Taeyeon សារភាពថា កាលនៅជាអ្នកហ្វឹកហាត់ ធ្លាប់រត់ ព្រោះពិបាករឿងតមអាហារពេក!

September 2, 2021

កូរ៉េខាងត្បូង ៖ នៅថ្ងៃទី១ ខែ កញ្ញា ឆ្នាំ ២០២១ម្សិលមិញនេះ Girls' Generation បានបង្ហាញខ្លួន នៅការផ្សាយកម្មវិធី YouQuiz on the Block របស់ស្ថានីយ៍ទូរទស្សន៍ tvN ដោយមានលើកឡើងពីប្រធានបទនានា ទាក់ទងនឹងការងារសិល្បៈរបស់ពួកគេ។

ស្របពេលកំពុងផ្ដល់បទសម្ភាសន៍ សមាជិកក្រុមម្នាក់គឺ Taeyeon បានលាតត្រដាងរឿងមួយ កាលពីអតីតកាលនៅក្នុងថ្ងៃហ្វឹកហាត់របស់នាង ខណៈពេលគេសួរថាតើនាងធ្លាប់គិតអំពីការបោះបង់ចោលមុនពេល Debut ជាតារាចម្រៀងទេ?

Taeyeon នាងបាននិយាយថា ៖

ខ្ញុំចង់ឲ្យមាននរណាម្នាក់មកចាប់ដៃខ្ញុំ។ ខ្ញុំមិនចង់បោះបង់ចោលអ្វីទាំងអស់។ ភ្លាមៗនោះខ្ញុំចងចាំរឿងនេះ ប៉ុន្តែនៅពេលនោះ រូបរាងរបស់ខ្ញុំ គឺរាងធាត់ជាងអ្នកដទៃ។ ការតមអាហារពិតជាពិបាកណាស់។ ខ្ញុំត្រូវច្រៀងប៉ុន្តែពួកគេក៏បានប្រាប់ខ្ញុំថា រាងកាយខ្ញុំក៏ត្រូវស្គមដែរ។ ប៉ុន្តែការសម្រកទម្ងន់ វាមិនកើតឡើងដោយងាយទេ។ ជាលទ្ធផលខ្ញុំខឹង និងអន់ចិត្តចំពោះខ្លួនឯងយ៉ាងខ្លាំងដែលធ្លាប់រត់ត្រលប់ទៅផ្ទះរបស់ខ្ញុំវិញ។
— Taeyeon

សមាជិកក្រុម Seohyun បានបន្ថែមទៀតថា ពេលចាប់ផ្តើមថ្ងៃដំបូងអ្នកគ្រប់គ្រងរបស់ពួកគេមិនអនុញ្ញាតឲ្យពួកគេញ៉ាំអាហារនោះទេ ព្រោះពួកគេត្រូវតមអាហារ តែក៏ធ្លាប់នាំគ្នាពួន ហើយលួចញ៉ាំសូកូឡាផងដែរ៕

ប្រភព ៖ Allkpop

អានបន្ថែម