គន្លឹះងាយៗ នៅផ្ទះស្រួល មិនខ្វល់រឿងធាត់ ឬឡើងទម្ងន់!
យល់ដឹង ៖ អ្នកនៅផ្ទះហើយញ៉ាំអ្វីក៏បានដែរ ជាមួយគ្នានោះបើនៅផ្ទះមិនបានទៅណា វាអាចនឹងធ្វើឲ្យទម្ងន់របស់យើងនឹងកើនឡើងមួយរំពេច ហើយសមាមាត្រនៃរាងកាយនឹងរីកធំខូចរាង។ ដូច្នេះអ្នកណាដែលមិនចង់ធាត់ពេលនៅផ្ទះ តោះ ជួយខ្លួនឯងជាមួយអ្វីដែលយើងគួរធ្វើតាមរយៈគន្លឹះងាយៗ នៅផ្ទះស្រួល មិនខ្វល់រឿងធាត់ ឬឡើងទម្ងន់។
១. កាត់បន្ថយម្សៅ កាត់បន្ថយជាតិស្ករ
បន្ថែមពីលើអាហារសំខាន់ៗ ដែលយើងគួរទទួលទាន ក្នុងអំឡុងពេលរាងកាយមិនប្រើថាមពលច្រើនទេយើងគួរជ្រើសរើសញ៉ាំច្រើនជាង ដោយកាត់បន្ថយការប្រើប្រាស់ស្ករ និងម្សៅ ហើយប្តូរទៅជាម្សៅចម្រាញ់ដូចជាអង្ករសម្រូបឬនំបុ័ងស្រូវសាលីជំនួសវិញ។ អ្វីដែលសំខាន់ គឺព្យាយាមចៀសវាងភេសជ្ជៈមានជាតិស្ករគ្រប់ប្រភេទប្រសិនបើអ្នកចង់ធ្វើឲ្យរាងកាយរបស់អ្នកស្រស់ស្រាយ សាកល្បងផឹកទឹកឃ្មុំក្រូចឆ្មា ឬទឹកដូងជំនួសវិញ។
២. ផ្តោតលើប្រូតេអ៊ីន
អាហារនីមួយៗរបស់យើងគួរតែមានប្រូតេអ៊ីនល្អដូចជាស៊ុត ត្រី មាន់ សណ្តែក តៅហ៊ូ ព្រោះប្រូតេអ៊ីននឹងជួយឲ្យអ្នកមានអារម្មណ៍ឆ្អែតបានយូរ។កាត់បន្ថយការឃ្លានអាហារសម្រន់ សំខាន់ជាងនេះទៅទៀត ប្រូតេអីនក៏ជាសារធាតុចិញ្ចឹមដែលល្អសម្រាប់ការកសាងសាច់ដុំផងដែរ។
៣. ផ្លែឈើ និងបន្លែមិនគួរខ្វះទេ
រាល់អាហារត្រូវតែរួមបញ្ចូលយ៉ាងហោចណាស់ពាក់កណ្តាលនៃបរិមាណបន្លែដែលអ្នកញ៉ាំដើម្បីឲ្យរាងកាយទទួលបានជាតិសរសៃអាហារគ្រប់គ្រាន់។ជាតិសរសៃអាហារពីបន្លែ និងផ្លែឈើនឹងជួយឲ្យអ្នកមានអារម្មណ៍ឆ្អែតលឿន ហើយវាល្អប្រសិនបើអ្នកជ្រើសរើសទទួលទានផ្លែឈើដែលមានជាតិស្ករតិចដូចជាផ្លែប៉ោម ផ្លែត្របែក ផ្លែស្រកានាគ ម្នាស់ជាដើម។
៤. ញ៉ាំឲ្យទៀងពេល
នៅផ្ទះគ្រប់ពេល មិនមានន័យថាអ្នកត្រូវញ៉ាំគ្រប់ពេលនោះទេ សូមរំលឹកខ្លួនឯងបន្តិចថាអ្នកគួរតែបរិភោគអាហារសំខាន់ៗ ត្រង់តាមពេលវេលា ដោយផ្តោតលើអាហារសម្រន់ដែលមានកាឡូរីទាបញ៉ាំហើយមិនធាត់។
៥. ញ៉ាំយឺតៗ ហើយទំពារឲ្យបានហ្មត់
ចូរចាំថា អ្នកញ៉ាំលឿន លេបកាន់តែលឿន អាហារកាន់តែច្រើន អ្នកអាចញ៉ាំបានដូច្នេះត្រូវបង្ហាត់ខ្លួនឯងឲ្យទំពាយឺតៗ ទំពាឲ្យបានហ្មត់។ អាហារមួយម៉ាត់គួរទំពា១៥-២៥ ដងមុននឹងទទួលទានថ្មី ព្រោះការទំពារអាហារនឹងជួយផ្តល់សញ្ញាឲ្យខួរក្បាលស្គាល់រសជាតិនិងបរិមាណអាហារដែលបរិភោគ ធ្វើឲ្យអ្នកមានអារម្មណ៍ឆ្អែតលឿនជាងការទំពារអាហារមិនហ្មត់។
៦. ផ្លាស់ទីរាងកាយរបស់អ្នកឲ្យបានញឹកញាប់។
ថាតើត្រូវក្រោកឡើងដើម្បីយកទឹក ចូលបន្ទប់ទឹក រៀបចំរបស់របរ រាល់ចលនាស្មើនឹងការហាត់ប្រាណ។នៅពេលដែលអ្នកមានពេលទំនេរ សាកល្បងរៀបចំផ្ទះ សម្អាតផ្ទះ ធ្វើសួនច្បារ ឬអ្វីមួយឲ្យរាងកាយរបស់អ្នកអាចធ្វើចលនាបានញឹកញាប់ដើម្បីកុំឲ្យខ្លាញ់ច្រើនកកកុញ។
៧. ធ្វើលំហាត់ប្រាណឲ្យបានទៀងទាត់
លំហាត់ប្រាណ Cardio ដូចជា លោតខ្សែពួររត់លើម៉ាស៊ីនហាត់ប្រាណ ជិះកង់ ឬអ្នកអាចផ្តោតលើការកសាងសាច់ដុំដោយប្រើវិធី រុញ និងអង្គុយឬអ្នកអាចធ្វើអ្វីដែលអ្នកចង់បាន ប៉ុន្តែសូមហាត់ប្រាណឲ្យបានទៀងទាត់គឺគ្រប់គ្រាន់ហើយ។
៨. គេងឲ្យបានគ្រប់គ្រាន់
ការនៅយប់ជ្រៅនឹងផ្តល់ឱកាសបន្ថែមទៀតក្នុងការញ៉ាំអាហារពេលយប់ហើយនៅពេលដែលរាងកាយសម្រាកមិនបានគ្រប់គ្រាន់ អ័រម៉ូននឹងទាមទារអាហារកាន់តែខ្លាំង នៅព្រឹកបន្ទាប់នឹងមានអារម្មណ៍ចង់ផ្អែមជាងធម្មតានោះគឺជាការចាប់ផ្តើមនៃភាពធាត់ដែលនៅជិតយើងបំផុត។
៩. កុំខូចសតិ
ការលត់ដំខ្លួនឯងជាចំណុចសំខាន់ក្នុងការរក្សារាងឲ្យបានល្អដូច្នេះព្យាយាមធ្វើឲ្យចិត្ត បេះដូងរបស់អ្នករស់នៅជាមួយនឹងការព្យាបាលដ៏គួរឲ្យទាក់ទាញពេលនៅផ្ទះ។សូមរំលឹកខ្លួនឯងថា យើងត្រូវតែរក្សាអារម្មណ៍ឲ្យល្អ ធ្វើចិត្តឲ្យសប្បាយ នោះអ្នកនឹងអាចរក្សារាងបានល្អផងដែរ៕
ប្រភព ៖ Kapook