RM ក្លាយជាសិល្បករកូរ៉េវ័យក្មេងបំផុត ជាប់ក្នុងបញ្ជី Most Credited Korean Artist របស់ KOMCA!

កូរ៉េខាងត្បូង ៖ យោងតាមសមាគមរក្សាសិទ្ធិតន្រ្តីកូរ៉េ Korea MusicCopyright Association (KOMCA) បានឲ្យដឹងថា បច្ចុប្បន្នតារាប្រុសRM មេដឹកនាំក្រុម BTS បានក្លាយជាអ្នកសិល្បករកូរ៉េវ័យក្មេងជាគេ ដែលបានសាងកេរ្តិ៍ឈ្មោះមានមុខនិពន្ធចម្រៀងបាន ១៧៦បទ ដោយជាប់ចំណាត់ថ្នាក់លេខ២ ក្នុងបញ្ជី Most Credited Korean Artistរបស់ខ្លួន។

គួរបញ្ជាក់ផងដែរថា ដោយគិតត្រឹមថ្ងៃទី១៥ ខែ កក្កដា ឆ្នាំ ២០២១សិល្បករដែលជាប់ក្នុងបញ្ជី Top Most Credited Artist រួមមាន ៖ Top 1បានទៅលើ VIXX‘s Ravi ជាមួយស្នាដៃ ១៩៧ Credits ចំណាត់ថ្នាក់ Top 2 បានទៅលើ PSY និង RM ជាមួយស្នាដៃ ១៧៦ Credits និង Top 3 បានទៅលើ  BIGBANG‘sG-Dragon ជាមួយស្នាដៃ ១៧៤ Credits។

កាលពីមុន RM ត្រូវបានគេចាត់ទុកថាជាសិល្បករជាប់ទី៣ ហើយឥឡូវនេះ បន្ទាប់ពីចេញបទចម្រៀងថ្មីរបស់ BTS រួមមានបទ Butter ត្រូវបានគេរាប់បន្ថែម ព្រមជាមួយស្នាដៃរួមសរសេរបទ 0X1=LOVESONG (IKnow I Love You) របស់សិស្សប្អូន TXT ផងដែរ។

ដើម្បីជាការអបអរសារ ចំពោះសមិទ្ធផលនេះ ARMY កំពុងនាំគ្នា Trend លើ Twitter ដោយប្រើ Hashtag #RM176KOMCA ហើយបច្ចប្បន្នកើនលើសពី ១២៦,០០០ Tweets ហើយ៕

សូមអបអរ RM ចំពោះសមិទ្ធផលថ្មីនេះ!

ប្រភព ៖ Koreaboo