យល់ដឹង៖ ពិតណាស់ មនុស្សដែលមានសុភមង្គលបំផុត ពួកគេនឹងមិនត្រូវការអ្វីផ្សេងទៀតដើម្បីមកបំពេញជីវិតរបស់ពួកគេនោះទេ ព្រោះគេមិនមានអារម្មណ៍ថាខ្វះខាតត្រង់ចំណុចណាមួយឡើយ។
ប៉ុន្តែជីវិតប្រចាំថ្ងៃរបស់មនុស្សសាមញ្ញដូចជាយើងទាំងអស់គ្នា ដែលមិនទាន់ទទួលបានក្ដីសុខពេញលេញ មានតម្រូវការផ្សេងទៀត ដែលនៅមានចន្លោះប្រហោងជាច្រើន ដើម្បីបំពេញតម្រូវការផ្លូវអារម្មណ៍របស់យើងផងដែរ។
យ៉ាងណាមិញ ខាងក្រោមនេះគឺជារឿងតូចៗចំនួន ៥ ដែលអាចធ្វើឲ្យយើងមានអារម្មណ៍ថា «ជីវិតគឺមានក្ដីសុខពេញលេញហើយ»៕
១.យកបុគ្គលជោគជ័យណាម្នាក់ ដែលអ្នកកោតសរសើរ និងស្រលាញ់ ធ្វើជា Idol
ថ្វីត្បិតតែមានអ្នកខ្លះយល់ថា ការធ្វើជាអ្នកគាំទ្រ ឬចូលចិត្តអ្នកណាម្នាក់ឲ្យមកធ្វើជា Idol គឺជារឿងមិនសមហេតុសមផល។ ប៉ុន្តែតាមពិតទៅ មនុស្សជាច្រើនពិតជាពូកែរកស៊ីមានបាន រហូតគេក្លាយជា idol ធ្វើជាគំរូ ធ្វើអ្វីដែលអ្នកពិតជាស្រលាញ់។ ព្រោះវាមិនមែនគ្រាន់តែជាការលើកទឹកចិត្តមនុស្សដែលមិនទាន់ជោគជ័យឲ្យរៀនតាមគេប៉ុណ្ណោះទេ ប៉ុន្តែដើម្បីស្រឡាញ់នរណាម្នាក់ យើងចង់ក្លាយជាកំណែដែលប្រសើរជាងខ្លួនយើងបច្ចុប្បន្ន។ ចង់ជោគជ័យបែបនេះទេ? បើអ្នកចង់ រឿងទាំងនេះ វាច្បាស់ជាក្លាយជាកម្លាំងជំរុញចិត្តឲ្យយើងកាន់តែតស៊ូ។
២.ញ៉ាំអាហារណាដែលអ្នកគិតថាចាប់អារម្មណ៍
ការញ៉ាំអាហារតែងតែជារឿងធំ មិនថាក្នុងកាលៈទេសៈណាក៏ដោយ។ មនុស្សមួយចំនួនថែមទាំងសំដៅលើការញ៉ាំអាហារឆ្ងាញ់ៗ ជាវិធីមួយដើម្បីព្យាបាលខ្លួនឯងបន្ទាប់ពីស្ថានភាពស្ត្រេស។ ប៉ុន្តែសម្រាប់មនុស្សជាច្រើន វាមិនតែងតែងាយស្រួលទេ ក្នុងការញ៉ាំអាហារ ត្រូវរៀបឫកពា បែបនេះបែបនោះ ដើម្បីឲ្យមើលទៅសមភ្នែកអ្នកដទៃ។ តែយល់ល្អ អ្នកមិនបាច់ស្មុគស្មាញធ្វើឲ្យឈឺក្បាលនូវរឿងទាំងនោះទេ ចង់ញ៉ាំអី ញ៉ាំតាមសប្បាយ តាមចរិតពិតៗទៅ ព្រោះធ្វើបែបនេះ វាធ្វើឲ្យអារម្មណ៍ពេញចិត្ត និងសប្បាយជាង។
៣.ផ្ដល់អំណោយសម្រាប់ខ្លួនឯង
អំណោយពីអ្នកដទៃ តើមានប៉ុន្មាននាក់ដែលនឹងពេញចិត្តយើង? ព្រោះមនុស្សខ្លះផ្តល់ឲ្យតាមកាលវិភាគ និងឱកាសណាសំខាន់របស់គេប៉ុណ្ណោះ។ ចំណែកយើងវិញក៏ទទួលយកតាមបែបមានសុជីវធម៌ដែរ។ គេមិនខ្វល់ថាយើងចូលចិត្ត ឬអត់ទេ។ ម្យ៉ាងវិញទៀត ការទិញរបស់ពិសេស ដើម្បីជាកាដូដល់ខ្លួនឯង អាចនិយាយបានថា វាមានន័យជាង។ ព្រោះការខិតខំសម្រេចដោយញើសឈាមខ្លួនឯង ចំណាយពេលវេលា ភាពអត់ធ្មត់ និងទេពកោសល្យជាច្រើន ទម្រាំតែអាចទទួលបានវា។ ដូច្នេះ ការទិញកាដូឲ្យខ្លួនឯង វាជាអ្វីដែលគួរឲ្យពេញចិត្ត និងសប្បាយចិត្តបំផុត។
៤.បំពេញចន្លះខ្វះខាតកាលពីអតីត
ជឿថាមនុស្សជាច្រើនតែងតែមានចំណង់តាំងពីកុមារភាព ថាពួកគេចង់បានរបស់នេះ ឬរបស់នោះ ប៉ុន្តែមិនមានលុយទិញវា។ ព្រោះកាលនៅក្មេង យើងគ្មានលុយ។ ប៉ុន្តែរហូតដល់ពេលយើងធំ យើងលុយចាយដោយមិនបាច់សុំអ្នកណា ហើយបេះដូងនៅតែស្រលាញ់ និងនៅតែចូលចិត្ត ឬមានអារម្មណ៍ថាអ្នកចង់បានរបស់នោះ យើងនឹងប្រើលុយដែលរកបានដោយខ្លួនឯងដើម្បីរកទិញវាមកផ្គាប់ក្ដីស្រមៃយើង។ ប៉ុន្តែរបស់ខ្លះ ទោះមានលុយ ក៏មិនអាចរកទិញបានដោយងាយដែរ ព្រោះវាកម្រណាស់។ ប៉ុន្តែប្រសិនបើអ្នកមានលទ្ធភាព អ្នកនឹងចំណាយដើម្បីបំពេញចន្លោះដែលធ្លាប់ខ្វះខាតរបស់អ្នកកាលពីអតីតបាន។
៥.ទៅកន្លែងដែលអ្នកចង់ទៅ
ទៅកន្លែងដែលអ្នកចូលចិត្ត មិនចាំបាច់រង់ចាំនរណាជូនអ្នកទៅ ឬរង់ចាំគិតច្រើនមុនទៅនោះទេ។ ទៅនៅពេលដែលអ្នក នៅតែមានអារម្មណ៍ថាខ្លួនឯង ក៏អាចជូនខ្លួនឯងទៅទីណាដែលអាចធ្វើឲ្យយើងមានអារម្មណ៍ថាយើងសប្បាយចិត្ត។ ចូរចាប់ផ្តើមដោយបង្កើតបញ្ជីកន្លែងដែលអ្នកចង់ទៅក្នុងជីវិតនេះ ហើយបន្ទាប់មករកឱកាសដើម្បីរៀបចំមួយ។ ខ្ញុំធានាថាយើងនឹងមានអារម្មណ៍រំភើប។ ភាពរីករាយ សេចក្តីសប្បុរសដែលអ្នកមិនធ្លាប់មានអារម្មណ៍បែបនេះ ពិតជាល្អសម្រាប់ចិត្តរបស់អ្នក៕
ប្រភព៖ sanook