Jun Ji Hyun គឺជាសិល្បករដែលរកចំណូល បានខ្ពស់បំផុតប្រចាំឆ្នាំនេះ!

កូរ៉េខាងត្បូង ៖ យោងតាមរបាយការណ៍របស់ប្រព័ន្ធផ្សព្វផ្សាយមួយបានឲ្យដឹងថាតារាសម្ដែងស្រីល្បីលំដាប់ប្រទេស Jun Ji Hyun អាចរកចំណូលជាជារៀងរាល់ឆ្នាំបានប្រមាណ ១០០០លានវ៉ុន សម្រាប់ការផ្សាយពាណិជ្ជកម្មតែមួយប៉ុណ្ណោះ ហើយនៅឆ្នាំនេះ នាងក៏ជាអ្នកតំណាងឲ្យ Brand ចំនួន ១៦ ផ្សេងៗគ្នាផងដែរ។

តាមរយៈប្រាក់ចំណូលច្រើនបែបនេះ Jun Ji Hyun ត្រូវបានគេប៉ាន់ប្រមាណថា ប្រាក់ចំណូលសរុបនៅឆ្នាំនេះមានខ្ទង់ ១៧ ពាន់លានវ៉ុនបើគិតជាដុល្លារប្រមាណ ១៤.៧ លានដុល្លារ ហើយនាងក៏ក្លាយជាតារាសម្ដែងស្រីរបស់ប្រទេសកូរ៉េម្នាក់ ដែលមានប្រាក់ចំណូលខ្ពស់ជាងគេបំផុតប្រចាំឆ្នាំ ២០២១ នេះ។

ប្រភពព័ត៌មានក៏បានបញ្ជាក់ឲ្យដឹងថា តារាៗដែលមានប្រាក់ចំណូលខ្ពស់បន្ទាប់ពីJunJi Hyun រួមមាន ៖លំដាប់ទី២ បានទៅលើ Kim Soo Hyun លំដាប់ទី៣ គឺ Yoo Jae Suk លំដាប់ទី៤ គឺ SongJoong Ki លំដាប់ទី៥ គឺ Lee Seung Ki លំដាប់ទី៦គឺ Shin Dong Yup និងលំដាប់ទី៧ គឺ Song Hye Kyo៕

ប្រភព ៖ Allkpop