យល់ដឹង៖ ពិតណាស់ ស្បែកមុខរបស់មនុស្សយើង ឲ្យតែដល់អាយុពេញវ័យ មិនថាស្រីឬប្រុស សុទ្ធតែងាយប្រឈមជាមួយបញ្ហាកើតមុន។ ជាមួយគ្នានេះ នៅពេលដែលមុនវាបានកើតឡើងលើផ្ទៃមុខ ឬដងខ្លួន ពួកគេតែងតែជ្រើសយកការញេចដោយខ្លួនឯង ដោយមិនបានគិតដល់ថា វាអាចបង្ករជាស្នាមទៅថ្ងៃក្រោយ។
តើធ្វើដូចម្តេចដើម្បីកម្ចាត់មុនដោយសុវត្ថិភាព?
ដូច្នេះ គន្លឹះខាងក្រោមនេះ នឹងជួយអ្នកកម្ចាត់មុននៅផ្ទះដោយខ្លួនបានយ៉ាងឆាប់រហ័ស ដោយមិនបង្កការឆ្លងមេរោគ និងបន្សល់ស្លាកស្នាមសម្រាប់ស្បែកនោះឡើយ៕
១.ច្របាច់យកតែកន្លែងកើតមុនដោយសុវត្ថិភាព
យោងតាមគ្រូពេទ្យជំនាញខាងសើស្បែក អ្នកគួរតែច្របាច់តែមុនខ្ទុះដែលដុះលើស្បែក ឬកន្លែងដែលមានខ្ទុះ ព្រោះវាមានភាពផុយស្រួយខ្លាំងនៅពេលគ្រាន់តែច្របាច់ពីខាងក្រៅ។ លើសពីនេះទៅទៀត អ្នកមិនគួរច្របាច់មុនខ្ទុះដែលមានពណ៌ក្រហម រឹង និងមិនពេញឡើយ។ ស្នាមមុនទាំងនេះមានទីតាំងនៅជ្រៅក្រោមស្បែក ហើយដើម្បីច្របាច់វា អ្នកត្រូវការកម្លាំងខ្លាំង ដែលបង្កើនហានិភ័យនៃស្លាកស្នាម។ ក្រៅពីនេះ អ្នកជំនាញក៏បានណែនាំឲ្យអ្នកចៀសវាងការច្របាច់មុនលើថ្ពាល់ និងជុំវិញច្រមុះ។ នេះមានហានិភ័យខ្ពស់នៃការស្ទះសរសៃឈាមក្នុងខួរក្បាល ដែលអាចបណ្តាលឲ្យបាត់បង់ការមើលឃើញ ឬអាច.ស្លា.ប់បាន។
២.ប្រើកម្លាំងស្រាល
ពេលច្របាច់មុន អ្នកគួរតែប្រើកម្លាំងស្រាលៗ ដើម្បីចៀសវាងស្នាមសង្វារ និងស្បែកឡើងពណ៌។ ប្រសើរជាងនោះ អ្នកគួរប្រើសំឡីពីរដើម សង្កត់ថ្នមៗលើផ្នែកទាំងសងខាងនៃស្នាមមុន រហូតទាល់តែមានស្នាមប្រេះលេចឡើង ឬបែក។ ចំណាំ អ្នកគួរតែច្របាច់រហូតដល់ខ្ទុះបែក ហើយមិនគួរច្របាច់មុនទាំងស្រុង ប្រសិនបើអ្នកឃើញឈាមលេចឡើង។
៣.រក្សាអនាម័យ
មុននឹងច្របាច់ ត្រូវប្រាកដថាស្បែក ម្រាមដៃ និងដៃច្របាច់ត្រូវ បានសម្អាតយ៉ាងស្អាត។ បើតាមលោកវេជ្ជបណ្ឌិត ឡាល់ អ្នកគួរតែប្រើជាតិអាល់កុលបន្តិច ដើម្បីជូតលើកន្លែងកើតមុន មុននឹងច្របាច់ ដើម្បីលាងសម្អាតស្បែកថ្នមៗ ក៏ដូចជាចៀសវាងការឆ្លងមេរោគផងដែរ។
៤.ការថែទាំត្រឹមត្រូវបន្ទាប់ពីច្របាច់មុន
ការកើតមុនមានន័យថា អ្នកបានបន្សល់ទុកស្នាមរបួសចំហលើស្បែករបស់អ្នក។ ដូច្នេះហើយ ប្រសិនបើអ្នកមិនថែរក្សាស្បែកឲ្យបានត្រឹមត្រូវ នោះអ្នកនឹងនៅសល់ស្លាកស្នាម ឬការឆ្លងមេរោគជាមិនខាន។ យោងតាមលោកវេជ្ជបណ្ឌិត ឡាល់ អ្នកគួរតែប្រើបំណះអ៊ីដ្រូខូឡូអ៊ីដ ឬថ្នាំលាបមុន ដើម្បីការពារបាក់តេរីមិនឲ្យចូលទៅក្នុងមុខរបួស ជួយឲ្យមុនឆាប់ជាសះស្បើយ និងកាត់បន្ថយហានិភ័យនៃស្លាកស្នាម និងស្នាមអុចខ្មៅ។
ប្រភព៖ kenh14