៤ វិធី ធ្វើឲ្យអ្នក កាន់តែមានទំនុកចិត្តលើខ្លួនឯង!
យល់ដឹង៖ ជាការពិតណាស់ ទំនុកចិត្តគឺជារឿងដ៏សំខាន់បំផុតក្នុងជីវិត ក៏ដូចជាការងារប្រចាំថ្ងៃរបស់មនុស្សម្នាក់ៗ។ ហើយក្នុងនោះទៀតសោត ភាពជឿជាក់ មិនត្រឹមតែធ្វើឲ្យអ្នកស្រស់ស្អាត និងមានភាពរួសរាយរាក់ទាក់ប៉ុណ្ណោះទេ ប៉ុន្តែថែមទាំងធ្វើឲ្យជីវិតរបស់អ្នក កាន់តែរីករាយ និងងាយស្រួលជាងមុនផងដែរ។
ចុះប្រសិន បើយើងគ្មានទំនុកចិត្តលើខ្លួនឯងសោះ តើមានអ្វីកើតឡើង? ដូច្នេះ ខាងក្រោមនេះ ជាវិធីសាស្រ្តមួយចំនួន ដែលអាចជួយឲ្យអ្នក កាន់តែមានទំនុកចិត្តលើខ្លួនឯងជាងមុន!
១.ត្រូវស្មោះត្រង់ចំពោះខ្លួនឯង
វិធីមួយ ដើម្បីជួយអ្នកឲ្យកាន់តែមានទំនុកចិត្ត គឺរក្សាភាពស្មោះត្រង់ចំពោះខ្លួនអ្នក។ ភាពស្មោះត្រង់ចំពោះគំនិត និងអារម្មណ៍របស់អ្នក ជួយឲ្យអ្នកមានអារម្មណ៍សេរី និងសុខស្រួលជាងមុន។ នៅពេលអ្នករស់នៅក្នុងជីវិតរបស់អ្នក វាមានន័យថា អ្នកអាចធ្វើអ្វីដែលអ្នកចង់បានដោយសេរី ដោយមិនមានការបង្ខំ ឬខ្លាចនរណាម្នាក់ចាំមើលនោះឡើយ។ នោះជាផ្នែកមួយបង្ហាញពីទំនុកចិត្តរបស់អ្នក ក៏ដូចជាបុគ្គលិកលក្ខណៈរបស់អ្នក។ មិនចាំបាច់ដេញតាមការបំភាន់ណាមួយដែលមិនមែនជារបស់យើងទេ ព្រោះនោះកាន់តែធ្វើឲ្យអ្នកនឿយហត់ និងតានតឹង។ លុះត្រាតែអ្នករៀនទទួលយកគុណសម្បត្ដិដែលមានស្រាប់របស់អ្នក ទើបអ្នកអាចទទួលយកការបំពេញរបស់អ្នកបាន។
២.កំណត់គោលជំហរផ្ទាល់ខ្លួនរបស់អ្នក
ការកំណត់ច្បាប់របស់អ្នកនិងប្រកាន់ខ្ជាប់នូវច្បាប់ទាំងនោះ គឺជារឿងដ៏ល្អមួយ។ ការបង្កើតច្បាប់ផ្ទាល់ខ្លួន និងការអនុវត្ត និងការកំណត់គោលដៅសម្រាប់ខ្លួនអ្នក បង្ហាញពីផ្នែកថ្មី និងគួរឲ្យរំភើបនៃការគ្រប់គ្រងខ្លួនឯង។ ពេលអ្នកមានច្បាប់ អ្នកនឹងធ្វើតាម។ វាជួយអ្នកឲ្យចៀសវាងការភ័យខ្លាច នៃការបង្កើតផែនការ ឬចេតនាថ្មី។ បុគ្គលដែលកំណត់ច្បាប់ និងគោលដៅសម្រាប់ខ្លួនឯង តែងមានភាពស្ងប់ស្ងាត់ និងមានទំនុកចិត្តក្នុងការគ្រប់គ្រងគ្រប់កិច្ចការ។ ហើយមនុស្សបែបនេះតែងតែមើលមកឡូយនៅក្នុងភ្នែករបស់អ្នកដទៃ។
៣.មានចិត្តល្អចំពោះខ្លួនឯង
រឿងមួយដែលធ្វើឲ្យអ្នកកាន់តែមានទំនុកចិត្ត គឺការមានចិត្តសប្បុរស និងស្រលាញ់ខ្លួនឯង។ កុំព្យាយាមបង្ខំខ្លួនឯងឲ្យធ្វើរឿងដែលយើងមិនចង់ធ្វើ។ កុំបន្ទោសខ្លួនឯងរាល់ពេលដែលអ្នកបរាជ័យ ឬជំពប់ដួល។ អ្នកដឹងទេ មនុស្សគ្រប់រូបគឺដូចគ្នា ហើយដោយសារតែយើងដឹងច្រើនជាងនេះ មិនមែនមានន័យថាយើងត្រូវតែធ្វើបានល្អជាងមុននោះទេ។ ជំនួសឲ្យការដាក់សម្ពាធលើខ្លួនអ្នក រៀនគ្រប់គ្រងគំនិត និងអារម្មណ៍ផ្ទាល់ខ្លួនរបស់អ្នក។ សម្ពាធ មិនដែលធ្វើឲ្យអ្នកកាន់តែមានទំនុកចិត្តឡើយ ផ្ទុយទៅវិញមានតែធ្វើឲ្យអ្នកកាន់តែនឿយហត់។ នៅពេលអ្នកមានអារម្មណ៍ស្រួលជាមួយរឿងណាមួយ អ្នកក៏ចូលចិត្តបង្ហាញខ្លួនឯងផងដែរ។ វាជួយឲ្យអ្នកកាន់តែមានទំនុកចិត្ត និងក្លាហាន។
៤.ព្យាយមគិតវិជ្ជមានបន្ថែមទៀត
នៅពេលដែលអ្នកមានគំនិតអវិជ្ជមាន អ្នកនឹងមានអារម្មណ៍ថា អ្វីៗតែងតែពិបាកសម្រាប់អ្នក។ ផ្ទុយទៅវិញ ការគិតវិជ្ជមានជួយឲ្យអ្នកសកម្ម ដោយមានថាមពល និងកម្លាំងគ្រប់គ្រាន់ដើម្បីជំនះរាល់ឧបសគ្គ។ ស្ថានភាពរីករាយ និងភ្លឺស្វាង នឹងជួយអ្នកឲ្យក្លាយជាមនុស្សដែលពោរពេញដោយភាពរីករាយ។ វាបង្កើតអារម្មណ៍សុវត្ថិភាព និងទំនុកចិត្តលើមនុស្សជុំវិញអ្នក ធ្វើឲ្យពួកគេមានអារម្មណ៍ស្រួលនៅជុំវិញអ្នក។ ជាងនេះទៅទៀត ស្នាមញញឹមធ្វើឲ្យអ្នកកាន់តែមានទំនុកចិត្ត និងស្រស់ស្អាត។ អ្នកដឹងទេថា គ្មាននរណាម្នាក់ចូលចិត្តនៅក្បែរមនុស្សដែលតែងតែមើលងាយ និងមានអារម្មណ៍អវិជ្ជមាននោះទេ។ នោះមានឥទ្ធិពលអវិជ្ជមានលើក្រុមមនុស្សទាំងមូល។ មនុស្សអវិជ្ជមានតែងតែមានអារម្មណ៍ថាពិភពលោកគួរឲ្យខ្លាច អ្វីគ្រប់យ៉ាងដែលនៅជុំវិញគឺពិបាក។ ផ្ទុយទៅវិញ មនុស្សវិជ្ជមាន តែងតែរកឃើញពិភពលោកស្រស់ស្អាត ហើយមានគេអាណិតស្រលាញ់គ្រប់ពេល។
ប្រភព៖ kenh14