ភាពធ្វេសប្រហែសទាំងនេះ នឹងធ្វើឲ្យការសម្រកទម្ងន់បរាជ័យ!
យល់ដឹង ៖ ការសម្រកទម្ងន់ មានកត្តាជាច្រើនដែលនឹងធ្វើឲ្យយើងស្រកទម្ងន់បានយ៉ាងមានប្រសិទ្ធភាពនិងមានផលវិជ្ជមានដល់រាងកាយ អ្នកខ្លះថាវាមិនពិបាកទេ ប្រសិនបើអ្នកមានវិន័យ ប៉ុន្តែប្រសិនបើអ្នកព្យាយាមមានវិន័យជាមួយខ្លួនឯងប៉ុន្តែនៅតែស្រកទម្ងន់នោះវាមិនបានផលទេ នេះអាចមកពីការខ្វះចំណេះដឹងអំពីការសម្រកទម្ងន់ដែលមិនត្រឹមត្រូវ។
ខាងក្រោមនេះជាកំហុស៦យ៉ាងដែលធ្វើឲ្យការសម្រកទម្ងន់បរាជ័យ ៖
១. ហាត់ប្រាណរួចហើយ ញ៉ាំអីក៏ចូល
កំហុសដែលអ្នកហាត់ប្រាណតែងតែមើលរំលងគឺត្រូវគិតថាអ្នកធ្វើលំហាត់ប្រាណដើម្បីដុតបំផ្លាញថាមពលច្រើនក្នុងខ្លួនអាចញ៉ាំតាមចិត្តព្រោះគិតថាមិនឡើងទម្ងន់ លំហាត់ប្រាណ ទោះបីជាវានឹងដុតថាមពលចេញពីរាងកាយច្រើនជាងធម្មតាក៏ដោយប៉ុន្តែប្រសិនបើបរិមាណថាមពលដែលបាត់បង់មិនច្រើនដូចអាហារដែលបានញ៉ាំបន្ទាប់ពីការហាត់ប្រាណចប់វាអនុញ្ញាតឲ្យយើងទទួលបានថាមពលកាន់តែច្រើនពីអាហារ។
២. ផ្តោតលើ Cardio ខ្លាំង
មនុស្សជាច្រើនយល់ថាប្រសិនបើពួកគេចង់ធ្វើលំហាត់ប្រាណដើម្បីសម្រកទម្ងន់គួរតែផ្តោតលើលំហាត់ប្រាណបែប Cardio ដែលជាលំហាត់ប្រាណដែលធ្វើឲ្យបេះដូងមានអារម្មណ៍អស់កម្លាំងដូចជារត់ ហែលទឹក ជិះកង់ជាដើម ប៉ុន្តែតាមពិតការហាត់ប្រាណដែលនឹងជួយសម្រកទម្ងន់បាន និងលឿនជាងគឺទាំងការហាត់ប្រាណ Cardio ហើយការហ្វឹកហាត់ទម្ងន់ដើរទន្ទឹមគ្នាការហ្វឹកហាត់ទម្ងន់ជួយពង្រឹងសាច់ដុំរបស់អ្នកសម្រាប់ការហាត់ប្រាណ Cardio កាន់តែមានប្រសិទ្ធភាព ដូច្នេះ លំហាត់ប្រាណទម្ងន់គឺមានសារៈសំខាន់ស្មើគ្នាសម្រាប់ការសម្រកទម្ងន់។
៣. កាត់បន្ថយតែម្សៅ ស្ករ ប៉ុន្តែមិនកាត់បន្ថយជាតិសូដ្យូម
បន្ថែមពីលើការទទួលទានជាតិសូដ្យូមអាចបណ្តាលឲ្យរាងកាយហើមបរិភោគអាហារដែលមានជាតិសូដ្យូមខ្ពស់វាក៏អាចជាហេតុផលមួយទៀតដែលធ្វើឲ្យយើងស្រកទម្ងន់មិនទទួលបានប្រសិទ្ធភាពដោយសារតែសូដ្យូមធ្វើឲ្យចំណង់អាហារកើនឡើងកាន់តែច្រើន ដូច្នេះ ជំនួសឲ្យការផ្តោតលើការកាត់បន្ថយបរិមាណម្សៅនិងស្ករ ឬកាបូអ៊ីដ្រាត សូមកុំធ្វេសប្រហែសចំពោះរបបអាហារដែលមានជាតិសូដ្យូមខ្ពស់ ព្យាយាមកាត់បន្ថយអាហារប្រៃហឹរ និងខ្លាញ់ខ្ពស់។
៤. គិតពីកាឡូរី ប៉ុន្តែមិនគិតពីគុណភាពអាហារ
មនុស្សជាច្រើនផ្តោតលើចំនួនកាឡូរីជាជាងគុណភាពនៃអាហារដែលពួកគេកំពុងញ៉ាំវាជារឿងសំខាន់ក្នុងការជ្រើសរើសម្សៅ សារធាតុកាបូអ៊ីដ្រាត ដូចជា នំបុ័ងស្រូវសាលីទាំងមូលអង្ករសម្រូបមានលើនំបុ័ស ឬអង្ករស ទោះបីជាចំនួនកាឡូរីប្រហាក់ប្រហែលគ្នាក៏ដោយ ប៉ុន្តែអត្ថប្រយោជន៍គឺខុសគ្នារួមទាំងប្រូតេអ៊ីនល្អគឺសាច់មាន់គ្មានស្បែក ត្រីគ្មានស្បែក ហើយខ្លាញ់ល្អគឺជាខ្លាញ់ដែលមកពីប្រេងអូលីវជាជាងខ្លាញ់សត្វ។
៥. ភ្លេចគិតអំពីបាក់តេរីនៅក្នុងពោះវៀន
តើអ្នកដឹងទេថា មានបាក់តេរីនៅក្នុងពោះវៀនដែលល្អសម្រាប់រាងកាយរបស់យើង? នៅក្នុងមនុស្សស្គមស្គាំងភាគច្រើនមានបាក់តេរីច្រើនជាងមនុស្សធាត់ដូច្នេះហើយ យើងយកចិត្តទុកដាក់លើជម្រើសអាហារដែលបង្កើនចំនួននៃបាក់តេរីដែលស្រកទម្ងន់ ដូចជាអាហារដែលមានជាតិសរសៃខ្ពស់បន្លែ និងគ្រាប់ធញ្ញជាតិ រួមទាំងទឹកដោះគោជូរ គីមឈី ជាដើម។
៦. IF ខុសពេល មិនស័ក្តិសមសម្រាប់ជីវិតអ្នក។
ដល់ពេលធ្វើ IF(Intermittent Fasting) ដែលសមនឹងរបៀបរស់នៅរបស់អ្នក វាជាពេលវេលាដ៏ល្អបំផុតសម្រាប់មនុស្សម្នាក់ៗនេះប្រហែលជាមិនមែនជាពេលវេលាដូចគ្នានោះទេ ពោលគឺប្រសិនបើអ្នកជាអ្នកគេងយប់ជ្រៅ អ្នកអាចជ្រើសរើសរំលងអាហារពេលព្រឹកអាចញ៉ាំបានតែអាហារថ្ងៃត្រង់ និងពេលល្ងាច ឬអ្នកអាចនឹងជាអ្នកក្រោកពីព្រឹកជ្រើសរើសញ៉ាំអាហារពេលព្រឹកនិងអាហារថ្ងៃត្រង់ ហើយតមអាហារពេលល្ងាចជំនួសវិញ ប៉ុន្តែ IF ដែលត្រឹមត្រូវតាមពេលវេលាសមស្របតាមនាឡិកាជីវិតគឺញ៉ាំអាហារពេលព្រឹកនិងអាហារថ្ងៃត្រង់ ហើយតមអាហារពេលល្ងាច៕
ប្រភព ៖ Sanook