហើយចាប់ផ្ដើមគេចពីការសិក្សា។ ពីមួយពេលទៅមួយពេល អ្នកតែងតែគិតថា ការរៀនគ្មានតម្លៃ ដូច្នេះមិនចង់ចំណាយពេលលើវា។
ក្រោយពីរៀនចប់ អ្នកចង់ធ្វើការនៅក្រុមហ៊ុនធំៗ ប៉ុន្តែមិននឹកស្មានថា ការរកការងារធ្វើវាពិតជាពិបាកយ៉ាងនេះទេ។ នៅពេលអ្នកទៅធ្វើការ អ្នកតែងតែត្អូញត្អែរថា សម្ពាធការងារខ្លាំងពេក ហើយមិនសមស្របនឹងអ្វីដែលអ្នកទទួលបាន។ អ្នកសន្និដ្ឋានថា «ជីវិតនេះពិបាករស់នៅណាស់!»។ អ្នកតែងតែពិបាកធ្វើកិច្ចការណាមួយ ហើយតែងតែគិតថាអ្នកធ្វើមិនបាន។ ប៉ុន្តែបន្ទាប់ពីនោះ អ្នកនៅតែឆ្លងកាត់វាទាំងអស់ដោយខ្លួនឯង។ ជាការពិត ភាពពិបាក គឺជាផ្នែកមួយនៃជីវិត។ ប្រសិនបើអ្វីៗដំណើរការល្អ មនុស្សនឹងមិនអភិវឌ្ឍខ្លួននោះទេ។ ភាពលំបាកនឹងលេចឡើងពីពេលមួយទៅពេលមួយ ជំនួសឲ្យការស្រែកត្អូញត្អែរ។ វិធីល្អបំផុត គឺញញឹមដោយទំនុកចិត្ត និងទទួលយកអ្វីគ្រប់យ៉ាង។
៣.ការរស់នៅដោយរីករាយ មិនគិតច្រើន
បើអ្នកពិតជាចង់ទិញផ្ទះ អ្នកបានសន្សំប្រាក់គ្រប់គ្រាន់ដើម្បីទិញផ្ទះល្វែងក្នុងក្តីស្រមៃរបស់អ្នក។ ទោះជាយ៉ាងណាក៏ដោយ អ្នកគិតថាការទិញផ្ទះនឹងអស់លុយ។ ដូច្នេះ អ្នកសម្រេចចិត្តរង់ចាំយូរបន្តិច ដើម្បីសន្សំប្រាក់បន្ថែមបន្តិច។ ជាលទ្ធផលនៅពេលសម្រេចចិត្តទិញផ្ទះ តម្លៃអចលនទ្រព្យនោះបានកើនឡើងច្រើន បើធៀបនឹងចំនួនដែលអ្នកមាន។
ពេលវេលាមិនឈប់ចាំយើងនៅកន្លែងណាមួយនោះទេ។ ជាមួយនឹងនាទីឆ្លងកាត់នីមួយៗ តម្លៃនៃអ្វីដែលអ្នកមាន វាតែងតែថយចុះ។ ដូច្នេះ ចូររីករាយនឹងសុភមង្គលបច្ចុប្បន្នរបស់អ្នក ហើយកុំព្យាយាម «រក្សា និងពន្យារ» សុភមង្គលរបស់អ្នក។ ព្រោះពេលវេលាកន្លងផុតទៅ អ្នកប្រហែលជាមិនអាចរកឃើញអារម្មណ៍នោះឡើងវិញទេ។
៤.កុំគិតលុយជាជម្រើសដំបូង ហើយគិតសុខភាពជាជម្រើសទីពីរ
កាលនៅក្មេង អ្នកតែងតែចូលគេងយឺតព្រោះការងារ និងការសប្បាយ។ វាហាក់ដូចជាអ្នកមិនខ្វល់អំពីសុខភាពរបស់អ្នកទាល់តែសោះ។ អ្នកសុខចិត្តធ្វើអ្វីក៏ដោយដើម្បីតែសុភមង្គល ឬចង់រកលុយបន្ថែម។
នៅពេលដែលអ្នកធ្វើការខ្លាំងពេក រាងកាយរបស់អ្នកចាប់ផ្តើមចុះខ្សោយ អ្នកត្រូវបានគេបង្ខំឲ្យទៅមន្ទីរពេទ្យឲ្យទៀងទាត់។ ត្រង់ចំណុចនេះ អ្នកនឹងឃើញថា ទោះបីជាអ្នករកបានប្រាក់ប៉ុន្មានក៏ដោយ វាមិនគ្រប់គ្រាន់សម្រាប់ថ្លៃព្យាបាលនោះទេ។ ដល់ពេលដែលអ្នកចាប់ផ្តើមថែរក្សាសុខភាពរបស់អ្នក វាក៏យឺតពេលទៅហើយ។
កាលនៅក្មេង អ្នកបានត្រៀមខ្លួនជាស្រេចដើម្បីចូលរួមសប្បាយក្នុងកម្មវិធីនានា។ នៅទីនោះ អ្នកបានត្រៀមខ្លួនជាស្រេច ដើម្បីបរិភោគ និងផឹករាល់អ្វីដែលត្រូវបានផ្តល់ជូន។ អ្នកផឹករហូតដល់សន្លប់ក៏មាន។ នៅពេលដែលអ្នកសម្រាកព្យាបាលនៅមន្ទីរពេទ្យ សូមគិតឡើងវិញថា តើនរណាក្នុងចំណោមមិត្តភក្ដិផឹកស៊ីរបស់អ្នក ចាប់អារម្មណ៍នឹងអ្នកខ្លះ។
អ្វីៗបាត់ទៅ អាចយកមកវិញបាន ប៉ុន្តែសុខភាពវិញ បើបាត់ទៅហើយមិនអាចយកមកវិញបានទេ។ អ្នកប្រហែលជាមានមិត្តភក្ដិច្រើន ប៉ុន្តែ នៅពេលអ្នកឈឺធ្ងន់ មានតែប៉ុន្មាននាក់ប៉ុណ្ណោះដែលនៅក្បែរអ្នក និងបារម្ភពីអ្នក។
ប្រភព៖ kenh14