ហេតុផល ៥យ៉ាង ដែលអ្នកគួរតែ លាបឡេការពារកម្តៅថ្ងៃ ជារៀងរាល់ថ្ងៃ
យល់ដឹង៖ មានមនុស្សស្រីប៉ុន្មាននាក់ ដែលគិតថា ក្រែមការពារកម្ដៅថ្ងៃ មិនសំខាន់? ជាពិសេសនៅថ្ងៃដែលអ្នកមិនចេញទៅក្រៅ ឬថ្ងៃដែលមេឃងងឹតហើយគ្មានព្រះអាទិត្យខ្លាំង ក៏មិនចាំបាច់លាបឡេការពារកម្ដៅថ្ងៃ នាំឲ្យខាតពេលដែរ។
ប៉ុន្តែយ៉ាងណាមិញ យើងសូមណែនាំថា នេះគឺជាការបំផ្លាញស្បែកដោយមិនដឹងខ្លួន។ ដូច្នេះ សូមមកមើលហេតុផលសំខាន់ៗដែលមនុស្សស្រី អ្នកមិនគួរធ្វេសប្រហែសភ្លេចលាបឡេការពារកម្ដៅថ្ងៃជារៀងរាល់ថ្ងៃឡើយ។
ហេតុផលខាងក្រោម ប្រាកដជាធ្វើឱ្យអ្នកយកចិត្តទុកដាក់ចំពោះការឡេការពារកម្តៅថ្ងៃឡើងវិញ ព្រោះការលាបឡេការពារកម្ដៅថ្ងៃវាជួយ ៖
១.ទប់ស្កាត់
រាល់បញ្ហាស្បែក មុខមុន ជាំ អាចម៍រុយ ស្នាមអុចខ្មៅ រួមទាំង បញ្ហាស្បែកគ្រប់ប្រភេទ ទាំងអស់នេះ បណ្តាលមកពីស្បែកប៉ះពាល់នឹងពន្លឺព្រះអាទិត្យដោយផ្ទាល់។ ដំណោះស្រាយ ឬការពារមិនឲ្យកើតមានបញ្ហាទាំងអស់នេះ គឺលាបឡេការពារកម្តៅថ្ងៃជារៀងរាល់ថ្ងៃ។ ទោះបីជាធ្វើការនៅផ្ទះក៏ដោយ ក៏គួរតែអនុវត្តផងដែរ។ ដោយសារតែពន្លឺព្រះអាទិត្យតែងតែអាចបំភ្លឺចូលក្នុងផ្ទះ កុំភ្លេចថាការលាបឡេការពារកម្ដៅថ្ងៃគឺដូចជាការពារស្បែក ដូច្នេះមិត្តនារីៗមិនចាំបាច់ខ្ជះខ្ជាយលុយ និងចំណាយពេលលើការព្យាបាល និងស្តារស្បែកឡើងវិញនៅថ្ងៃអនាគតនោះទេ។
២.កាត់បន្ថយហានិភ័យនៃជំងឺមហារីកស្បែក
ជាការពិតណាស់ ការលាបឡេការពារកម្តៅថ្ងៃ អាចកាត់បន្ថយហានិភ័យនៃជំងឺមហារីកស្បែក។ ព្រោះឡេការពារកម្តៅថ្ងៃ ជាខែលការពារពន្លឺព្រះអាទិត្យមិនឲ្យប៉ះស្បែកយើងផ្ទាល់។ លើសពីនេះទៀតមនុស្សស្រី លាបឡេការពារកម្តៅថ្ងៃដែលមាន SPF ខ្ពស់ ក៏គួរលាបលើស្បែកមុនពេលចេញទៅក្រៅត្រូវព្រះអាទិត្យ។
៣.ជួយចាក់សោ Collagen នៅក្នុងស្បែក
ជឿទេថា ឡេការពារកម្តៅថ្ងៃ ក៏មានសមត្ថភាពចាក់សោ Collagen នៅក្នុងស្បែកបានយ៉ាងល្អផងដែរ។ ដែលមិត្តនារីៗបានដឹងរួចមកហើយថា Collagen ជួយឱ្យស្បែកមានសភាពទន់រលោងបែបធម្មជាតិ។ វាក៏ជួយឱ្យស្បែកមានសុខភាពល្អផងដែរ។
៤.កាត់បន្ថយបញ្ហាស្បែកខ្មៅស្រអាប់
ស្បែករបស់មនុស្ស ត្រូវបានប៉ះពាល់នឹងពន្លឺព្រះអាទិត្យដោយផ្ទាល់ វានឹងបណ្តាលឱ្យមានការប្រមូលផ្តុំនៃបញ្ហាសារធាតុពណ៌ ដែលត្រូវបានគេចាត់ទុកថា ជាបញ្ហាដែលធ្វើឱ្យមនុស្សស្រី បាត់បង់ទំនុកចិត្តលើខ្លួនឯង ជាពិសេសនៅពេលថតរូបជាមួយក្រុមមិត្តភក្តិ អាចខ្មៅជាងគេនៅក្នុងក្រុម។ ដូច្នេះហើយ អ្នកគួរតែលាបឡេការពារកម្តៅថ្ងៃជាប្រចាំ វានឹងកាត់បន្ថយបញ្ហានេះយ៉ាងខ្លាំង។.
៥.ថែរក្សាស្បែកឱ្យក្មេងជាងវ័យ
មនុស្សស្រី ប្រហែលជាឆ្ងល់ថា ហេតុអ្វីបានជាមនុស្សមួយចំនួនកាន់តែចាស់ ប៉ុន្តែស្បែកនៅតែប៉ះដូចស្បែកទារក? នោះក៏ព្រោះតែ មូលហេតុដែលស្បែកយើង មិនប្រកាន់អាយុ គឺត្រូវពន្លឺថ្ងៃតែម្តង។ ដូច្នេះហើយអ្នកណាដែលមិនចង់មានស្បែកចាស់ ហើយតែងតែចង់រក្សាភាពក្មេងជាងវ័យរបស់ស្បែក។ គួរលាបឡេការពារកម្ដៅថ្ងៃជានិច្ចដើម្បីការពារស្បែកពីការបំផ្លាញដោយកាំរស្មី UV។
ប្រភព៖ sanook