ជារៀមច្បងល្អ RM បង្ហាញទង្វើបែបនេះ ពេល TXT ចេញអាល់ប៊ុមថ្មី
កូរ៉េខាងត្បូង៖ តារាចម្រៀងរ៉េប RM របស់ក្រុម BTS ដែលជួនកាលគេហៅថា Kim Namjoon ត្រូវបានគេចាត់ទុកថា ជាអ្នកដឹកនាំដ៏ល្អបំផុតម្នាក់នៅក្នុង K-Pop ។ លោកបានរក្សាក្រុមរបស់ខ្លួនឲ្យមានមូលដ្ឋាន និងស្ថិរភាពពេញលេញរហូតមានការឡើងដល់កំពូលពិភពលោកមិនធ្លាប់មានពីមុនមក។ ហើយសមាជិកក្រុម BTS តែងតែនិយាយថា ក្រុមរបស់ពួកគេនឹងមិនជោគជ័យដូចពេលនេះឡើយ បើគ្មាន RM។
ជាការពិត តារារ៉េបរូបនេះ ក៏បានគាំទ្រក្រុមតូចៗផ្សេងៗជាច្រើន ក្រោមការដឹកនាំរបស់ HYBE ដែលបង្ហាញថាលោកនៅតែធ្វើជាគំរូដ៏ល្អមួយ សូម្បីតែក្រុមផ្សេងគ្នាក៏ដោយ។ ករណីថ្មីៗនេះ គឺនៅពេលដែល RM បានបង្ហោះ Story ក្នុង Instagram ដែលបង្ហាញថាលោកបានចាក់បទចម្រៀងរបស់ក្រុមក្មេងៗដូចជា fromis_9 , ENHYPEN , TXT , SEVENTEEN , NewJeans , និង LE SSERAFIM ផងដែរ។
ជាមួយគ្នានេះ RM បានបង្ហាញពីក្តីស្រលាញ់របស់ខ្លួនចំពោះក្រុម TXT ម្តងទៀតនៅក្នុង Story Instagram ចុងក្រោយរបស់លោក។ រូបថតទីមួយ បានបង្ហាញពីច្បាប់ចម្លងនៃអាល់ប៊ុមត្រលប់មកវិញចុងក្រោយបង្អស់របស់ TXT ដែលមានចំណងជើងថា The Name Chapter: Temptation ដែលត្រូវបានសរសេរថា «To. Namjoonie hyung» ( Hyung គឺជាពាក្យដែលបុរសកូរ៉េប្រើសម្រាប់បុរសវ័យចាស់ទុំ)។
រូបថតទីពីរ បង្ហាញពីផ្នែកនៃសារពិសេសដែល RM ទទួលបានពីអ្នកដឹកនាំក្រុម TXT គឺ Soobin ដែលបាន និយាយថា RM គឺជាគំរូដ៏ធំមួយសម្រាប់ខ្លួនគេ។ ទោះបីជាអាចអានបានតែពីរបីប្រយោគក៏ដោយ ប៉ុន្តែការកោតសរសើរយ៉ាងជ្រាលជ្រៅរបស់ Soobin ចំពោះ RM គឺមានន័យ។ វាក៏បង្ហាញផងដែរថា Soobin បានស្តាប់អាល់ប៊ុមទោលរបស់ RM ដែលមានចំណងជើងថា Indigo!
រឿងចុងក្រោយ បានបង្ហាញថា RM បានចាក់បទចម្រៀងមួយបទពីអាល់ប៊ុម The Name Chapter: Temptation របស់ TXT ដែលមានចំណងជើងថា «Sugar Rush Ride» ជាភស្តុតាងដែលថា លោកបានស្តាប់អាល់ប៊ុមនេះយ៉ាងពិតប្រាកដ។ ហើយទង្វើបែបនេះ ពិតជាធ្វើឲ្យហ្វេនលួចសរសើរថា RM ជារៀមច្បងដ៏គំរូមួយរូបនៅក្នុងវិស័យមួយនេះ។
ប្រភព៖ koreaboo