តារានិករទាំង ៥ ដែលគ្មាននរណាម្នាក់ យល់ច្បាស់ពីពួកគេឡើយ!
យល់ដឹង៖ តើអ្នកដែលមានអារម្មណ៍ថា មិត្តរបស់អ្នកតែងតែមិនយល់ពីអ្នកទេ? តើមិត្តស្រី ឬមិត្តប្រុសរបស់អ្នកជារឿយៗត្អូញត្អែរថាអ្នកមិនព្យាយាមយល់ពីពួកគេទេ? ឬពិបាកយល់ពីមិត្តខ្លះ? ប្រាកដណាស់ មានមនុស្សក្នុងតារានិករមួយក្រុម ដែលប្រាកដជាមនុស្សដែលអ្នកមិនអាចយល់បាននោះ។
ខាងក្រោមនេះនឹងបង្ហាញពី តារានិករទាំង ៥ ដែលគ្មាននរណាម្នាក់ ងាយយល់ពីពួកគេឡើយ ៖
♋️ Cancer (Jun 21 – Jul 22)
Cancer អាចចងចាំព្រឹត្តិការណ៍មួយ ពីអតីតកាល ហើយខឹងច្រឡោតឡើងភ្លាមៗ។ ខណៈដែលអ្នកបានឃើញមុខពួកគេ នៅព្រឹកនេះ ដូចជាមានសុភមង្គល ប្រហែលជាមិនដូចគ្នាទេ ប្រសិនបើអ្នកឃើញពួកគេ ត្រឹមតែកន្លះម៉ោងក្រោយមក។ វាទាំងអស់ដោយសារតែពួកគេ មានអារម្មណ៍មិនល្អ។ ហើយខណៈពេលដែលអ្នកអាចបន្ត សួរពួកគេពីហេតុផល ពួកគេប្រហែលជាមិនអាចបង្ហាញវាបានទេ។ ដូច្នេះហើយ ពួកគេតែង ធ្វើឲ្យអ្នកដ៏ទៃយល់ច្រឡំ។
♊️ Gemini (May 21 – Jun 20)
Gemini ជាអ្នកសង្កេតការណ៍ស្ងៀមស្ងាត់ ដែលសញ្ជឹងគិតច្រើនពេក លើបញ្ហាដែលមិនចាំបាច់។ ពួកគេបញ្ចប់ការយល់ច្រឡំទាំងអស់មិនត្រឹមតែអ្នកដទៃប៉ុណ្ណោះទេ ថែមទាំងខ្លួនឯងទៀតផង។ ខណៈពេលដែល នៅក្នុងករណីនៃមនុស្សជាច្រើន ហេតុផលនៅពីក្រោយអារម្មណ៍មិនសប្បាយចិត្ត និងសប្បាយរីករាយរបស់ពួកគេ អាចជារឿងផ្សេងគ្នា។ បញ្ហាដូចគ្នាអាចធ្វើឲ្យ ពួកគេសប្បាយចិត្តនៅពេលមួយ ហើយវាអាចនឹងធ្វើឲ្យពួកគេមានអារម្មណ៍សោកសៅ នៅពេលមួយទៀត។ ដូច្នេះ ពួកគេមិនយល់សូម្បីតែខ្លួនឯង។ ម្យ៉ាងទៀត ពេលខ្លះពួកគេលោតយ៉ាងលឿន ពីមតិមួយទៅមតិមួយទៀត។ ពួកគេចូលចិត្តនិយាយទៅកាន់មនុស្សគ្រប់គ្នា និងនរណាម្នាក់។ រឿងនេះពិតជា ធ្វើឱ្យមនុស្សភាគច្រើនយល់ច្រឡំ។
♏️ Scorpio (Oct 23 – Nov 21)
មែនហើយ មូលហេតុធំបំផុតដែល Scorpio ពិបាកយល់ គឺពួកគេមិនមានអាកប្បកិរិយា ដែលដូចនឹងអារម្មណ៍របស់ពួកគេឡើយ។ពួកគេធ្វើដូចដែលស្ថានការណ៍ តម្រូវឲ្យពួកគេធ្វើ រហូតដល់ស្ថានភាពពិតជាអាក្រក់មួយកើតឡើង។ ជាទូទៅពួកគេលាក់អារម្មណ៍របស់ពួកគេណាស់។ ពួកគេប្រហែលជាមិនសើច ចំពោះរឿងកំប្លែងល្អទេ ឬប្រហែលជាអាចមើលស្រាល នូវអ្វីដែលមានអារម្មណ៍ថា នឹងរំខានពួកគេ។ ដូច្នេះ ពួកគេជាមនុស្ស ដែលមិនអាចទាយទុកជាមុនបាន។ ពេលដែលអ្នកគិតថា អ្នកចាប់ផ្តើមយល់ពីពួកគេពួកគេនឹងបង្ហាញថាអ្នកគិតខុស។
♒️ Aquarius (Jan 20 – Feb 18)
Aquarius មានអាថ៌កំបាំងច្រើន និងមិនបើកបេះដូងរបស់ពួកគេ នៅចំពោះមុខមនុស្សគ្រប់គ្នាទេ។ ខណៈពេលដែល Scorpios មានអារម្មណ៏ថា ពួកគេចង់បើកចិត្តសម្រាប់នរណាម្នាក់ ប៉ុន្តែ Aquarians មានភាពច្របូកច្របល់ក្នុងករណីនេះ ដោយស្វែងរកកន្លែងដែលមានសុវត្ថិភាពជាងមុន ដើម្បីឃ្លាតឆ្ងាយពីមនុស្ស។ ពេលខ្លះ ពួកគេក៏មិនមានអារម្មណ៍ថា ត្រូវបង្ហាញពីបេះដូងរបស់ពួកគេដែរ។ពួកគេជឿថា មនុស្សគ្រប់គ្នាត្រូវតែកើនឡើង ដល់កម្រិតរបស់ពួកគេ ដើម្បីយល់ពីពួកគេបាន។
♓️ Pisces (Feb 19 – Mar 20)
ពួកគេមិនបញ្ចេញមតិច្រើនទេ។ Pisceans គឺជាមិត្តរបស់មនុស្សគ្រប់គ្នា និងជាមិត្តជិតស្និទ្ធរបស់មនុស្សមួយចំនួន។ យ៉ាងណាក៏ដោយ ពួកគេប្រហែលជាមិនបង្ហាញពីចិត្ត តាមរយៈពាក្យសម្ដីទេ ប៉ុន្តែអាចនឹងប្រើទម្រង់ផ្សេងទៀត ក្នុងការបញ្ចេញមតិដូចជាទាក់ទងនឹងសិល្បៈ។ ពួកគេមានអារម្មណ៍មិនល្អច្រើន ប៉ុន្តែអារម្មណ៍នោះជាទូទៅ មិនមែនដោយសារតែអ្វីមួយ ឬអ្នកខាងក្រៅនោះទេ ប៉ុន្តែជាអារម្មណ៍របស់ពួកគេផ្ទាល់។ ទោះជាយ៉ាងណាក៏ដោយ មនុស្សតែងយល់ច្រឡំ អំពីស្ថានភាពបែបនេះ ដោយសន្និដ្ឋានថាទង្វើរបស់ពួកគេ បានធ្វើឲ្យ Pisceans តូចចិត្ត។
ប្រភព: boldsky.com