កម្សាន្ត ៖ ជាការបង្ហាញខ្លួនដ៏ល្អឥតខ្ចោះ នៃវត្តមាននៅលើឆាកគឺជាហេតុផលមួយក្នុងចំណោមហេតុផលជាច្រើន ដែល BTS ត្រូវបានគេចាត់ទុកថាជាអ្នកសម្ដែងផ្ទាល់លំដាប់កំពូលនៅក្នុងឧស្សាហកម្មតន្ត្រី នាពេលបច្ចុប្បន្ននេះ។
ទោះបីជាសមាជិកអាចមានបុគ្គលិកលក្ខណៈខុសគ្នាខ្លាំង នៅក្នុងជីវិតពិតក៏ដោយតែនៅពេលដែលពួកគេឡើងលើឆាក ពួកគេសុទ្ធតែបង្កប់នូវអ្វីម៉្យាងដែលជាអត្ថន័យ នៃបទចម្រៀងដូចជាវាជាធម្មជាតិទីពីររបស់ពួកគេ។ ហើយភាពផ្ទុយគ្នារវាងបុគ្គលិកលក្ខណៈនៅលើឆាក និងក្រៅឆាក ក៏បានឆ្លុះបញ្ចាំងយ៉ាងខ្លាំងនៅលើ RM ដែលត្រូវបានគេស្គាល់ថា ជាមនុស្សស្ងប់ស្ងាត់ជាងធម្មតាប៉ុន្តែធ្វើឲ្យឆាកតន្រ្តីក្តៅគគុករាល់ពេល។
ដូច្នេះ នៅក្នុងការសន្ទនាថ្មីៗនេះរបស់លោក ជាមួយ PharrellWilliams សម្រាប់ Rolling Stone RM បានបង្ហាញថាការផ្លាស់ប្តូរនេះមិនកើតឡើងយ៉ាងងាយស្រួលដូចដែលវាមើលទៅនោះទេ។ RM បញ្ជាក់ថាទោះរងសម្ពាធយ៉ាងណាក៏លោក អាចដោះស្រាយបានដែរ ព្រោះខ្លួនដឹងពីអារម្មណ៍ស្រលាញ់ពិតពីអ្នកគាំទ្រហើយចង់ប្រគល់វាមកវិញដោយស្មោះ តាមដែលអាចធ្វើទៅបាន។
សូម្បីតែមុនពេលសម្ភាសន៍នេះ RM បាននិយាយអំពីការតស៊ូរបស់ខ្លួន ក្នុងការស្វែងរកកន្លែងដោះស្រាយរវាងអត្តសញ្ញាណពីរ របស់លោកគឺ Kim Namjoon និង RM ហើយហេតុផលដែលលោកអាចសម្រេចបាន នូវការសំយោគអត្តសញ្ញាណនេះ គឺដោយសារតែលោកមានមនុស្សដែលនៅក្បែរ ទាំង ARMYs និង BTS។ ដូច្នេះបើទោះបីជារងសម្ពាធ សម្រាប់ការបំពេញតាមការរំពឹងទុក បង្កើតការបំបែករវាងបុគ្គលក្រៅឆាក និងនៅលើឆាកក៏ដោយ វាគឺជាការគាំទ្រ និងសេចក្តីស្រលាញ់ពិតប្រាកដ របស់អ្នកគាំទ្រ និងសម្រាប់អ្នកគាំទ្រដែលធ្វើឲ្យ RM រក្សាវាជាមួយគ្នា៕
ប្រភព : Koreaboo