ហេតុផល ៥យ៉ាង ដែលធ្វើឲ្យមនុស្សចាស់ប្រឈមមុខនឹងជំងឺធ្លាក់ទឹកចិត្ត!
យល់ដឹង ៖ ជំងឺធ្លាក់ទឹកចិត្តចំពោះមនុស្សចាស់ គឺជាជំងឺផ្លូវចិត្តរបស់មនុស្សចាស់ដែលបណ្តាលមកពីអារម្មណ៍ខកចិត្ត ការបាត់បង់ ការអាឡោះអាល័យចំពោះអតីតកាល ឬអ្វីដែលបាត់ក្នុងជីវិតរួមទាំងការលំបាក ក្នុងការទទួលយកការផ្លាស់ប្តូរ មនុស្សចាស់មិនសប្បាយរីករាយ កើតចិត្តសោកសៅ មានអារម្មណ៍អស់សង្ឃឹម រហូតដល់មិនចង់រស់នៅតទៀត ដូច្នេះហើយ យើងត្រូវតាមដានសញ្ញា នៃជំងឺធ្លាក់ទឹកចិត្តចំពោះមនុស្សចាស់រួមទាំងការយល់ ពីកត្តាដែលនាំឲ្យពួកគាត់មានកើតអារម្មណ៍អវិជ្ជមានទាំងនោះ។
ខាងក្រោមនេះជាហេតុផល៥យ៉ាង ដែលធ្វើឲ្យមនុស្សចាស់ ប្រឈមមុខនឹងជំងឺធ្លាក់ទឹកចិត្ត ៖
១. ធ្លាប់ធ្វើការរាល់ថ្ងៃ តែមកត្រូវនៅស្ងៀម
វាជាការផ្លាស់ប្តូរ ដែលពិបាកដោះស្រាយណាស់ ត្រូវការពេលវេលាដើម្បីកែតម្រូវទោះបីជាមនុស្សចាស់ជាច្រើន គឺជាមនុស្សប្រាថ្នាចង់បានជីវិតសុខស្រួល ពេលបានចូលនិវត្តន៍ពីការងារដើម្បីសម្រាកប៉ុន្តែនៅពេលនោះ ពិតជាជីវិតជាថ្មីម្តងទៀត អាចបណ្តាលឲ្យមានអារម្មណ៍ធ្លាក់ទឹកចិត្ត ដោយសារតែមនុស្សចាស់ភាគច្រើន ធ្លាប់ធ្វើការរាប់ទសវត្សរ៍អ្នកខ្លះធ្លាប់មានមុខតំណែងការងារធំៗ ពេលពួកគាត់ចូលនិវត្តន៍ ជីវិតរបស់ពួកគាត់បានផ្លាស់ប្តូរគ្មានមនុស្សនៅជុំវិញដូចមុន ខិតខំពេញមួយជីវិត បានប្តូរទៅជាភាពអត់ការងារធ្វើ ដូច្នេះហើយពួកគាតមិនធ្លាប់នៅផ្ទះតែម្នាក់ឯង មិនបានធ្វើអ្វីដែលតែងតែធ្លាប់ធ្វើកន្លងមក។
២. ភាពឯកានៃការនៅផ្ទះតែម្នាក់ឯង
បន្ទាប់ពីចូលនិវត្តន៍ ពួកគាត់មិនបានចេញទៅធ្វើការទេ ហើយត្រូវរស់នៅផ្ទះតែម្នាក់ឯង នៅពេលថ្ងៃព្រោះក្មេងៗទាំងអស់ចេញទៅធ្វើការ និងទៅសាលារៀន នេះជារឿងដែលរំខានមនុស្សចាស់ណាស់សម្រាប់មនុស្សដែលបានធ្វើការនៅខាងក្រៅផ្ទះរាប់ទសវត្សរ៍ នៅផ្ទះពេលថ្ងៃ នៅថ្ងៃធ្វើការជារឿងដែលមនុស្សចាស់មិនសូវស្គាល់អ្វីដែលស្ងប់ស្ងាត់ឯកា ទំនេរពេក មើលទៅឯកា គួរឲ្យខ្លាច ពេលនៅម្នាក់ឯងក៏មានអារម្មណ៍ឯកា ឃើញកូនចៅចេញទៅធ្វើការបាត់ៗធ្វើឲ្យមានអារម្មណ៍ថាពួកគាត់ជាមនុស្សគ្មានតម្លៃ។
៣. ធ្លាក់ទឹកចិត្ត កើតពីអាយុកាន់តែច្រើន
ការផ្លាស់ប្តូររាងកាយ គឺជាការផ្លាស់ប្តូរជាក់ស្តែងបំផុត ទោះបីជារាងកាយបន្តិចម្តងៗនិងកាន់តែយ៉ាប់យ៉ឺនជាលំដាប់ ប៉ុន្តែមនុស្សជាច្រើនមិនដែលកត់សម្គាល់ខ្លួនឯងទេ រហូតដល់ពួកគេចូលនិវត្តន៍ហើយរស់នៅដោយខ្លួនឯង ទើបដឹងថារាងកាយលែងដូចមុនទៀតហើយ ការចងចាំក៏បាត់បង់ ត្រចៀកស្ដាប់មិនសូវបានមើលមិនសូវឃើញអ្វីទាំងអស់ដូចមុន រាងកាយជួយខ្លួនឯងតិច និងពឹងផ្អែកលើអ្នកដទៃកាន់តែច្រើនក្លាយជាអារម្មណ៍បន្ទោសខ្លួនឯង ភាពតានតឹង ឆាប់ខឹង រួមទាំងការធ្លាក់ទឹកចិត្តពីការចុះខ្សោយនៃខួរក្បាលនិងអតុល្យភាពអ័រម៉ូនក្នុងរាងកាយ។
៤. តួនាទីសំខាន់ត្រូវបានកាត់បន្ថយ
វាជាការផ្លាស់ប្តូរផ្លូវចិត្ត ដោយសារចូលនិវត្តន៍ពីការងារមកអង្គុយដេកផ្ទះ ដោយគ្មានការទទួលខុសត្រូវធ្លាប់ធ្វើការជាមេគ្រួសារ គឺជាសសរផ្ទះ ដោយសារចេះជួយខ្លួនឯងបានល្អ គេត្រូវពឹងអ្នកដទៃឲ្យបានច្រើនប្រាក់ដែលរកបានដោយខ្លួនឯងត្រូវរង់ចាំពីកូនចៅជំនួសវិញ ធ្វើឲ្យពួកគាត់មានអារម្មណ៍ថាតួនាទីសំខាន់របស់ខ្លួនត្រូវបានកាត់បន្ថយនេះធ្វើឲ្យមនុស្សចាស់ខ្លះមានអារម្មណ៍បាត់បង់អស់សង្ឃឹម ដោយគិតថាខ្លួនគ្មានតម្លៃគ្មានប្រយោជន៍ ភាពចាស់គឺជាបន្ទុកសម្រាប់អ្នកដទៃ មានអារម្មណ៍ថាខ្លួនឯង មិនអាចទទួលយកបានជាពិសេសប្រសិនបើនៅក្នុងបរិយាកាសអវិជ្ជមាន សមាជិកគ្រួសារមិនខ្វល់ គ្មានសង្គម នោះអាចនឹងកាន់ជះផលមិនល្អទៅៗ។
៥. ការបាត់បង់ ការបែកបាក់
ពិតណាស់រស់នៅបានយូរ ឱកាសកាន់តែច្រើនដែលពួកគាត់ត្រូវឃើញមនុស្សជុំវិញខ្ញុំចាកចេញបន្តិចម្តងៗពីឪពុកម្តាយ សាច់ញាតិ បងប្អូន ដៃគូ និងមិត្តភក្តិ មនុស្សចាស់ជាច្រើនក៏ត្រូវប្រឈមមុខនឹងការស្លាប់មុនអាយុរបស់កូនផងដែរវាពិតជាអារម្មណ៍មួយគិតថាវាត្រូវតែជាពួកគាត់ដែលគួរតែនៅទីនោះមុនគេ ការបែកបាក់និងការបាត់បង់នេះថ្វីត្បិតតែមនុស្សជាច្រើនព្យាយាមលួងចិត្តខ្លួនឯងថាមិនអីក៏ដោយ ក៏គេស៊ាំនឹងវាទៅហើយ ប៉ុន្តែការដឹងថាមនុស្សជាទីស្រលាញ់ចាកចេញបែបនេះមិនមែនជារឿងងាយស្រួលនោះទេ៕
ប្រភព ៖ Sanook