តោះមកដឹងទំនៀមទម្លាប់ខ្លះៗ ពីការស្លៀកពាក់ឈុតប្រពៃណី Kimono ជប៉ុន!

យល់ដឹង ៖ ជាការពិតណាស់នៅប្រទេសជប៉ុនមានវប្បធម៌អរិយធម៌ជាច្រើន ដែលគួរឲ្យចាប់អារម្មណ៍ មិនថាជាស្ថានីយ៍បុរេប្រវត្តប្រពៃណីនៃការទទួលទានអាហារ ឬពិធីបុណ្យប្រពៃណីធំៗ ជាពិសេសសម្លៀកបំពាក់ ឈុតប្រពៃណី Kimono នេះហាក់ទទួលបានការពេញនិយម គួរឲ្យកត់សម្គាល់ផងដែរ។

គួរបញ្ជាក់ផងដែរថាKimono គឺជាឈ្មោះសម្លៀកបំពាក់ប្រពៃណីផ្លូវការមួយបែបរបស់ជប៉ុន។អាចនិយាយបានថាពេលនេះ នៅតែមានប្រជាជនជប៉ុនមួយចំនួន នៅនិយមស្លៀកពាក់បែបឈុត Kimono រាល់ថ្ងៃ ប៉ុន្តែជាក់ស្ដែងឈុតនេះត្រូវបានគេបម្រុងទុកសម្រាប់ព្រឹត្តិការណ៍ពិសេសៗ ដូចជាពិធីទទួលទានទឹកតែ ឬពិធីមង្គលការ។

មួយវិញទៀតចំពោះឈុតប្រពៃណី Kimono នេះគឺបានទទួលឥទ្ធិពលពីសម្លៀកបំពាក់ប្រពៃណី Hanfu របស់ចិនក្នុងរាជវង្សហាន (Han Dynasty) ក្រោយមក Kimono ក៏បានឆ្លងកាត់ការផ្លាស់ប្តូរជាហូរហែ រហូតដល់សព្វថ្ងៃនេះ៕