អាហារទាំងនេះ មានមុខងារពិសេសសម្រាប់ថែរក្សាស្បែកឲ្យមានសុខភាពល្អ!
យល់ដឹង ៖ ការថែរក្សាស្បែកឲ្យមានសុខភាពល្អ គឺជាសុបិនសម្រាប់មនុស្សគ្រប់គ្នាប៉ុន្តែមានរឿងមួយចំនួនដែលប៉ះពាល់ដល់ស្ថានភាពស្បែកដូចជាការបំពុល និងពន្លឺព្រះអាទិត្យជាដើមក្នុងនោះរបបអាហារ ដែលមិនមានសុខភាពល្អក៏ជាមូលហេតុមួយ ដែលធ្វើឲ្យស្បែកមិនមានសុខភាពល្អដែរ។
ខាងក្រោមនេះ ជាអាហារ ១០ ប្រភេទ មានមុខងារពិសេសសម្រាប់ថែរក្សាស្បែកឲ្យមានសុខភាពល្អ៖
១០. គ្រាប់ផ្កាឈូករ័ត្ន
ព្រះអាទិត្យ និងការបំពុលទាំងអស់ នៅខាងក្រៅអាចធ្វើឲ្យខូចស្បែកនិងធ្វើឲ្យអ្នកមើលទៅចាស់ ទទួលទានសារធាតុចិញ្ចឹមដ៏សំខាន់ សម្រាប់ព្យាបាលស្ថានភាពនេះ គឺវីតាមីនE ដែលមាននៅក្នុងគ្រាប់ផ្កាឈូករ័ត្នគឺជាអាហារមួយក្នុងចំណោមអាហារដែលសម្បូរទៅដោយវីតាមីន E។
សារធាតុចិញ្ចឹមនេះ ប្រឆាំងនឹងការខូចខាតកោសិកា ដែលបណ្តាលមកពីរ៉ាឌីកាល់សេរីនិងពន្លឺព្រះអាទិត្យ លើសពីនេះ លក្ខណៈសម្បត្តិប្រឆាំងនឹងការរលាក និងប្រឆាំងនឹងបាក់តេរីនៃគ្រាប់ផ្កាឈូករ័ត្ន ជួយឱ្យស្បែករបស់អ្នកមានសុខភាពល្អនិងស្រស់ស្អាត។
៩. ដំឡូងជ្វា
ដំឡូងជ្វាសម្បូរទៅដោយសារធាតុ Beta-carotene ដែលជាសារធាតុពណ៌ធម្មជាតិ ដែលមាននៅលើរុក្ខជាតិហើយស្បែកភ្លឺថ្លា គឺជាអត្ថប្រយោជន៍មួយ ក្នុងចំណោមអត្ថប្រយោជន៍ជាច្រើន នៃសារធាតុចិញ្ចឹមនេះដោយវាដើរតួជាខែលការពារកាំរស្មី UV ដែលបង្កគ្រោះថ្នាក់នោះគឺជាការខូចខាតកោសិកា និងភាពស្ងួតដែលបណ្តាលមកពីពន្លឺកាំរស្មីយូវី ដូច្នេះស្បែករបស់អ្នកនៅតែក្មេងនិងស្រស់ស្អាត។
៨. Sardines
Sardines ប្រហែលជាអាហារដ៏ល្អបំផុត ដែលធានាបាននូវស្បែកភ្លឺថ្លាក្នុងរយៈពេលដ៏ខ្លីដោយត្រីប្រភេទនេះ គឺជាប្រភពដ៏អស្ចារ្យនៃអាស៊ីតខ្លាញ់Omega 3 ដែលមានសុខភាពល្អ វាលើកកម្ពស់សុខភាពស្បែករបស់អ្នក សារធាតុចិញ្ចឹមនៅក្នុងត្រីនេះ ក៏ជួយកាត់បន្ថយការរលាកស្បែកផងដែរ។
៧. សូកូឡាខ្មៅ
មានអត្ថប្រយោជន៍រាប់មិនអស់ ដែលអ្នកទទួលបាន ដោយការបន្ថែមសូកូឡាខ្មៅទៅក្នុងរបបអាហារប្រចាំថ្ងៃរបស់អ្នកព្រោះសូកូឡាខ្មៅជួយឲ្យស្បែកភ្លឺរលោង មានសុខភាពល្អ សម្បូរទៅដោយសារធាតុប្រឆាំងអុកស៊ីតកម្មវារក្សាស្បែករបស់អ្នក ពីការខូចខាតដែលបណ្តាលមកពីរ៉ាឌីកាល់សេរី និងមានសារធាតុប្រឆាំងអុកស៊ីតកម្ម ជួយកម្ចាត់កោសិកាស្បែកដែលងាប់និងធ្វើឲ្យស្បែកសស្អាតផងដែរ។
ការការពារពីពន្លឺព្រះអាទិត្យដែលបង្កគ្រោះថ្នាក់ គឺជាអត្ថប្រយោជន៍ដ៏អស្ចារ្យមួយទៀត នៃការទទួលទានសូកូឡាខ្មៅជាប្រចាំដោយសារធាតុចិញ្ចឹមពីសូកូឡាខ្មៅ ផ្តល់ការការពារប្រឆាំងនឹងកាំរស្មី UV។
៦. គ្រាប់ធញ្ញជាតិ
ពន្លឺព្រះអាទិត្យ និងរ៉ាឌីកាល់សេរី គឺជាមូលហេតុចម្បង នៃការខូចខាតកោសិកានៅក្នុងស្បែករបស់អ្នកវានាំឲ្យមានស្នាមជ្រីវជ្រួញ និងមើលទៅចាស់ជាងវ័យ មានវីតាមីន E គឺជាសារធាតុចិញ្ចឹមចាំបាច់ ដើម្បីប្រឆាំងនឹងលក្ខខណ្ឌនេះ ដូច្នេះការទទួលទានអាហារប្រភេទគ្រាប់ធញ្ញជាតិគឺជាប្រភពដ៏អស្ចារ្យនៃវីតាមីនE ក្រៅពីនេះក៏មានថាមពលក្នុងការព្យាបាលការរលាកស្បែកនិងបញ្ហាស្បែកមួយចំនួនទៀត។
៥. ត្រីធូណា
ភាពជ្រីវជ្រួញ និងភាពចាស់មុនអាយុ គឺជាបញ្ហាស្បែកដែលមនុស្សជាច្រើនប្រឈមមុខមូលហេតុចម្បងនៃបញ្ហាទាំងនេះគឺ រ៉ាឌីកាល់សេរី ក្រៅពីនេះវីតាមីន E សារធាតុចិញ្ចឹមដែលជួយរាងកាយក្នុងការប្រយុទ្ធប្រឆាំងនឹងរ៉ាឌីកាល់សេរីគឺសេលេញ៉ូម សូមញ៉ាំត្រីធូណាគឺជាប្រភពដ៏ល្អនៃសេលេញ៉ូម ព្រោះការមានត្រីធូណាក្នុងបរិមាណគ្រប់គ្រាន់ជួយឲ្យស្បែកអ្នកមើលទៅក្មេងជាងវ័យជាមួយគ្នានេះដែរ អាស៊ីតខ្លាញ់ Omega 3 ដែលមានសុខភាពល្អនៅក្នុងត្រីធូណា ក៏ផ្តល់សំណើមដល់ស្បែករបស់អ្នកផងដែរ។
៤. ក្រូច
អ្នកភាគច្រើនដឹងហើយថា ការទទួលទានទឹកក្រូចមួយកែវ ក្នុងមួយថ្ងៃ អាចធ្វើឲ្យស្បែកមុខប្រសើរឡើងលើសពីនេះអត្ថប្រយោជន៍សម្រាប់ស្បែករបស់អ្នកពីផ្លែឈើដ៏អស្ចារ្យនេះមានផ្ដល់សារធាតុចិញ្ចឹមនិងប្រេងនៅក្នុងក្រូចអាចផ្តល់សំណើមដល់ស្បែករបស់អ្នក ព្រោះទឹកក្រូចក៏ជាប្រភពដ៏អស្ចារ្យនៃវីតាមីនC វាជួយពង្រឹងដល់ការអភិវឌ្ឍនៃកូឡាជែនដែលជាផ្នែករចនាសម្ព័ន្ធនៃស្បែករបស់អ្នក ធ្វើឲ្យស្បែកមើលទៅរលោង និងក្មេងជាងវ័យហើយការទទួលទានផ្លែក្រូចជារៀងរាល់ថ្ងៃក៏អាចរក្សាស្បែករបស់អ្នកមិនឲ្យមានស្នាមជ្រួញដែរ។
៣. ផ្លែប៊ឺរី
ផ្លែប៊ឺរីគឺពោរពេញទៅដោយអាស៊ីតខ្លាញ់សំខាន់ៗ ដែលរក្សាស្បែករបស់អ្នកឲ្យមានសំណើមនិងមានសុខភាពល្អ ហើយវីតាមីន C គឺជាសារធាតុចិញ្ចឹមដ៏សំខាន់មួយទៀត ដែលមាននៅក្នុងផ្លែប៊ឺរីដែលជាសារធាតុប្រឆាំងអុកស៊ីតកម្មដែលមានសារៈសំខាន់សម្រាប់រាងកាយរបស់អ្នក វាជួយកាត់បន្ថយឱកាសនៃការកើតស្នាមជ្រួញលើស្បែករបស់អ្នកប្រឆាំងនឹងរ៉ាឌីកាល់សេរី ទន្ទឹមនឹងនោះ ការទទួលទានផ្លែប៊ឺរីក៏បង្កើនការផលិតកូឡាជែន ដែលជាប្រូតេអ៊ីនដ៏សំខាន់នៅក្នុងស្បែកមនុស្សផងដែរ។
២. ផ្លែបឺរ
ការការពារពីពន្លឺព្រះអាទិត្យមានសារៈសំខាន់ណាស់សម្រាប់សុខភាពស្បែកហើយខ្លាញ់ដែលមានសុខភាពល្អនៅក្នុងផ្លែបឺរ អាចដើរតួជាខែលការពារប្រឆាំងនឹងការខូចខាតកោសិកាដែលបណ្តាលមកពីពន្លឺព្រះអាទិត្យជួយរក្សាស្បែករបស់អ្នកឲ្យមានសំណើម ដោយវត្តមាននៃវីតាមីន E សារធាតុប្រឆាំងអុកស៊ីតកម្មដ៏អស្ចារ្យ ក៏ជួយការពារស្បែកពីរ៉ាឌីកាល់សេរីផងដែរហើយក្នុងនាមជាប្រភពដ៏អស្ចារ្យនៃសារធាតុប្រឆាំងអុកស៊ីតកម្ម ផ្លែបឺរមានថាមពលក្នុងការធ្វើឲ្យស្បែករបស់អ្នកមើលទៅក្មេងជាងវ័យ ដោយព្យាបាលស្នាមជ្រួញ។
១. ផ្លែល្ហុង
ម៉ាសបិទមុខផ្លែល្ហុងមានប្រជាប្រិយភាពខ្លាំងក្នុងការព្យាបាលមុខវាជាដំណោះស្រាយដ៏ល្អមួយក្នុងការលុបបំបាត់រង្វង់ខ្មៅស្រអាប់ និងធ្វើឲ្យមុខភ្លឺថ្លាមិនត្រឹមតែម៉ាសមុខប៉ុណ្ណោះទេ ប៉ុន្តែការទទួលទានផ្លែល្ហុងក៏អាចផ្តល់អត្ថប្រយោជន៍ដល់ស្បែករបស់អ្នកផងដែរផ្លែល្ហុងមានផ្ទុកនូវសារធាតុប្រឆាំងអុកស៊ីតកម្មខ្ពស់ វាធានានូវភាពក្មេងជាងវ័យនៃស្បែករបស់អ្នកដោយការព្យាបាលស្នាមជ្រួញនិងការខូចខាតកោសិកាផ្សេងទៀត។
សម្រាប់ស្បែកដែលមានសុខភាពល្អ វាចាំបាច់ក្នុងការរក្សាវាឲ្យមានសំណើមបរិមាណទឹកខ្ពស់នៃផ្លែល្ហុងអាចធានាបាន នោះហើយជាមូលហេតុដែលវាជាអាហារដ៏ល្អបំផុតមួយ ដើម្បីបន្ថែមទៅក្នុងរបបអាហារប្រចាំថ្ងៃរបស់អ្នក៕
ប្រភព ៖ Themysteriousworld