រយៈពេលទាំងនេះ យកល្អកុំងូតទឹក ព្រោះអាចបង្កហានិភ័យដល់រាងកាយ!
យល់ដឹង ៖ ជាការពិតណាស់ ការងូតទឹកគឺល្អសម្រាប់សុខភាពរបស់អ្នកយ៉ាងហោចណាស់ក៏អាចជួយលាងជម្រះភាពមិនស្អាតផងដែរ និងផ្តល់នូវអារម្មណ៍ស្រស់ស្រាយ។ ប៉ុន្តែតើអ្នកធ្លាប់មានអារម្មណ៍ថា បន្ទាប់ពីងូតទឹកហើយហេតុអ្វីបានជាមានរោគសញ្ញាប្លែកៗដូចជាវិលមុខ ឈឺក្បាលស្រាល ឬញ័របេះដូង?នោះក៏ព្រោះអាចទៅបន្ទប់ទឹកដោយចៃដន្យក្នុងអំឡុងពេលដែលមិនគួរងូតទឹក។
សូមណែនាំរយៈពេលទាំង ៥នេះដែលត្រូវបានណែនាំមិនឲ្យងូតទឹក ព្រោះអាចបង្កហានិភ័យនៃការគំរាមកំហែងដល់អាយុជីវិតដូច្នេះយកល្អបើចៀសបានអ្នកមិនគួរងូតទឹកអំឡុងពេលដូចខាងក្រោម ៖
១. អំឡុងពេលក្តៅខ្លួនខ្លាំង
នៅពេលដែលគ្រុនក្តៅលើសពី ៣៨ អង្សារសេវាមិនមែនជាពេលដែលត្រូវងូតទឹកទេ ព្រោះដោយសារតែក្នុងអំឡុងពេលនេះរាងកាយស្ថិតនៅក្នុងដំណាក់កាលខ្សោយហើយវាត្រូវការថាមពលច្រើនដើម្បីបណ្តេញកំដៅចេញពីរាងកាយ។ ដូច្នេះនៅពេលងូតទឹកក្នុងអំឡុងពេលនេះងូតទឹកជាមួយទឹកក្តៅ ឬត្រជាក់ ព្រោះរាងកាយត្រូវតែព្យាយាមលៃតម្រូវសីតុណ្ហភាពឱ្យសមស្របនិងរាងកាយត្រូវប្រើថាមពលដើម្បីជំរុញកម្ដៅម្តងទៀត។ ប្រសិនបើអ្នកមានអារម្មណ៍ស្អិតខ្លូនអំឡុងពេលក្តៅខ្លួនខ្លាំងគឺយកល្អគួរប្រើកន្សែងដើម្បីត្រជាក់ជួតវិញ។
២. ក្នុងអំឡុងពេលនៃសម្ពាធឈាមទាប
ក្នុងករណីអ្នកដែលមានសម្ពាធឈាមទាបញឹកញាប់វាជាការចាំបាច់ក្នុងការប្រុងប្រយ័ត្នខ្លាំងនៅពេលងូតទឹក ជាពិសេសការងូតទឹកក្តៅ ឬត្រាំក្នុងទឹកក្តៅដោយសារតែមានឱកាសដែលសម្ពាធនឹងធ្លាក់ចុះយ៉ាងងាយស្រួលជាងធម្មតា។ ងូតទឹកក្តៅធ្វើឲ្យសរសៃឈាមនៅតាមបណ្តោយស្បែកដូច្នេះឈាមកាន់តែច្រាលច្រើនទៅស្បែក និងផ្តល់អាហារដល់ខួរក្បាលតិច។ ជាពិសេសប្រសិនបើរួមបញ្ចូលជាមួយលក្ខខណ្ឌសម្ពាធទាបរួចទៅហើយវានឹងធ្វើឲ្យរោគសញ្ញាកាន់តែធ្ងន់ធ្ងរ មនុស្សមួយចំនួនអាចឈានដល់ការដួលសន្លប់និងបាត់បង់ស្មារតី។
៣. ងួតទឹកភ្លាមៗបន្ទាប់ពីញ៉ាំអី
ភ្លាមៗបន្ទាប់ពីញ៉ាំអីគឺមិនត្រូវបានណែនាំឲ្យងូតទឹកទេព្រោះដោយសារតែពេលវេលាបន្ទាប់ពីញ៉ាំ នេះគឺជាពេលវេលាដែលឈាមហូរទៅកាន់ក្រពះ។ ដើម្បីជួយដល់ការរំលាយអាហារប្រសិនបើងូតទឹកក្នុងអំឡុងពេលនេះ ជាពិសេសការងូតទឹកក្តៅ នឹងនាំឲ្យតម្រូវការរបស់រាងកាយនាំការបែងចែកការផ្គត់ផ្គង់ឈាមទៅកាន់ស្បែក។កាបន្ថែមលើនេះ ការរំលាយអាហារនឹងកាន់តែពិបាក ជះលទ្ធផលដល់រាងកាយដូចជា វិលមុខ ងងឹតមុខនិងដួលសន្លប់ជាដើម ព្រោះតែការផ្គត់ផ្គង់ឈាមទៅខួរក្បាលមិនគ្រប់គ្រាន់។
៤. បន្ទាប់ពីផឹកស្រា
មនុស្សជាច្រើនងូតទឹកបន្ទាប់ពីផឹកស្រាដើម្បីធ្វើឲ្យរាងកាយមានអារម្មណ៍ស្រស់ស្រាយ ប៉ុន្តែតើអ្នកដឹងទេថារយៈពេលបន្ទាប់ពីផឹកស្រាមិនគួរងូតទឹកទេ? ព្រោះពេលក្រោយផឹកភេសជ្ជៈប្រភេទនេះ ជាតិអាល់កុលនឹងរារាំងការងាររបស់ថ្លើមបណ្តាលឲ្យមានជាតិស្ករតិចនៅក្នុងចរន្តឈាម នៅពេលងូតទឹករាងកាយត្រូវការជាតិគ្លុយកូស។ ដូច្នេះប្រសិនបើអ្នកងូតទឹកបន្ទាប់ពីផឹកស្រាវានឹងធ្វើឲ្យបរិមាណស្ករមិនគ្រប់គ្រាន់ក្នុងឈាម នេះជាមូលហេតុនៃការវិលមុខឈឺក្បាលស្រាល និងដួលសន្លប់ ក្នុងនោះមនុស្សមួយចំនួនអាចមានគ្រោះថ្នាក់នៅក្នុងបន្ទប់ទឹកផងដែរ។
៥. បន្ទាប់ពីហាត់ប្រាណ
ទោះបីជាអ្នកមានអារម្មណ៍ស្អិតខ្លួននិងមិនស្រួលបន្ទាប់ពីការហាត់ប្រាណក៏ដោយ ក៏មិនគួរងូតទឹកភ្លាមៗក្រោយពេលហាត់ប្រាណឡើយព្រោះពេលវេលាបន្ទាប់ពីការហាត់ប្រាណ ឈាមនឹងហូរទៅកាន់ផ្នែកផ្សេងៗនៃរាងកាយ ហើយនឹងទៅខួរក្បាលតិចជាងមុន។ប្រសិនបើអ្នកងូតទឹកក្នុងអំឡុងពេលនេះ វានឹងបង្កើនលំហូរឈាមទៅកាន់ស្បែករបស់អ្នក ប៉ុន្តែត្រឡប់ទៅការចិញ្ចឹមខួរក្បាលតិចទៅៗដូច្នេះគួរសម្រាកឲ្យបាតហត់សិន បន្ទាប់មកងូតទឹក នេះនឹងធានាថាវាមិនបង្កគ្រោះថ្នាក់ដល់អាយុជីវិតឡើយ៕
ប្រភព ៖ Sanook