ទម្លាប់បែបនេះ ជួយគ្រប់គ្រងអារម្មណ៍ កុំឲ្យគិតច្រើននាំសម្ពាធក្នុងចិត្ត!

June 14, 2022

យល់ដឹង ៖ ពិតណាស់ សុភមង្គលគឺជារបស់ដែលមនុស្សគ្រប់គ្នាចង់បានប៉ុន្តែវាជាការលំបាក ប្រសិនបើមនុស្សមិនរៀបចំផ្នត់គំនិតត្រឹមត្រូវ ដើម្បីរីករាយនឹងរឿងល្អនៅក្នុងពិភពលោកនេះ។មនុស្សជាច្រើន ព្យាយាមពេញមួយជីវិត ប៉ុន្តែមិនដែលរកឃើញសុភមង្គលពិតឡើយ នោះក៏ព្រោះតែពួកគេមិនចេះពេញចិត្តនឹងអ្វីដែលខ្លួនមាន មិនអាចស្វែងរកភាពរីករាយនៅក្នុងអ្វីគ្រប់យ៉ាងដែលនៅជុំវិញខ្លួន។

ទទួលស្គាល់ថាមនុស្សយើងមានរឿងគិតច្រើនក្នុចចិត្តដូចគ្នាទោះចង់ឬមិនចង់ក៏ត្រូវតែគិត ដូច្នេះដើម្បីគេចចេញពីអារម្មណ៍ទាំងនោះរហូតរកសុភមង្គលមិនឃើញដូច្នេះសូមមកធ្វើទម្លាប់ទាំងនេះជួយគ្រប់គ្រងអារម្មណ៍ កុំឲ្យគិតច្រើននាំសម្ពាធក្នុងចិត្ត។

១.សម្រាកផ្លូវចិត្តឲ្យបានច្រើន

នៅពេលអ្នកសម្លឹងមើលរឿងអាក្រក់ ត្អូញត្អែរឬបន្ទោសច្រើនពេក វានឹងធ្វើឲ្យអ្នកមានអារម្មណ៍មិនសប្បាយចិត្ត ដូច្នេះបើចង់ផ្លាស់ប្តូរពិភពលោកត្រូវផ្លាស់ប្តូរខ្លួនឯងជាមុនសិន។ មនុស្សម្នាក់ៗមានគុណសម្បត្តិ និងគុណវិបត្តិរៀងៗខ្លួនហើយមនុស្សឆ្លាតនឹងដឹងពីរបៀបជៀសវាងភាពទន់ខ្សោយ ឬប្រែក្លាយចំណុចខ្សោយទាំងនោះទៅជាចំណុចខ្លាំងរបស់ពួកគេហេតុនេះ ការធ្វើឲ្យចិត្តបានសម្រាកហើយផ្សះផ្សាជាមួយខ្លួនឯង នោះអ្នកនឹងឃើញស្ថានភាពចិត្តធូរស្រាលច្រើនជាង។

២.ឈប់ប្រៀបធៀប

ការប្រៀបធៀបតែងតែជាសភាវគតិរបស់មនុស្សប៉ុន្តែប្រសិនបើយើងភ្ជាប់សារៈសំខាន់ខ្លាំងពេកទៅនឹងការប្រៀបធៀប និងចំណាត់ថ្នាក់ វាគឺជាកត្តាមួយដែលធ្វើឲ្យយើងស្ថិតក្នុងស្ថានភាពអវិជ្ជមានជានិច្ចហើយទុក្ខលំបាកក្នុងជីវិតពេលខ្លះមកពីការប្រៀបធៀបគ្មានន័យទាំងនោះ។ កុំផ្ដោតតែលើការសរសើរពីភាពរុងរឿងនិងភាពជោគជ័យរបស់អ្នកដទៃ តែត្រូវភ្លេចថាអ្នក និងផ្កាកំពុងបញ្ចេញក្លិនក្រអូប។ ចូរចាំថាកុំរារាំងការលូតលាស់របស់ខ្លួនឯង ដោយគ្រាន់តែការប្រៀបធៀបដោយខ្វាក់ភ្នែក នោះអ្នកក៏ពូកែខ្លួនឯងដែរ។

៣.ការគិតវិជ្ជមានបន្ថែមទៀត

ជីវិតគឺតែងតែពោរពេញដោយភាពផ្អែមល្ហែមនិងជូរចត់ ដែលយើងមិនដឹងថាមានអ្វីកំពុងរង់ចាំយើងនៅខាងមុខ។ ទោះយ៉ាងណាក៏ដោយ វាក៏មានរឿងតូចតាចដែលអាចធ្វើឲ្យអ្នកមានអារម្មណ៍ស្រាលជាងមុននិងស្រលាញ់ជីវិតនេះកាន់តែច្រើន។ ជាឧទាហារណ៍ផ្កាតែងតែរីកឆ្ពោះទៅរកព្រះអាទិត្យគ្រាប់ពន្លកពីដី… សុទ្ធតែតំណាងឲ្យជីវិតដ៏ល្អ និងក្តីសង្ឃឹម ចូរយើងរស់នៅដើម្បីឲ្យថ្ងៃនីមួយៗមានភាពអស្ចារ្យនិងសក្តិសមជាមួយនឹងសេចក្តីស្រលាញ់ដែលជីវិតបានផ្តល់ឲ្យយើងម្នាក់ៗ។

៤.ចាប់យកពេលវេលារីករាយ

បេះដូងរបស់មនុស្សគ្រប់រូបប្រៀបដូចពែងមួយពេលដែលស្នេហាពេញកែវនោះ ភាពសោកសៅនឹងលែងមានទៀតហើយ។ ចាប់យកពេលវេលាដែលធ្វើឲ្យអ្នករីករាយនិងមានសុភមង្គលនៅពេលនេះ ហើយអ្នកនឹងដឹងថាសុភមង្គល និងភាពកក់ក្តៅដែលអ្នកធ្លាប់ប្រាថ្នាគឺនៅតែជាកន្លែងដែលនៅជិតអ្នក។

៥. ញញឹមជានិច្ច

ស្នាមញញឹមតែងតែត្រូវបានប្រដូចទៅនឹងផ្កាដ៏ស្រស់ស្អាតបំផុត សើចកាន់តែច្រើន ជីវិតរបស់យើងនឹងកាន់តែភ្លឺស្វាង កាន់តែវិជ្ជមាន ហើយនឹងបញ្ចេញក្លិនក្រអូបកាន់តែច្រើន។ ដូច្នេះ រាល់ពេលដែលអ្នកពិបាកចិត្ត ចូរព្យាយាមឈរនៅមុខកញ្ចក់ ហើយនិយាយទៅកាន់ខ្លួនអ្នកថា "អ្នកស្អាតណាស់" ហើយបន្តញញឹម ព្រោះនោះជាការព្យាបាលដ៏ល្អបំផុតសម្រាប់ភាពអយុត្តិធម៌ និងទុក្ខលំបាករបស់អ្នក។

៦.រៀននិយាយឲ្យបានត្រឹមត្រូវ

រៀនញ៉ាំ រៀននិយាយ គឺជាមេរៀនកំហិតមួយក្នុងជីវិត។អ្នកអាចបញ្ចេញអារម្មណ៍ និងយោបល់របស់អ្នក ប៉ុន្តែនោះមិនមានន័យថាអ្នកអាចបង្ហាញវាដោយព្រៃផ្សៃគ្មានដែនកំណត់ និងគ្មានការសម្របសម្រួលនោះទេ។ និយាយជាមួយនរណាម្នាក់ ព្រោះនៅពេលដែលអ្នកមានកន្លែងសម្រាប់បញ្ចេញការព្រួយបារម្ភ ការអាក់អន់ចិត្ត ឬកំហឹងរបស់អ្នកនឹងត្រូវបានកាត់បន្ថយបន្តិច។ ការដឹងពីរបៀបនិយាយត្រឹមត្រូវត្រឹមត្រូវ មិនត្រឹមតែជួយយើងបញ្ចេញអារម្មណ៍អវិជ្ជមានប៉ុណ្ណោះទេ ប៉ុន្តែតាមរយៈការសន្ទនាយើងក៏អាចរៀនពីដំបូន្មានរបស់អ្នកដទៃ និងស្វែងរកវិធីដោះស្រាយជាមួយពួកគេ នោះការដោះស្រាយបញ្ហាកាន់តែប្រសើរ។

៧. ធ្វើលំហាត់ប្រាណ

អ្នកប្រហែលជាមិនដឹងទេ ការជួយរាងកាយរបស់អ្នកឲ្យបែកញើសគឺជាវិធីដ៏ល្អបំផុតមួយដើម្បីបំបាត់ភាពតានតឹង និងទទួលបានស្មារតីល្អបំផុតឡើងវិញ។ ដូច្នេះចេញពីផ្ទះទទួលខ្យល់អាកាសបរិសុទ្ធ ហើយទៅរត់នៅពេលព្រឹកព្រលឹម ឬពេលណាដែលអ្នកធុញទ្រាន់។ប្រើញើសដើម្បីផ្លាស់ប្តូរអារម្មណ៍អវិជ្ជមានរបស់អ្នក សូមឲ្យពណ៌បៃតងនៃដើមឈើពណ៌ដ៏រស់រវើកនៃផ្កាគ្រប់ប្រភេទធ្វើឲ្យចិត្តនិងព្រលឹងអ្នក។

អារម្មណ៍គឺជារឿងដែលពិបាកគ្រប់គ្រងបំផុតប៉ុន្តែយើងនៅតែអាចគ្រប់គ្រងអារម្មណ៍របស់យើងបានយ៉ាងល្អតាមរយៈវិធីសាមញ្ញដែលបានរៀបរាប់ខាងលើ។ចូរសាកល្បងវា ហើយចែករំលែកប្រសិទ្ធភាពនៃការគ្រប់គ្រងអារម្មណ៍របស់អ្នកជាមួយយើង៕

ប្រភព ៖ Kenh14

អានបន្ថែម