បរាជ័យរឿងស្នេហា និងមិនអាចរកឃើញស្នេហ៍ពិត អាចមកពី ៦យ៉ាងនេះ!
យល់ដឹង៖ តើអ្នកជាមនុស្សម្នាក់ ក្នុងចំណោមមនុស្សជាច្រើន ដែលជឿថា ស្នេហា ពិតជាពិបាករកមែនទេ? ជាការពិត មនុស្សជាច្រើន មានការពិបាកក្នុងការស្វែងរកស្នេហាពិត ហើយពេលខ្លះវាធ្វើឲ្យពួកគេឆ្ងល់ថាហេតុអ្វី? ប្រសិនបើអ្នកស្ថិតក្នុងស្ថានភាពនេះ ការកំណត់អត្តសញ្ញាណមូលហេតុខាងក្រោម អាចជួយអ្នកស្វែងរកបញ្ហាពិតប្រាកដបាន។
ទាំងនេះជា ហេតុផល ៦ យ៉ាង ដែលធ្វើឲ្យអ្នកតែងតែបរាជ័យក្នុងរឿងស្នេហា និងមិនអាចរកឃើញស្នេហ៍ពិត៖
១.ដេញតាមមនុស្សខុស
អ្នកនៅលីវខ្លះ មិនអាចរកស្នេហ៍ពិតបានទេ ព្រោះគេតែងតែដើរតាមក្រោយមនុស្សខុស។ ពួកគេស្វែងរកនរណាម្នាក់ដែលពួកគេគិតថា អាចជួយពួកគេជាមួយនឹងបញ្ហាដែលមិនអាចដោះស្រាយបាន។ ពួកគេក៏អាចដេញតាមមនុស្សដែលគ្មានអារម្មណ៍ចំពោះពួកគេផងដែរ។ នៅពេលរឿងនេះកើតឡើង មនុស្សមានទំនោរនឹងបន្តព្យាយាម និងធ្វើអ្វីៗដែលពួកគេអាចធ្វើបានដើម្បីធ្វើឲ្យភាគីម្ខាងទៀតចាប់អារម្មណ៍ពួកគេ។ ទោះជាយ៉ាងណាក៏ដោយ ជម្រើសដ៏ឈ្លាសវៃនាពេលនេះ គឺការបោះបង់ចោល និងអនុញ្ញាតឲ្យខ្លួនអ្នក ជួបនរណាម្នាក់ដែលពិតជាចង់នៅជាមួយអ្នក។
២.អ្នកគិតថា គ្មាននរណាម្នាក់ល្អគ្រប់គ្រាន់
ខណៈពេលដែលការមានការគោរពខ្លួនឯងខ្ពស់គឺជារឿងល្អ តែវាក៏អាចក្លាយជាបញ្ហាផងដែរ។ ការគោរពខ្លួនឯងខ្ពស់របស់អ្នកអាចនាំឲ្យអ្នកជឿថាគ្មាននរណាម្នាក់ល្អគ្រប់គ្រាន់ដើម្បីនៅជាមួយអ្នកនោះទេ។ អ្នកមិនអាចសន្មតថាអ្នកល្អជាងអ្នកដទៃនោះទេ។ បើអ្នកគឺជាមនុស្សអស្ចារ្យ អ្នកដទៃក៏ដូចគ្នាដែរ។ បើកចិត្តដើម្បីជួបមនុស្សថ្មី និងស្វែងរកថាពួកគេជានរណា។
៣.តើអ្នកផ្តោតលើអាជីពរបស់អ្នកជំនួសឲ្យទំនាក់ទំនងស្នេហារបស់អ្នកទេ?
ប្រសិនបើអ្នកផ្តោតលើអាជីពរបស់អ្នកច្រើនពេក ឱកាសដែលអ្នកនឹងមានការលំបាកក្នុងការស្វែងរកស្នេហាពិត។ ស្ថានភាពនេះមិនអាក្រក់ទេ ដរាបណាអ្នកសប្បាយចិត្ត។ ប្រសិនបើរឿងស្នេហាបច្ចុប្បន្នគ្មានកន្លែងក្នុងចិត្តទេ ចូរបន្តធ្វើផ្លូវឡើងទៅ។ ទោះជាយ៉ាងណាក៏ដោយ ប្រសិនបើអ្នកពិតជាចង់មានទំនាក់ទំនងស្នេហា អ្នកនឹងត្រូវស្វែងរកតុល្យភាពរវាងការងារ និងជីវិតផ្ទាល់ខ្លួន។
៤.អ្នកនៅតែមិនភ្លេចអតីត
បើអ្នកមិនអាចរកស្នេហ៍ពិតបានទេ វាអាចមកពីអ្នកមិនទាន់ភ្លេចសង្សារចាស់ ឬអ្នកប្រហែលជាមិនដឹង ឬសូម្បីតែឈប់គិតពីពួកគេតាំងពីដំបូង។ ទោះជាយ៉ាងណាក៏ដោយ ដោយមិនដឹងខ្លួន អ្នកអាចប្រៀបធៀបគំរូ និងអាកប្បកិរិយា រក្សាការចងចាំពិសេស ឬសង្ឃឹមថា នឹងត្រលប់មកវិញជាមួយអតីត។ ត្រូវរឹងមាំគ្រប់គ្រាន់ដើម្បីបោះបង់ចោលអតីតកាល ដូច្នេះអ្នកអាចបន្តទៅរកទំនាក់ទំនងដែលមានសុខភាពល្អនាពេលអនាគត។
៥.អ្នកជាមនុស្សរើសពេក
វាមិនអីទេក្នុងការមានស្តង់ដារក្នុងការជ្រើសរើសដៃគូរបស់អ្នក ប៉ុន្តែវាមិនចាំបាច់ត្រូវមានភាពច្របូកច្របល់ពេកនោះទេ។ អ្នកត្រូវប្រាកដថាស្តង់ដារដែលអ្នកត្រូវការបែបណា? អ្នកអាចនឹងជួបមនុស្សដ៏អស្ចារ្យម្នាក់ ដែលមិនមែនជាស្តង់ដារមនុស្សដែលអ្នកចង់បាន។ ប្រសិនបើអ្នកបោះបង់ចោលដៃគូរបស់អ្នកដោយសារតែពួកគេមិនទទួលបានពិន្ទុទាំង ១០ នៅក្នុងបញ្ជីស្តង់ដាររបស់អ្នក នោះអ្នកអាចនឹងបាត់បង់ស្នេហាពិត។ ការរើសពេកនាំឲ្យអ្នកបិទខ្លួនឯង ជាមួយភាពខកបំណងជារឿយៗ។
៦.អ្នកមិនចេះផ្តល់ឱកាសឲ្យខ្លួនឯងទេ
នៅពេលដែលអ្នកចង់ស្វែងរកស្នេហាពិត អ្នកត្រូវតែបង្ហាញខ្លួនអ្នកទៅកាន់ពិភពខាងក្រៅ ដើម្បីជួបមនុស្ស។ អ្នកនឹងមិនអាចរកអ្វីឃើញបានទេ ប្រសិនបើអ្នកគ្រាន់តែអង្គុយនៅផ្ទះ ចៀសវាងការធ្វើសកម្មភាពក្នុងសង្គម។ ដាក់ខ្លួនអ្នកនៅក្នុងស្ថានភាពដែលអនុញ្ញាតឲ្យអ្នកជួបមនុស្សថ្មី ដែលមានចំណាប់អារម្មណ៍ស្រដៀងគ្នា។ ប្រសិនបើអ្នកគិតថាវាដល់ពេលហើយ សម្រាប់ទំនាក់ទំនងស្នេហាដ៏ស្មោះស្ម័គ្រ ចូររកឲ្យឃើញនូវអ្វីដែលកំពុងរារាំងអ្នក។ នៅពេលដែលអ្នកដឹងថា ហេតុអ្វីបានជាអ្នកមិនអាចស្វែងរកស្នេហាពិត អ្នកអាចដោះស្រាយបញ្ហា ធ្វើឲ្យជីវិតរបស់អ្នកកាន់តែប្រសើរឡើង។
ប្រភព៖ kenh14