មនុស្សស្រី មាន ៤ យ៉ាងនេះ ធ្វើឲ្យបុរសលង់ស្នេហ៍ បានដោយងាយ!
យល់ដឹង៖ មនុស្សជាច្រើននិយាយថា ដរាបណាមនុស្សស្រីមានភាពទាក់ទាញ បុរសនឹងបាក់ចិត្តលើពួកគេ។ ទោះជាយ៉ាងណាក៏ដោយ តាមការពិត ពេលខ្លះការចាប់អារម្មណ៍លើដួងចិត្តខាងក្នុង និងវិធីដែលអ្នកគិត និងអាកប្បកិរិយា ក៏មានឥទ្ធិពលខ្លាំងជាងផងដែរ។
ជាមួយគ្នានេះ បន្ថែមពីលើការធ្វើឲ្យរូបរាងមានភាពទាក់ទាញ បង្កើនតម្លៃខ្លួនឯង ការបណ្តុះបណ្តាលខ្លួនឯង ក៏ជាមធ្យោបាយសម្រាប់ស្ត្រីឆ្លាត ក្នុងការទាក់ទាញអ្នកដទៃឲ្យបាក់ចិត្តលើពួកគេបានដូចគ្នា។ ដូច្នេះ ក្នុងជីវិតមនុស្សស្រី បើមានលក្ខណៈ ៤ យ៉ាងដូចខាងក្រោម គឺងាយធ្វើឲ្យបុរសធ្លាក់ក្នុងអន្លង់ស្នេហ៍ ស្រលាញ់រហូត៕
១.ស្ត្រីដែលចេះផ្គាប់ចិត្តខ្លួនឯង
ស្ត្រីដែលស្រស់ស្អាត មានទំនាក់ទំនងល្អ ប៉ុន្តែមិនមែនទាំងអស់នោះទេ។ ចំណង់ចំណូលចិត្តរបស់អ្នករាល់គ្នា គឺខុសគ្នា ខ្លះចូលចិត្តស្ទីលមួយនេះ ឬខ្លះចូលចិត្តស្ទីលផ្សេង។ រឿងមួយដែលធ្វើឲ្យមនុស្សស្រីកាន់តែមានភាពទាក់ទាញនោះ គឺនាងចេះធ្វើឲ្យខ្លួនឯងពេញចិត្តនូវអ្វីដែលនាងមាន។ នាងចូលចិត្តស្ទីលតែងខ្លួនបែបរលុង ដូច្នេះនាងមិនខ្លាចបង្ហាញវាចេញឡើយ។ នាងចង់លាបពណ៌សក់ខ្លីពណ៌ផ្កាឈូក នាងនឹងធ្វើវាភ្លាមៗ។ ការបណ្ដោយខ្លួនដោយសេរីនិងផាសុកភាពនឹងបង្កើតការទាក់ទាញសម្រាប់មនុស្សជាច្រើន។ មានមនុស្សស្រីខ្លះ មានចរិតអៀនខ្មាស ចង់ តែមិនហ៊ានសូម្បីតែនិយាយ។ នោះធ្វើឲ្យខ្លួនឯងមិនសូវទាក់ទាញ។ ដូច្នេះ មុននឹងអ្នកព្យាយាមផ្គាប់ចិត្តអ្នកណាម្នាក់ សូមងាកមកផ្គាប់ចិត្តខ្លួនឯងសិន។ ប្រសិនបើអ្នកមានផាសុកភាពជាមួយខ្លួនអ្នក ថាមពលដែលអ្នកបញ្ចេញមក ក៏មានភាពទាក់ទាញខ្លាំងផងដែរ។
២.ដឹងពីរបៀបនិយាយអំពីប្រធានបទ ដែលបុរសចាប់អារម្មណ៍
អតីតប្រធានាធិបតីអាមេរិក Roosevelt ធ្លាប់បាននិយាយថា «នៅពេលអ្នកនិយាយអំពីអ្វីដែលអ្នកដទៃចាប់អារម្មណ៍ ការទំនាក់ទំនងរបស់អ្នកនឹងទទួលបានជោគជ័យ»។ ការប្រាស្រ័យទាក់ទង គឺជាជំហានដំបូងក្នុងទំនាក់ទំនង។ វាជាស្ពានរវាងមនុស្ស។ បើគ្មានការប្រាស្រ័យទាក់ទងគ្នាទេ អ្នកនឹងមិនអាចផ្សះផ្សាជាមួយនរណាម្នាក់បានទេ។ ស្ត្រីដែលអាចប្រាស្រ័យទាក់ទងជាមួយបុរស និងពិភាក្សាបញ្ហាដែលគាត់ចាប់អារម្មណ៍ ច្រើនតែបញ្ចេញនូវទំនុកចិត្តយ៉ាងខ្លាំង។ វាក៏បង្ហាញឲ្យឃើញថា នាងមានចំណេះដឹង មានបុគ្គលិកលក្ខណៈ និងពិតជាមានតម្លៃក្នុងការស្វែងយល់។ ចំណង់ចំណូលចិត្តរបស់បុរស និងស្ត្រីគឺកម្រដូចគ្នាណាស់។ បុរសតែងតែរំភើបចំពោះមនុស្សស្រីដែលអាចនិយាយដោយសេរីអំពី បាល់ទាត់ ហ្គេម បញ្ហាកីឡា ឬសូម្បីតែកង្វល់របស់បុរសជាដើម។ ប្រសិនបើស្ត្រីអាចចូលរួមបាន នោះនាងពិតជាពិសេសណាស់។ បើការប្រាស្រ័យទាក់ទងគ្នាបានល្អ ក៏ជាមធ្យោបាយសម្រាប់អ្នកទាំងពីរ កាន់តែជិតស្និទ្ធមុននឹងឈានទៅជំហានបន្ទាប់ផងដែរ។
៣.ស្ត្រីម្នាក់ដែលដឹងពីរបៀបដើម្បីសរសើរបុរស
បុរសគ្រប់រូបមានសេចក្តីថ្លៃថ្នូរ និងការគោរពខ្លួនឯងខ្ពស់។ ពួកគេមានភាពរសើប និងចង់បានការទទួលស្គាល់ ជាពិសេសពីភេទផ្ទុយ។ ស្ត្រីដែលដឹងពីរបៀបទទួលស្គាល់សមត្ថភាពរបស់បុរសទាំងក្នុងអាជីព និងក្នុងជីវិត តែងតែធ្វើឲ្យគាត់មានអារម្មណ៍ថា អ្នកជាមនុស្សពិសេស។ វាទាំងពីរឆ្លុះបញ្ចាំងពីភាពវៃឆ្លាតរបស់អ្នក និងបង្ហាញថាអ្នកចេះឥរិយាបថ ចេះវិនិច្ឆ័យសមត្ថភាពរបស់គូប្រជែង។ ជាធម្មតាបុរសម្នាក់នឹងចាប់អារម្មណ៍ចំពោះប្រភេទស្ត្រីដែលមានទស្សនៈសប្បុរសចំពោះអ្នកដទៃ ហើយអាចធ្វើការវិនិច្ឆ័យយ៉ាងជ្រាលជ្រៅ។
៤.ស្ត្រីដែលដឹងពីរបៀបថែរក្សាបុរស
បុរសខ្លាំង ក្លាហាន គ្រប់គ្នាគិតថាខ្លួនជា បុរសខ្លាំងចេះដើរទៅមុខ តែមិនចេះវិនាសនោះទេ។ តែតាមពិតទៅ ពួកគេក៏ជាមនុស្សដែរ ពេលខ្លះខ្សោយកម្លាំង ពេលខ្លះអន់ចិត្ត ហើយចង់ត្រូវបានគេមើលថែពីនរណាម្នាក់។ ស្ត្រីឆ្លាត យល់រឿងនេះ បើគេយកចិត្តទុកដាក់លើអ្នកណាម្នាក់ គេនឹងដឹងពីរបៀបថែទាំ យកចិត្តទុកដាក់ និងសួរគាត់។ ប្រសិនបើក្នុងអំឡុងពេលដែលអ្នកដទៃបាក់ទឹកចិត្ត និងខកចិត្ត មានការយកចិត្តទុកដាក់របស់អ្នក នោះគាត់ប្រាកដជានឹងមានការរំជើបរំជួល។ ទោះបីជាអ្នកទាំងពីរនៅជាមួយគ្នាក៏ដោយ ការយកចិត្តទុកដាក់របស់អ្នកធ្វើឲ្យបុរសដឹងថាពួកគេត្រូវបានគេស្រលាញ់ និងយកចិត្តទុកដាក់។ មនុស្សប្រុសស្ទើរតែត្រូវតែរឹងមាំជានិច្ច ព្រោះពួកគេមានទំនួលខុសត្រូវ ជាច្រើននៅលើស្មារបស់ពួកគេ។ ទោះជាយ៉ាងណាក៏ដោយ គ្រាដ៏ទន់ខ្សោយរបស់ពួកគេ នៅពេលដែលមាននរណាម្នាក់យល់ និងនៅក្បែរពួកគេ ដើម្បីថែរក្សាពួកគេ គឺកាន់តែមានប្រសិទ្ធភាព។
ប្រភព៖ kenh14